Qaıyrymdylyq

Oblys kóleminde ótip jatqan «Janyńda júr jaqsy adam» qaıyrymdylyq aksııasyna «Tarlan» kóp salaly kolledjiniń stýdentteri de beıjaı qaraı almady. Kolledjdiń kúndizgi oqý bóliminiń №201 top stýdentteri fızıka pániniń muǵalimi Janat Qojanovanyń basshylyǵymen qaıyrymdylyq aksııasy aıasynda «Alǵa» balalar úıine bardy. Stýdentter ózderi jınaǵan qarajattaryna balalar úıiniń ótinishi boıynsha 10 dana útikti syıǵa tartyp, konserttik baǵdarlama usyndy. – Jaqsylyq jasaý izgi qasıet dep esepteımin. Taǵdyr tálkegimen balalar úıinde ósýge májbúr bolǵan búldirshinderdiń jabyrqaý kóńilderine bir sátke bolsa da qýanysh syılaıyqshy degen maqsatpen sonda bardyq. Stýdentter ózderiniń shákirtaqysynan azyn-aýlaq syı-sııapat jasaýdy da esten shyǵarmady. Arnaıy konserttik baǵdarlamamyzdy tartý ettik. Balalar úıiniń búgingi tynys-tirshiligimen tanystyq. Al, stýdentter úshin osyndaı ıgi isterdiń bereri mol dep esepteımin, – deıdi top kýratory Janat Qojanova. «Alǵa» balalar úıine barǵan kolledj stýdentteri qaıyrymdylyq pen meıirimdiliktiń, adamgershiliktiń ómirde qanshalyqty qajet ekendikterin sezindi. О́mirde qatelesý, shalys basý sábı júregine qanshalyqty qıyndyq týdyratynyna kóz jetkizgendeı boldy. Satybaldy SÁÝIRBAI, «Egemen Qazaqstan». Aqtóbe oblysy.