Qazaqstan Respýblıkasynyń Eńbek jáne halyqty áleýmettik qorǵaý mınıstriniń buıryǵy № 320-ó

2010 jylǵy 27 qyrkúıek, Astana qalasy Kadrlardaǵy qazaqstandyq qamtýdy esepteý ádistemesin bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 26-baby 1-tarmaǵynyń 1) tarmaqshasyna sáıkes  buıyramyn: 1. Qosa berilip otyrǵan Kadrlardaǵy qazaqstandyq qamtýdy esepteý ádistemesi bekitilsin. 2. Jumyspen qamtý jáne kóshi-qon departamenti (D.R. Arǵyndyqov)  osy buıryqtyń zańnamada belgilengen tártippen Qazaqstan Respýblıkasynyń Ádilet mınıstrliginde memlekettik tirkelýin qamtamasyz etsin jáne onyń resmı jarııalanýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Eńbek jáne halyqty áleýmettik qorǵaý vıse-mınıstri B.B. Nurymbetovke júktelsin. 4. Osy buıryq birinshi resmı jarııalanǵan kúninen bastap on kúntizbelik kún ótken soń qoldanysqa engiziledi. Mınıstr  G.Ábdiqalyqova. KELISILDI Qazaqstan Respýblıkasy Premer-Mınıstriniń orynbasary - Qazaqstan Respýblıkasynyń Indýstrııa jáne jańa tehnologııalar mınıstri _________________ Á.Isekeshev. 2010 jylǵy «     » __________ KELISILDI Qazaqstan Respýblıkasynyń Munaı jáne gaz mınıstri __________________ S.Myńbaev. 2010 jylǵy «     » ___________ Qazaqstan Respýblıkasy Eńbek jáne halyqty áleýmettik qorǵaý mınıstriniń 2010 jylǵy 27 qyrkúıektegi № 320-ó buıryǵymen bekitilgen Kadrlardaǵy qazaqstandyq qamtýdy esepteý ádistemesi 1.  Kadrlardaǵy qazaqstandyq qamtýdy esepteý ádistemesi (budan ári - Ádisteme) «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańyna sáıkes ázirlendi. 2. Ádisteme kelisimshart boıynsha jer qoınaýlaryn paı­dalanýshylardyń mindettemelerdi oryndaýynyń monıtorıngin jáne baqylaýyn júzege asyrý maqsattary úshin jer qoınaýlaryn paıdalanýǵa arnalǵan kelisimsharttarda  kadr­lardaǵy qazaqstandyq qamtýdy esepteýge, sondaı-aq ótinim berýshilerdiń jer qoınaýlaryn paıdalaný quqyǵyn berýge arnalǵan konkýrstyq usynystardy daıarlaýyna arnalǵan. 3. Qazaqstandyq qamtý kadrlardaǵy sanattar boıynsha ke­lisimshartty oryndaýǵa jumyldyrylǵan personaldyń jal­py sanyna kadrlardaǵy qazaqstandyq qamtýdyń paıyzdyq mánin aıqyndaý negizinde belgilenedi. 4. Qazaqstandyq kadrlardyń paıyzdyq qamtylýy myna sanattar boıynsha aıqyndalady: 1) birinshi sanat – basqarýshy quram; 2) ekinshi sanat – joǵary jáne orta kásiptik bilimi bar mamandar; 3) úshinshi sanat – bilikti jumysshylar. Birinshi sanatqa jer qoınaýyn paıdalanýshynyń jáne (ne­mese) operatordyń aǵymdaǵy qyzmetin basqarýdy júzege asy­ratyn atqarýshy organnyń quramyna kiretin adamdar, olar­dyń orynbasarlary, fılıaldardyń basshylary, sondaı-aq jer qoınaýyn paıdalanýshynyń jáne (nemese) ope­ratordyń jekelegen baǵyttaǵy qyzmetin basqarýdy, qu­rylymdyq bólimshelerdiń qyzmetin úılestirý men ba­qylaýdy qosa júzege asyratyn jer qoınaýyn paıdalanýshy jáne (nemese) operator laýazymyndaǵy adamdar jatady. Ekinshi sanatqa jer qoınaýyn paıdalanýshynyń jáne (nemese) operatordyń qurylymdyq bólimshelerin basqaratyn jáne jer qoınaýyn paıdalanýshynyń qyzmet prosesine tikeleı basshylyqty júzege asyratyn qyzmetkerler, sondaı-aq jer qoınaýyn paıdalanýshynyń jáne (nemese) operatordyń shtatynda turatyn arnaıy bilimi jáne jumys daǵdysy, tájirıbesi bar qyzmetkerler jatady. Úshinshi sanatqa Normatıvtik quqyqtyq aktilerdi memlekettik tirkeý tiziliminde № 4886 tirkelgen Qazaqstan Res­pýblıkasy Eńbek jáne halyqty áleýmettik qorǵaý mı­nıstriniń 2007 jylǵy 19 shildedegi № 165-ó buıryǵymen bekitilgen  Jumysshylardyń jumystary men kásipteriniń bir­yńǵaı tarıftik-biliktilik anyqtamalyǵyn, jumysshy kásip­teriniń tarıftik-biliktilik sıpattamalaryn jáne bas­shylar­dyń, mamandardyń jáne basqa da qyzmetshiler laýa­zymda­rynyń biliktilik anyqtamalyǵyn, sondaı-aq uıym­dar basshy­larynyń, mamandarynyń jáne basqa da qyz­metshileri laýa­zym­darynyń úlgilik biliktilik sıpattamalaryn ázirleý, sy­naq­taý, qaıta qaraý, bekitý jáne qoldaný erejesine sáıkes ázirlengen jáne bekitilgen jumysshylardyń ju­mystary men kásipteriniń biryńǵaı tarıftik-biliktilik anyq­tamalyǵynda, jumysshy kásipteriniń tarıftik-biliktilik sıpattamalarynda belgi­lengen kásiptik talaptarǵa sáıkes keletin bilikti ju­mysshylar jatady. 5. Tıisti sanattar boıynsha qazaqstandyq kadrlardaǵy paıyzdyq qamtý   myna formýla boıynsha aıqyndalady: h =              VKC                 x 100% Vo bul jerde - VKC –        tıisti     sanattaǵy       qazaqstandyq       kadrlardyń       sany; - Vo – kelisimshartty oryndaýǵa jumyldyrylǵan tıisti sanattaǵy personaldyń jalpy sany. Esepteý mysaly: Ekinshi sanat boıynsha qazaqstandyq kadrlardy paıyzdyq qamtýdy esepteý úshin bastapqy derekter: (Vo) – jer qoınaýyn paıdalanýshynyń ekinshi sanaty boıynsha personalynyń jalpy sany 1200 adamdy quraıdy; (VKC) – tıisti sanattaǵy qazaqstandyq kadrlardyń sany 1000 adam quraıdy. Osy sanattaǵy boıynsha qazaqstandyq kadrlardyń paıyzdyq qamtylýy: h =              1000                x 100%            = 83% 1200 quraıdy.