Sondaı-aq, keler jyly týǵanyna 100 jyl tolatyn el aǵasynyń mereıtoıyn laıyqty atap ótý maqsatynda oblysta túrli mádenı-is sharalar ótkizý de josparlanýda. «Ǵasyrlar toǵysynda» atty kitabynda Elbasy Nursultan Nazarbaev: «D. Qonaev Qazaqstan tarıhynda iri tulǵa bolyp qalary daýsyz. Ol jaıyndaǵy áńgime – óz aldyna taqyryp» dep eske alǵany belgili.
Kósemáli SÁTTIBAIULY. Jambyl oblysy.
MEMLEKETARALYQ MÁJILISTIŃ ARQAÝY – SÝ. Shymkentte Ortalyq Azııa elderi arasyndaǵy Memleketaralyq sý sharýashylyǵyn úılestirýshi komıssııanyń 56-shy otyrysy ótti. Májiliste tórt memlekettiń úkimetteri arasynda Syrdarııa ózeniniń sý jáne energetıka resýrstaryn paıdalaný týraly kelisiminiń jobasy talqylandy. Osynda qaralǵan 5 máseleniń 4-ýi boıynsha taraptar ortaq bitimge kelip, qujattarǵa qol qoıyldy. Al, besinshi másele men oǵan qatysty usynystar komıssııa músheleriniń qatysýymen ekinshi toqsanda qaıta qaralyp, tolyqtyrylatyn bolady.
Baqtııar TAIJAN. Ońtústik Qazaqstan oblysy.
«SEMEI TAŃYNYŃ» QOSYMShASY. Qazirde ustazdar qaýymyna qaı basylym bolsa da dán rıza. О́ıtkeni, qazaq basylymdary oqyrmandarynyń basym bóligin solar qurap otyrǵany shyndyq. Sonyń aıǵaǵyndaı, qalalyq «Semeı tańy» gazetiniń bıylǵy taralymy da birshama artyp, alystaǵy aýyldyq aýdandarǵa da tarap jatyr. Osyny eskergen gazet ujymy ár aıdyń úshinshi aptasynda «Ustaz tańy» degen atpen óz qosymshasyn shyǵarýǵa bekinip otyr. Ustazdarǵa arnalǵan tegin qosymshada mektep ómiriniń tynys-tirshiligimen birge, muǵalimderdiń tanymdyq, taǵylymdyq mańyzy zor maqalalary da jarııalanbaq. Onyń alǵashqy sany taqaý kúnderi ustazdar qolyna tımek.
Dáýlet SEISENULY. Semeı.
QYRǴYZ BAÝYRYMYZDYŃ MEREITOIY. Keńes Odaǵynyń halyq ártisi, KSRO Memlekettik syılyǵynyń laýreaty, Qyrǵyzstan men Qazaqstannyń eńbek sińirgen mádenıet qaıratkeri Bolotbek Shamshıevtiń esimi kınosúıer qaýymǵa jaqsy tanys. Ataǵynan at úrketin talantty kınorejısserdiń kóptegen qoıylymdary kınematografııanyń altyn qorynda saqtaýly. Búginde S.Muqanov atyndaǵy oblystyq qazaq sazdy-drama teatrynda eńbek etip jatqan qyrǵyz baýyrymyzdyń 70 jyldyq mereıtoıy «Qazaqstan» kınoteatrynda keńinen atalyp ótti. Mereıtoı ıegerin oblys ákiminiń orynbasary Farhad Qýanǵanov quttyqtap, aımaq basshysy atynan syılyq tartý etti. Mádenıet jáne aqparat mınıstri Muhtar Qul-Muhammedtiń quttyqtaý haty oqyldy.
О́mir ESQALI. Soltústik Qazaqstan oblysy.
16 OTBASY PÁTERGE IE BOLDY. Katonqaraǵaı aýdanynyń ortalyǵy – Úlken Naryn aýylynda jaqynda kóp páterli turǵyn úı paıdalanýǵa berildi. Aýdan ákimi Arman Bekbosynov Uly Otan soǵysynyń ardageri men densaýlyǵy nashar jandarǵa, etbaýyr týystary joq jetimder men eńbek jolyn endi bastaǵan jastarǵa – barlyǵy 16 adamǵa páter kiltterin saltanatty jaǵdaıda tabys etti. О́z kezeginde qýanyshqa bólengen jandar atalmysh turǵyn úıdi bitirýge muryndyq bolǵan oblys ákimi Berdibek Saparbaevqa, aýdan basshylaryna alǵystaryn aıtty. Balalyq shaǵyn jetimder úıinde ótkizgen, qazir «Naryn» kásipornynda jumysshy bolyp júrgen A. Korotkovqa Arman Ilııasuly úıine kórimdik retinde túrli-tústi teledıdar usyndy.
Ońdasyn ELÝBAI. Shyǵys Qazaqstan oblysy.
FILM О́ZEGI – KALAShNIKOV AVTOMATY. Oraldyq kásipker Murat Jákibaevtyń prodıýserlik ortalyǵy «Mataı. Ańyzdyń bastaýy» atty derekti fılmdi kórermender nazaryna usyndy. Onyń basty keıipkeri álemge áıgili qarýdy ómirge ákelgen konstrýktor – Mıhaıl Kalashnıkov. Atalǵan qarýdyń alǵashqy úlgisi Qazaqstanda – Almaty oblysy aýmaǵyndaǵy Mataı stansasynda jasalǵan. Týyndyǵa arhıvtik materıaldar men soǵysqa deıin Mataı lokomotıv deposynda tokar bolyp istegen M.Kalashnıkovti kóre qalǵan turǵyndardyń áńgimeleri jeli bolyp tartylǵan. Fılmde Uly Otan soǵysy kezinde jaýdy jeńý úshin armandaı bolǵan avtomattyń qarý-jaraq óndirisine keıin qalaı engeni jan-jaqty kórinis tapqan. Atalǵan qarý tarıhynyń Qazaqstanǵa qatysty tustaryna basymdyq berilýi – derekti dúnıeniń basty jetistigi.
Temir QUSAIYN. Oral.
NAÝM ShAFER JINAǴAN KÚITABAQTAR... О́tken aptada oblys ortalyǵyndaǵy «Shańyraq» halyq shyǵarmashylyǵy úıinde mýzykatanýshy, sazger, kúıtabaqtardyń sırek kolleksııasyn jınaqtaýshy Naým Shaferdiń 80 jyldyq mereıtoıy ótti. Keshke oblys ákimi Baqytjan Saǵyntaev qatysyp, toı ıesin «Oblys aldynda sińirgen eńbegi úshin» belgisimen marapattady. Al Shafer Baqytjan Ábdirulyna óz qorynda saqtalǵan Jamal Omarovanyń án jınaǵyn tabys etip, alǵysyn bildirdi. Keshte «Vechernyı vals», «Prıvet Dýnaevskomý», «Sırkovaıa pesenka» atty mereıtoı ıesiniń ózi shyǵarǵan ánderi oryndaldy. 27 myń kúıtabaq kolleksııasyn jınaǵan Shaferdiń mýzeıinde Kúlásh, Bıbigúl, Roza Baǵlanova, Jamal Omarova, Ermek Serkebaevtyń shyrqaǵan ánderiniń de jazbalary saqtalǵan.
Farıda BYQAI. Pavlodar.
