Stýdenttik jobalarǵa – jol ashyq

Oblys ortalyǵynda «Damý» kásipkerlikti damytý qory» AQ-tyń ókilderi Sultanmahmut Toraı­ǵyrov atyndaǵy memle­kettik ýnıversıtette boldy. Olar­dyń nazaryna Enactus PSU atty stýdentterdiń startap-jo­balary usynyldy. Buǵan deıin oqý ornynda «Bıznes jáne bilim berý» taqyrybyn arqaý etken «Stýdent jastar bıznes-bastamalarynyń» forýmy da bolyp ótken-di. Oǵan elimizdiń óńirlerinen stýdent jastar, bıznes seriktester, memlekettik organ qyzmetkerleri, belgili kásipkerler qatysty. Maqsaty – bıznes jáne bilim berýdiń seriktestigi men jastar ká­sip­kerliginiń damýy, jeke bız­nesti ashý múmkindigi men bız­nesti júrgizý qabiletin ushtaý, aǵa býynnyń keıingi tolqynmen kásipkerlik ári menedjment tájirıbesin bólisý. Forýmda Enactus Kazakhstan óńirlik ókil­digi resmı túrde ashyldy. Rektor Aryn О́rsarıevtiń aıtýynsha, ýnıversıtette ashylǵan Enactus Kazakhstan óńirlik ókildigi stýdentterdiń iskerlik, áleýmettik ustanymdarynyń anyqtalýyna jáne bıznes alańyna naq qadam jasaýyna yqpal etpek. Iаǵnı, bul tanymal halyq­aralyq uıym jergilikti stýdent­terdiń de oı-armandarynyń oryndalýyna sebepshi bolmaq.Olardyń kásipkerlik mádenıetin qalyptastyryp, bıznespen aınalysýyna múmkindik berip, jas kásipkerler arasynda túrli baıqaýlar, trenıngter ótkizedi. Forým jumysyna Enactus Kazakhstan Prezıdenti Albına Er­janova, oblystaǵy «Damý» Kásipkerlikti damytý qory» AQ jergilikti fılıalynyń dırektory Erqanat Ábenov qatysty. Kópshilik nazaryna «Pecha-kýcha» formatyndaǵy «Meniń kásip­ker­liktegi jolym» atty stýdent­tik bıznes-jobalardyń kórmesi usynylǵan bolatyn. Bul joly ýnıversıtetke joly túsken Qor basqarma tóraǵasynyń orynbasary Dáýlet Ábilqaıyrov ta mashına jasaý jáne metallýrgııa, agroónerkásip jáne energetıka fakýltetterinde bilim alyp júrgen stýdentterdiń úzdik jobalarymen tanysty. Jalpy, buǵan deıin ýnıversıtet «Damý» kásipkerlikti damytý qory» AQ-pen yntymaqtastyq týraly memorandýmdarǵa qol qoıǵan bolatyn-dy. Endi osy kelisimder aıasynda «Kásipkerlikti ashýdy qoldaý baǵdarlamasy» jáne «Stýdent-jastardyń kásipkerlik bastamalaryn qoldaý baǵyttary» boıynsha is-sharalar júzege asady. Stýdentter aýdıtorııada jú­rip-aq, mamandar júrgizetin semı­narlarǵa qatysyp, tájirı­beli bıznes-trenerlerdiń jetek­shiligimen ózderiniń qabilet-qary­myn shyńdaıdy. Kásipkerlik salanyń qyr-syryn úırenedi. Jobanyń túlekterine bıznesti qurý jáne damytý, bıznes jos­parlar daıyndaý, kásipkerlik sýbektisi retinde tirkelý, «Da­mý» qorynyń qoldaýyna ıe bolý úshin qujattar daıyndaý jáne ótinim berý jóninde keńes beriledi. Olar saıt ashýdy, jarnamalyq mátinder jazýdy, bannerler jasaýdy, ótim saýdaǵa saraptama jasaý, marketıngtik aksııalar uıymdastyrý,  ǵalamtor arqyly óz qyzmetteriniń aqy­sy men taýarlardy alýdy úıre­nedi. Ýnıversıtet rektory Aryn О́rsarıevtiń aıtýynsha, «Damý» qory stýdentterge ýnı­ver­sıtette bilim ala júrip, kásip­kerliktiń negizin úırenýge jaq­sy múmkindikter usynýda. Bul olar­dyń aldaǵy ómirlerinde kásip­kerlik salasyna aralasýǵa jáne bıznes-jobalaryn iske asyrýlaryna úlken qoldaý bolady. Farıda BYQAI, «Egemen Qazaqstan». PAVLODAR.