Kenesary-Kúnimjan

spektaklin el táýelsizdiginiń     25 jyldyǵyna tartý ettik, deıdi Zaısan halyq teatrynyń rejısseri Alma Súleımenova Zaısan halyq teatrynyń ár­tis­­teri Naýryz merekesi qar­sa­ńynda kúrdeli, joǵary sheber­likti qajet etetin dramatýrg Dýman Ramazannyń «Kene­sary-Kúnim­jan» spektaklin kórer­mender nazaryna usyndy. – Naýryz merekesin zaısan­dyq­tar el esinde qalatyndaı, jastarǵa ulttyq dástúr men máde­­nıetimizdi ulyqtaıtyn, úlgi-ónege alatyndaı etip ótkizbek. 22 naýryz kúni ortalyq alańda Zaısan halyq teatrynyń ár­tisteri teatrlandyrylǵan kó­rinisti usynbaq. Abyz áz Naý­ryzdyń kel­genin habarlap, ájeler ortaǵa shy­ǵyp, halyqty jańa jylmen quttyqtaıdy, aýdan ónerpazdary ánnen shashý shashyp, bı bıleıdi, kıiz úıler baıqaýy ótedi, sporttyq jarystar, arqan tartý, balýandar beldesýi, gir tasyn kóterý sııaqty saıystar jankúıerlerdi beıtarap qaldyrmaıdy degen oıdamyz. Aýdannyń barlyq eldi mekenderi Naýryz merekesin mándi de sándi ótkizýge ázirlenip jatyr. Al Zaısan halyq teatry «Kenesary-Kúnimjan» spek­taklimen óner­súıer qaýym­dy bir serpiltip tastamaq, – dedi bizben habarlasqan aýdandyq mádenıet, tilderdi damytý, dene shy­nyq­tyrý jáne sport bóliminiń basshysy Serikbol Sıyrbaev. Munyń aldynda zaısandyq ónerpazdar belgili dramatýrg Sultanáli Balǵabaevtyń «Eń jaq­sy erkek nemese áıelder álemi» spektaklin sahnalaǵan bolatyn. Sondaı-aq, «Qozy Kórpesh – Baıan sulý», «Mahabbat mashaqaty» atty týyndylardy jurtshylyq tamashalap, jerlesteriniń ónerine alǵysyn bildirgen. Dál qazirgi sátte ataqty «Qaragóz» spektakli ázirlenýde. Sonaý 60-jyldary ártis, kúmiskómeı ánshi Oraz Kákeevtiń «Zaısan-Aqjar»halyq teatry quramynda ataqty rejısser, professor, KSRO-nyń halyq ártisi Asqar Toqpanovtyń «Qaragóz» spektak­linde Máskeý­diń Kreml saraıyn­da Sy­rymnyń rólin oınaǵany kóp­shiliktiń esinde shyǵar. – Búginge kúnge deıin «Kene­sary-Kúnimjan» spektaklin qa­la turǵyndary 8 ret tamasha­lady. Bul týyndyny taǵy da kórsetseńizder degen usynys túsip jatyr. Kenesary ult maqta­nyshy, qazaq eliniń azattyǵy úshin, óz aldyna jeke derbes memleketin qurý jolynda janyn qurban etken batyrymyz. Tarıhı dramany sahnaǵa shyǵarar aldynda kóp izdendik, ártisterimiz sheberlikterin jetildire tústi, – deıdi teatr rejısseri Alma Súleımenova. Alma Tólegenqyzy – Qyzyl­ordanyń qyzy, M.Áýezov atyn­daǵy drama teatry stýdııasynyń akter bólimin bitirgen. Keıin rejısser mamandyǵyn da alyp shyǵady. Serke Qojamqulov, Sábıra Maı­qanova, Bıken Rımova sııaqty óner tarlandarynyń sheberligine tánti bolyp, olardyń sahnadaǵy obrazdaryn jasaýdaǵy izdenisine teatrda júrgen kezde kóz jetkizip, solarǵa eliktegen Alma keleshekte men de sol sııaqty bolsam dep armandaıtyn. О́zimen stýdııada birge oqyǵan Zaısannyń Baqytbek Nurǵazın degen jigitimen kóńil jarastyrady, otaý qurady. Baqytbek «segiz qyrly, bir syrly», óner dese ishken asyn jerge qoıatyn termeshi, qazir halyq teatrynyń mádenı mura jónindegi bóliminde qyzmet etýde. Qyzylordanyń talantty qy­­zy Almanyń Zaısanǵa kelin bo­lyp kelgen 34 jyl ishin­de atqarǵan isteri ushan-teńiz. Zaısan halyq teatrynyń qalyp­tasýynda Almanyń kóp úlesi bar ekenin áriptesteri moıyndaıdy. Aýdanda ótip jatqan mádenı sharalardyń barlyǵynyń basy-qasynda Alma júredi, sońǵy jyldary zaı­sandyq ónerpazdardyń tabysqa jetýinde ujymmen birge Almanyń da laıyqty úlesi bar deıdi, mádenıet úıiniń dı­rek­tory Manarbek Ibraev. Aıtsa aıtqandaı, uzaq jylǵy eńbegi baǵalanyp, «Mádenıet salasynyń úzdigi» atanǵan qaryndasymyzdyń keleshekte de baǵy jana bersin, degimiz keledi. «Kenesary-Kúnimjan» spek­tak­linde Jeksen Toqta­synov, Raýan Saqan, Merhat Turǵanbaev, Sha­shýbaı Mamyrbekuly sııaqty talantty ártister general-gýbernator Gorchakov, Kenesary, Nysanbaı jyraý, Naýryzbaı batyr rólderin sátti somdaǵan. Kúnimjan rólinde oınaǵan, jas bolsa da sheberlikteri shyńdala túsken Aıgúl Hamıt pen Jánııa Kısınaǵa jurtshylyq dán razy. Spektakldegi basty tul­ǵa Aqmola ýeziniń aǵa sultany Qońyr Quljanyń rólinde oınaǵan Jeksen Toqtasynovtyń ártistik sheberligi kórermenderdi eleýsiz qaldyrmaıdy, eliktirip otyrady. Baı-manap Tursyn rólin somdaǵan kúmiskómeı ánshi, jaqynda ǵana halyqaralyq baıqaýdan ekinshi oryn alyp kelgen «Mádenıet salasynyń úzdigi» Murathan Dombaıdyń ártis­tik sheberligi jaıly jy­ly lebiz bildirgen oryndy. Al Bıken Nurǵazyqyzynyń Ha­dıshanyń obrazyn jasaǵan kezde kóp izdengeni ańǵarylady. Júrgenov atyndaǵy óner akade­mııasynyń syn bólimin bitirip kelgen talantty akter Merhat Turǵanbaev somdaǵan Naýryzbaı batyr róli men Batys Sibir gýbernatory Gorchakovtyń obrazy bir-birine qarama-qarsy, qaıshy bolsa da talantty akter óz obrazdaryn asha bilgen. Sonymen birge, Merhat spektakldegi bı kórinisterine jan bitirgen. – Spektakldi sahnalaǵan kezde qarjy tapshylyǵyna baı­la­nysty kıim, qajetti qu­ral-jabdyqtardy alýda qıyn­shylyqtar kezdesti, – deı­di Alma Tólegenqyzy. – Barlyǵyn kerek-jabdyqtardy ózimiz tiktik, taýyp aldyq. Máse­len, patsha ofıseriniń rólinde oınaǵan Aqyl Sultanov ózine qajet kı­imdi ózi tikkizdi, teatrdyń kór­kemdik jetekshisi Anar Dom­bae­­vanyń izdenisi men iskerligi nátı­jesinde tuıyqtan shyǵa bildik. Dybys rejısseri Berik Aqaev óz mindetin abyroımen atqardy. Patsha ofıseri Kar­byshevtiń rólindegi Naýryzhan Ispek, baı rólindegi, basqa ról­derdegi Murat Qaınolda, Jas­ulan Kókkózev, Balǵynbek О́rim­hanov, Maıgúl Mojanova, Dınara Arshabaeva, Aıaý Serik­qyzy sııaqty ártister spektakl­degi epı­zodtardy sátti shyǵara bilgen. Alma Súleımenova óziniń jeke jobasy boıynsha poezııa jastar teatryna jetekshilik etedi eken. Jastar teatry da izdenis ústinde... Ońdasyn ELÝBAI, jýrnalıst. Shyǵys Qazaqstan oblysy, Zaısan aýdany. Sýrette: Zaısan halyq teatry­­nyń ártisteri. Ortada teatr re­jıs­­seri Alma Súleımenova. Sýret avtordyki.