Zań óndiriske alyndy

Keshe Konstıtýsııalyq Keńes Prezıdent Nursultan Nazar­baev­tyń Ata Zańǵa ózgerister men tolyqtyrýlar engizý jónindegi Parlament qabyldaǵan zańnyń Konstıtýsııaǵa sáıkestigin qaraý týraly ótinishin óndiriske aldy. Konstıtýsııalyq Keńes múshe­le­riniń otyrysyn Tóraǵanyń min­detin atqarýshy Nıkolaı Belorýkov ashyp, júrgizip otyrdy. Kons­tıtýsııalyq Keńeske úndeý­ler men qararlardyń túsý, qara­lý tártibi, qajetti qujattardyń tizilimi, talap etiletin formasy men mazmuny jáne óndiriske qa­byldaý qajet­ti­ligi týraly baıan­da­many Konstı­týsııalyq Keńes­tiń múshesi Vıktor Malınovskıı jasady. Sózin qo­ryta kelgende ol Prezıdent Nur­sul­tan Nazar­baevtyń ótinishi Kons­tıtýsııalyq Keńestiń qaraýyna tolyq sáıkes ekenin atap ótti. Osydan keıin Elbasy Nursultan Nazarbaevtyń 14 qańtarda túsken ótinishin qa­rastyrý úshin Keńes úzilis jarııalap, jabyq otyrysqa ketti. Konstıtýsııaǵa engizilgen óz­ge­rister men tolyqtyrýlardy qa­rastyrǵan osy zań Parlament pa­latalarynyń birlesken otyry­synda biraýyzdan qabyldanyp, Prezıdent Nursultan Nazar­baev­tyń qol qoıýyna usynylǵan bo­l­a­tyn. Ol Tuńǵysh Prezıdent N.Na­zarbaevtyń prezıdenttik óki­let­tigin referendým arqyly uzar­tý múmkinshiligin kózdeıdi. El­basy bul zańǵa birden qol qoı­maı, onyń Konstıtýsııaǵa sáı­kes­tigin qaras­tyrý úshin Kons­tı­týsııalyq Ke­ńes­tiń qaraýyna jibergen eken. Jabyq otyrystan soń Kons­tıtýsııalyq Keńestiń barlyq mú­sheleri qol qoıǵan qaýlyny jı­nalǵan sarapshylar men maman­dar­dyń jáne BAQ ókilderiniń al­dyn­da Tóraǵanyń mindetin at­qarýshy Nıkolaı Belorýkov ja­rııa­lady. Ol Prezıdent N.Na­zarbaevtyń Ata Zańǵa ózgerister men tolyqtyrýlar engizý jó­nindegi zańnyń Konstı­tý­sııaǵa sáıkestigin qarastyrý jó­nindegi ótinishiniń biraýyzdan konstı­tý­sııalyq óndiriske qabyl­dan­ǵanyn aıtty. Biz Ata Zańnyń 72-baby 2-tarmaǵy 1-tarmaqsha­sy­nyń jáne Konstıtýsııalyq Keńes jónindegi Konstıtýsııalyq zańnyń 22 jáne 25-baptaryn basshylyqqa ala otyryp, osyndaı qaýly qa­byldadyq, dedi ol. Konstıtýsııalyq Keńes mun­daı óndiristi zań boıynsha bir aı merziminde qarap, sheshim shyǵarady. Biraq zańnyń ózek­tiligi men qo­ǵamdyq-saıası tur­ǵydan mańyzdy­lyǵyn eskerip, ony bul merzimnen erterek qa­rastyryp, sheshim qa­byldaýy múmkin, dedi Tóraǵanyń mindetin atqarýshy. Qazirdiń ózinde memlekettik organdardyń ókilderi arasynan konstıtýsııalyq óndiristi júr­gi­zýge qatysýshylar tobyn aı­qyn­daý, sondaı-aq qajetti qujattar men ózge de materıaldardy jı­naqtaý men zerdeleý jónindegi daıyndyq jumystary bastalyp ketkeni belgili boldy. Bul iske ártúrli pikirdegi mamandardyń keńinen qatysýy qamtamasyz etilip, olardyń usy­nystarynyń to­lyqqandy tal­daný­yn qamtamasyz etý maqsatynda otandyq jáne sheteldik bilikti sa­rapshylar qatysatyn bolady. Jaqsybaı SAMRAT.