Bir shańyraqtyń úsh «Altyn belgisi»

Erkin Mýsın oblystyq memlekettik muraǵattyń aýdandaǵy fılıalynyń dırektory. Zıba­gúl jeńgeı ekeýi ómirge eki qyz, bir ul ákelip, olarǵa sanaly tárbıe berip, ósirdi. – Bizdiń Larısa, Gaýhar esim­di eki qyzymyz, Nurken at­ty uly­myz bar. Zaıybym Zıba­gúl tár­bıeli otbasynan shyqqan qyz. Úı sharýasynda bolǵandyq­tan, bala­lardyń sabaǵyna, tár­tibine kóbine nazar salatyn da sol. Qyz bala anasy arqyly ómir­di tanı­dy. Al er bala ákesiniń sal­maqty sózin estip, sabyrly isin kórip ósýi kerek dep oılaımyn. Bizdiń otbasy­nyń bala tárbıe­sindegi basty ba­ǵyty osyndaı, – deıdi ol. О́negeli otbasyndaǵy balalar­dyń barly­ǵy da mektepti «Al­tyn belgimen» aıaqtapty. Tuń­ǵy­shy Larısa 2005 jyly Aq­tóbe qalasyndaǵy M.Qu­saıynov atyn­­daǵy daryndy balalar mektebin bitirgen. UBT nátıjesinde 105 balǵa qol jetkizip, «Altyn belgige» ıe bo­lypty. Memlekettik bilim gran­ty negizinde As­tanadaǵy L.Gýmılev atyn­daǵy Eýrazııa Ulttyq ýnıversıtetine oqýǵa túsip, ony da qyzyl dıplommen támamdaǵan. Qazir Larısa elordada jaýapty qyzmet at­qarady. Ortanshy bala­sy Nurken 2006 jyly №2 mektep-gımnazııa­ny bitirip, UBT qory­tyn­dysynda 110 ball jınaǵan. Ol da grant arqyly Almatydaǵy Qazaq-Brıtan tehnıka­lyq ýnıversıtetine oqýǵa túsip, oqý ornyn ótken jyly támamdapty. Al kenje qyzy Gaýhar bilim ordasyn 2010 jyly bitiripti. UBT-dan 122 ball jı­naǵan ol memlekettik grant negizinde apasy Larısa oqy­ǵan bilim or­dasyna halyqaralyq quqyq ma­man­­d­yǵy boıynsha oqýǵa túsip­ti. Jo­­ǵary oqý ornyna tús­ken talap­ker­lerdiń tizimi jarııa­lan­­ǵan «Egemen Qazaqstan» gazetinen qyzynyń aty-jónin kórgende Er­kin­niń qýa­nyshynda shek bolmapty. – Kishi qyzymyzdyń da irgeli oqý ornynda bilim alatynyn kórip, qatty qýandyq. Jalpy, ózim de, baýyrlarym da mektepti jaqsy úlgerimmen bitirgenbiz. Ba­la­lary­myzdyń jetistikke jetýi­niń negizi – altyn uıa mektebi men ustaz­dary­nyń eseli eńbegi jáne únemi bilimmen básekelesýge qush­tar bala­lary­myzdyń izdenisiniń jemisi dep oılaımyz. Al ata-ananyń bala­laryn qadaǵalaýy – ózgermes zańdylyq, bala aldyn­daǵy asyl boryshy, – deıdi otaǵasy. Erkin Mýsın qoly qalt etse sportpen shuǵyldanady. Úıi men jumys ornynyń arasy eki shaqyrymdaı bolsa da jaıaý júredi. Sportty súıetin azamat 2007 jyldan bastap eki jyl qatarynan aýdandaǵy memlekettik qyzmetkerler ara­syn­da Pre­zıdentimizdiń salamat­ty ómir saltyn qalyptastyrý baǵdarla­m­asyn júzege asyrý baǵytynda ótkiziletin «Prezıdenttik qa­shyq­tyq – densaýlyqqa aparar jol» saıysynda júgirý­den birinshi orynǵa ıe bolypty. Fýtbol, shahmat oıyndaryn jaq­sy kóretin ol osy sport túr­lerinen de birneshe ret oblystyq, aýdan­dyq saıystarǵa qatysyp, je­ńim­paz atanypty. Tipti, toqsa­nyn­shy jyldardyń basynda úsh jyl qatarynan karatemen shu­ǵyl­danǵan eken. «Ár adam bos ýaqytyn sportqa arnasa, sala­mat­ty ómir saltyn ustaý degenimiz osy emes pe»,— deıdi ol. Muhtar MYRZALIN, jýrnalıst. Aqtóbe oblysy, Shalqar aýdany. __________________________ Sýrette: Erkin Ormanuly balalarymen birge.