Naqty istiń partııasy

Atyraýda «Nur Otannyń» óńirlik fılıalynyń tóraǵalyǵyna oblys ákimi saılandy Keshe «Nur Otan» partııasy Tóraǵasynyń birinshi orynbasary Asqar Myrzahmetov Atyraý oblystyq fılıalynyń kezekten tys konferensııasyna qatysty. Konferensııada oblystyq fılıaldyń tóraǵalyǵyna oblys ákimi Nurlan Noǵaev saılandy. Asqar Myrzahmetov Parla­ment Májilisiniń Tóraǵasy bolyp saılanǵan Baqtyqoja Izmu­ham­betovtiń oblystyq fılıal tóraǵasy retindegi úsh jarym jyldan astam ýaqyt ishinde atqar­ǵan eńbegine rızashylyǵyn bildirdi. Sol sekildi Nurlan Noǵaev­tyń Batys Qazaqstan oblys­tyq fılıalynyń tóraǵa­lyǵynda tabysty eńbek etkenin, endi munaıly óńirde de Elba­synyń partııa aldyna qoıǵan mindetterdi oıdaǵydaı júzege asyrý jolyndaǵy jumysyna sáttilik tiledi. Partııa Tóraǵasy birinshi orynbasarynyń pikirinshe, «Nur Otan» – bir kúndik nemese tek saılaýaldy naýqanynda ǵana kórinetin partııa emes. Ol – halyqpen únemi tyǵyz baılanys ornatyp kele jatqan, sonymen birge, saılaýaldy baǵdarlamalyq tuǵyrnamasyn udaıy oryndaıtyn shynaıy saıası uıym. Sonyń jarqyn kórinisi buǵan deıingi kezeńde de, keshegi saılaý barysynda da halyqtyń qoldaýynan kórindi. Máselen, bıylǵy elektoratty naýqan barysynda ár óńirdi aralap, saılaý­shylarmen kezdesýler ótkizgen respýblıkalyq saılaýaldy shtab ókilderimen qatar, 16 aımaqtyq jáne 208 aýmaqtyq saılaýaldy shtabtarda 30 myńnan astam partııa belsendisi jumys istedi. Sonyń ishinde tek Atyraý oblysynda ǵana 126 myńǵa jýyq kezdesý ótkizildi. Saılaýaldy úgit-nasıhat jumystarynyń nátıjesinde munaıly óńir saılaýshylarynyń 85 paıyzǵa jýyǵy «Nur Otan» partııasyn qoldap daýys berdi. Muny, árıne, óńirdegi partııa belsendileriniń aýqymdy jumysynyń jemisi deý­ge bolady. Sonymen birge, Asqar Myrzahmetov Elbasynyń jýyrda partııanyń Saıası keńesinde partııa aldyna qoıǵan mindetterdi tabysty júzege asyrýdyń mańyzdylyǵyna ekpin túsirdi. Onyń pikirinshe, «Nur Otan» partııasy Úkimetpen birlese «Qazaqstan-2021». Birlik. Turaqtylyq. Jasampazdyq» saılaýaldy baǵdarlamasynyń sapaly ári ýaqytynda oryndalýyn qamtamasyz etkeli otyr. О́ıtkeni, «Nur Otan» halyqqa bergen ýádesin oryndaýdy, qur sózdiń emes, naqty istiń partııasy ekenin odan ári jetildirýdi basty maqsaty retinde ustanady. Buǵan qosa, Elbasy usynǵan 5 ınstıtýttyq reforma men Ult Josparynda aıqyndalǵan «100 naqty qadam» baǵdarlamasynyń júzege asyrylýyn da zańnamalyq turǵydan qamtamasyz etýdi kózdeıdi. Al qos palataly Parlament qabyldaǵan 59 zań talaptarynyń saqtalýy men oryndalýyna partııalyq monıtorıng jáne el turǵyndary arasynda túsindirý jumystary júrgizilmek. Partııa tarapynan baqylaý pármeni artady. Ásirese, partııalyq baqylaý «Nurly Jol» baǵdarlamasyn oryndaýǵa baılanysty kúsheıtilgeli otyr. Osy oraıda Asqar Myrzahmetov: «Partııa fraksııalary ózekti máselelerdi turaqty talqylap, baǵdarlama boıynsha bólingen qarajatty tıimdi jumsaýdyń tetikterin jetildirý sharalaryn qabyldaıdy. Barlyq múmkindikter men tetikterdi paıdalana jáne fraksııalar men bastaýysh uıymdardy jumyldyra otyryp, eldegi birlik, beıbitshilik pen kelisimdi qamtamasyz etý úshin qolaıly jaǵdaı jasalady», – dedi. «Nur Otannyń» sybaılas jemqorlyqqa qarsy is-qımyl jónindegi partııalyq baǵdarlamasy da bar. Bul baǵdarlamanyń naqty iske asyrylýy da qoǵamdy jegi qurttaı keýleıtin keselge qarsy bitispes kúres túrinde jalǵasyn taba beredi. Partııa basshylyǵy sybaılas jemqorlyqty boldyrmaý maqsatyndaǵy aldyn alý sharalaryna aıryqsha nazar aýdarmaq. Sol sekildi ortalyqtaǵy jáne jergilikti jerlerdegi fraksııalarǵa halyqty tolǵandyratyn eń túıindi máselelerdi anyqtaý, olardyń oń sheshilýi baǵytyndaǵy jumystarǵa basa kóńil bólý mindeti burynǵydan kúsheıtile túspek. Sol sebepti turǵyndarmen júıeli túrde kezdesýler jáne qoǵamdyq qabyldaýlar uıymdastyrý arqyly maqsatty áleýmettik toptarmen turaqty baılanys jolǵa qoıylady. «Bul mindetterdi oıdaǵydaı atqarýda barsha aımaqtyq jáne aýmaqtyq partııa fılıaldarynyń, Parlament Májilisi men bar­lyq deńgeıdegi máslıhattar depýtattarynyń orny erekshe bolǵaly tur», – dedi «Nur Otan» partııasy Tóraǵasynyń birinshi orynbasary Asqar Myrzahmetov. Aıtqandaı, Atyraý obly­syndaǵy el-jurttyń «Nur Otan» partııasyna yqylasy aıryq­sha deıtindeı derekterdi saralasaq, qazir atalǵan saıası uıym quramynda 32 myńnan astam múshe bar. On kún buryn ótken saılaýda jergilikti máslı­hattardaǵy 134 orynnyń 132-sine, ıaǵnı 98 paıyzdan astamyna «Nur Otan» partııasynyń mú­she­leri saılandy. Joldasbek ShО́PEǴUL, «Egemen Qazaqstan». ATYRAÝ.