Jumys: Derek pen dáıek

Byl­tyr Atyraý ekonomı­ka­synyń ár salasynda jańa jumys oryn­daryn ashýdyń múm­kindigi tabyl­ǵan. Iаǵnı, ba­rys jyly basta­lysymen 18 806 jumys orny ashyldy. Mu­nyń ishinde 10 174-i turaqty jumys orny bolyp tabylady. Jumys ornynyń kóptep ashylýy qurylys ındýstrııa­syn­da erekshe baıqaldy. Bir jyl ishinde osy salaǵa 4 691 adam jumysqa ornalasty. Al orta jáne shaǵyn kásipkerlik salasy boıynsha jańadan 1149 jumys ornyn qurý joba­lary iske asyryldy.

Joldasbek ShО́PEǴUL. Atyraý oblysy. 

400 OSYNShA BANK QYZMETKERLERI SPORTPEN TURAQTY AINALYSADY. Jyl ótken saıyn qyzyl­jar­lyq bankırler arasynda sa­lamatty ómir saltyn us­ta­ný­shylar qatary artyp keledi. Oǵan «Bankıada-2010» baǵdar­lamasy sheńberinde túrli sport­­tyq sharalardyń uıym­das­tyrylýy edáýir septigin tıgizdi. Jýyrda bankter arasynda sporttyń buqaralylyǵyn art­tyrýǵa qatysty qorytyndy shyǵarylyp, ujym músheleri­niń úshten biri dene shynyq­tyrýmen úzbeı aınalysatyny anyqtaldy. «Sentrkredıtbank jáne «Alıansbank» ujymda­ry «Sportqa qabyleti eń basym bankter» atalymyna ıe boldy. Jekelegen atalymdar boıynsha jeńimpazdar óz júldelerin jetim balalar úılerine tartý etti.

О́mir ESQALI. Soltústik Qazaqstan oblysy.

68 О́TKEN JYLY AQJAIYQTA OSYNShAMA INVESTISIIаLYQ JOBA ISKE ASYRYLDY. Munyń bári de «Jol kar­ta­sy» jobasyna sáıkes tórt ba­ǵyt boıynsha sheshimin tapty. Bólingen qarajattyń ıgerilýi 99,5 paıyz qurady. Jańa ju­mys oryndaryn ashý jónin­de­gi josparlar kózdegen mejeden asyp tústi. Onyń jalpy sany – 5143. Kadrlar daıarlaýǵa, qaıta daıarlaýǵa bólingen tıisti qarajat kólemine sáıkes adamdar oqýǵa jiberildi. Memlekettik tapsyrys boıynsha bilimin kóterdi. Mundaı sharalar óńirde bıyl taǵy da jalǵasatyn bolady.

Temir QUSAIYN. Oral.