Plastık qubyrlar shyǵarylmaqshy

Prezıdent Nursultan Nazarbaev bıylǵy «Nurly Jol – bolashaqqa bastar jol» atty Joldaýynda ındýstrııalyq ınfraqurylymdardy damy­týǵa kóp kóńil bólýimiz kerek ekenin atap ótken bolatyn. Osyǵan oraı Elbasy tapsyrmasyn oryndaý maq­satynda Semeıde kóptegen ıgi ister atqarylyp, ásirese, otandyq óndirýshilerdiń  taýarlary keńinen nasıhattalýda. «Semeıplastkom» zaýytyndaǵy jumys ýaqyty bul kúnderi eki aýysymǵa bólingen. Sebebi, bul jerde qosymsha jumys qoldary kerek bolǵan kórinedi. Ýaqyt ótken saıyn jergilikti taýar óndirýshilerdiń ónimine degen suranys artyp kele­di. Ásirese, semeılik zaýyt­tyń túrli ónimine degen qyzy­ǵýshylyq erekshe. «Semeı­plastkom» zaýyty 2008 jyly «Semplastkom» negizinde áýel basta quıý sehy retinde jumysyn bastaǵan bolatyn. Seh bar bolǵany 90h18 shar­shy metr aýmaqty alyp, qosymsha saýda úıimen ǵana erekshelendi. 2012 jyly tur­mystyq keshen salynyp, plastmassa ýatqysh seh pen 40 shaqty tehnıkaǵa arnalǵan garaj qoldanýǵa berildi. Sol jyly qýattylyǵy 0,7 gıgakalorıı bolatyn sý jylytqysh qazandyqtardy daıyndap shyǵaratyn qazandyq ta iske qosylady. Plastık qubyrlardy jasap shyǵarý úshin sapaly shıkizat Ońtústik Koreıa men Reseı sııaqty elderden ákelinedi eken. Plastık qubyrlardy Qazaqstannyń barlyq eldi mekenderinde qoldanady. Sondaı-aq, kásiporyn elektr qural-jabdyqtaryn, temir jabdyqtardy da shyǵarýmen aınalysyp keledi. Jańadan salynǵan ǵımarattarda ınje­nerlik júıelerdi quryp, retke keltiretin mobıldi top jumys isteıdi. – Alǵash sharýashylyqty qolǵa alǵan kezde otandyq ónimderdi óndirýdi oıladyq, bul oıymyz júzege asty, – deıdi «Semeıplastkom» JShS dırektory Aleksandr Shmatenko, – sharýamyzdy bir izge keltirgennen keıin ınnovasııalyq tyń joba oılastyra bastadyq. Ol jobany júzege asyrý kezinde qomaqty qarjy ketpeıtin jáne bizben eshkim básekege túse almaıtyn bolýy kerek degen maqsatty aldymyzǵa  qoıdyq. Naryqtyq ekonomıkadaǵy jaǵdaıdy saraptaı otyryp, elimizge qaı jaǵynan da paıda ákeletin jobany qolǵa alýdy jón sanadyq. Plastık qubyrlardy shyǵarý arqyly kommýnaldyq sharýashylyqtarǵa qajetti buıymdar shyǵarsaq, utylmaı­tynymyzdy bildik. О́ıtkeni, qazir kez kelgen jerde plastık qubyrlarsyz turmysty eles­tetý múmkin emes. Bul jerdegi sehtardy biz jańadan derlik jasap, jańadan turǵyzdyq. Biz polıetılen, polıpropılendik, kanalızasııalyq sý, jylý qu­byrlaryn shyǵaramyz.  Qa­zir munda 200 adam turaqty jumyspen qamtylǵan.    Shyǵa­rylatyn ónim qurylys, aýyl sharýashylyǵy salalary men kúndelikti turmysta paı­dalanýǵa baǵyttalǵan. Bul kún­deri elimiz ǵana emes, kúlli TMD elderinde erek­she oryn alyp turǵan plastıkalyq qurylys materıaldary úlken suranysqa ıe. Soǵan oraı aldaǵy ýaqytta «Semeı­plast­kom» zaýytynyń ónim­deri su­ranysqa da, talapqa da saı bolatynyna senimimiz mol. Raýshan NUǴMANBEKOVA.SEMEI.