Jumysyn tyń serpilispen bastady

«Nur Otan» partııasynyń keńsesinde partııa Saıası keńesiniń bıýro múshesi jáne Almaty qalalyq fılıalynyń tóraǵasy, qala ákimi Baýyrjan Baıbektiń basshylyǵymen qalalyq fılıal saıası keńesi bıýrosynyń keńeıtilgen otyrysy bolyp ótti. Bıýroda «Nur Otan» partııa­sy Almaty qalalyq fılıaly tóraǵasynyń birinshi orynbasary kandıdatýrasyn qaraý, VI shaqyrylǵan Almaty qalalyq máslıhatyndaǵy «Nur Otan» partııasynyń fraksııasyn qurý, sondaı-aq, fraksııa jetekshisin usyný máseleleri qaraldy. Záýresh Amanjolovanyń Qazaqstan Respýblıkasy Par­la­menti Májilisiniń depýtaty bolyp saılanýyna baılanysty «Nur Otan» partııasy qalalyq fı­lıaly tóraǵasynyń birinshi oryn­basarlyǵyna Juldyz Omar­be­kovanyń kandıdatýrasy usyny­lyp, bıýro músheleri ony biraýyz­dan qoldady. – 20 naýryzda ótken saılaý nátı­jesinde VI shaqyrylǵan Parlament Májilisiniń qura­myna engen 84 depýtattyń 10-y – almatylyq. Sonymen qatar, qa­ladaǵy 37 okrýgtiń 35-inde saılaý­shylar «Nur Otan» partııasynyń ókilderine qoldaý kórsetti. Budan ózge, tuńǵysh ret qalalyq máslıhatqa úsh partııanyń – «Nur Otan», «Aq jol» jáne «Aýyldyń» ókilderi enip otyr. Depýtattar quramy 65 paıyzǵa jańaryp, áıelder men jastardan saılanǵan belsendilerimiz de bar, – dep atap ótti qala basshysy Baýyrjan Baıbek. Partııanyń qalalyq fılıal tóraǵasynyń birinshi orynbasaryn bekitkennen keıin, bıýro músheleri men partııanyń fraksııa ókilderi ózderiniń alǵashqy otyrysyn ótkizdi. Fılıal tóraǵasy ári qala basshysy Baýyrjan Baıbek jańa depýtattyq fraksııa búgingi daǵdarystyq qıynshylyqtar kezeńinde «Nurly Jol» baǵdarlamasy men 5 ınstıtýttyq reformany júzege asyrýdyń «100 naqty qadam» Ult Josparyn jáne Almaty qalasyn damytýdyń 2020 jylǵa deıingi baǵdarlamasyn júzege asyrýǵa eselengen kúsh-jigermen kirisetinine senim bildirdi. Qanat ESKENDIR, «Egemen Qazaqstan». ALMATY.