Elbasymen birgemiz!

Qazaqstandyqtar N.Nazarbaevtyń prezıdenttik ókilettigin uzartýdy qoldaıdy

* * *

BIRLIGI JARASQAN EL OZADY

Shymkentte Elbasynyń ókilettigin 2020 jylǵy 6 jel­toq­sanǵa deıin uzartý jóninde referendým ótkizýdi qoldaǵan 20 myń­daı adam qatysqan mıtıng ótti Jeksenbi kúni Asanbaı Asqa­rov atyndaǵy ıppodrom aldyn­daǵy alańǵa 20 myńǵa tarta ha­lyq jınaldy. Negizgi uıym­das­ty­rýshy «Nur Otan» HDP OQO fılıaly men Elbasy ókilet­ti­gin 2020 jyl­dyń 6 jeltoq­sa­nyna deıin uzartý jóninde referendým ótkizý boı­yn­sha qurylǵan oblystyq basta­ma­shy top. Mıtıngige ardagerler, saıası partııalar men qoǵamdyq birlestikter, zııaly qaýym, ulttyq-má­denı ortalyqtar, kásipodaqtar, jastar ókilderi, Shymkent qala­sy­nyń turǵyndary, BAQ ókil­deri qatysty. Jıyndy oblystyq más­lı­hattyń hatshysy, oblystyq bas­tamashy toptyń jetekshisi Ábil­qa­sym Dosbolov júrgizdi. Mı­tın­gi­de oblystyq ardagerler keńesiniń tóraǵasy J.Máýlen­qu­lov, O.Jandosov atyndaǵy orta mekteptiń dırektory O.Levıkova, Akademııa­lyq-ınnovasııalyq ýnıversı­tet­tiń stýdenti, jastar isi komı­te­tiniń tóraǵasy T.Dastanov, oblys­tyq kásipodaqtar uıy­mynyń tóraǵasy D.Sherimqulov, №45 orta mekteptiń dırektory R.Pak, Oblystyq ózbek mádenı or­taly­ǵynyń tóraǵasy I.Hashımjanov, M.Áýezov atyndaǵy OQMÝ-diń stýdenti D.Ovseev, Oblystyq fermerler men kásip­kerlerdi qoldaý qory qoǵamdyq birlestiginiń tór­aǵa­sy R.Qaraı­bra­gımov, ardager jýr­nalıst B.Qonysbek sóz sóı­ledi. Referendým ótkizý bastama­syna respýblıka boıynsha 5 mıllıonnan astam, onyń ishinde 800 myńǵa jý­yq ońtústikqazaqstan­dyq­tar, saıası kúshter men túrli deń­geı­degi eńbek ujymdary, ǵy­lymı jáne shyǵarmashylyq ıntellıgensııa, etnomádenı, dinı, qoǵam­dyq birlestikterdiń ókil­deri men jekelegen azamattar qol qoı­yp, qoldaý bildirdi. Bul – Elbasy júr­gizip otyrǵan saıası baǵyttyń búkilhalyqtyq qol­daýǵa ıe ekendigin barynsha aıqyn dáleldeıdi. Referendým ótkizý týraly bastama kóterilgennen beri ob­lys boıynsha 1382-den astam túrli deńgeıdegi jıyndar men mıtıngterde, jınalystarda, túr­li saıası, qoǵamdyq uıymdar ókil­deriniń kezdesýlerine 810 myńnan astam ońtústikqazaqstandyq qa­tysyp, Qa­­zaqstannyń Tuńǵysh Prezı­denti­niń ókilettigin uzartý jónin­de referendým ótkizý tý­raly usy­nysqa biraýyzdan qol­daý bildirýde. Parlamenttiń qos palatasy Qazaqstan Respýblıkasynyń Kons­tıtýsııasyna Elbasy N.Nazar­baevtyń ókilettigin respýb­lıkalyq referendýmda uzartý múmkindigin kózdeıtin ózgerister engizý týraly zań qabyldady. Bul – halyq qalaýy, qazaqstandyq árbir aza­mattyń shynaıy tilegi. Mıtıngige qatysqan ońtús­tik­qa­zaqstandyqtar elimizdiń táýel­siz­dik­ke jetýi, táýelsizdik alǵan 20 jyl kólemindegi Qazaq­stan­nyń jetistigi, irgeli memleketke aınalýy, halyqtyń turmys-tir­shiliginiń jaq­sa­rýy tikeleı El­basy N.Na­zar­baevtyń júrgizgen saıasatynyń ar­qa­synda ekendigin aıta kelip, Qa­zaqstannyń jospar­laǵan baǵdarla­ma­larynyń oryn­da­lýyn da, aldaǵy alatyn belesterin de tikeleı óz­deriniń tuńǵysh Pre­zıdentimen baı­la­nystyr­ǵy­sy keletinin aıtady. Aksııaǵa qatysýshy 20 myńnan astam ońtústik­qazaqstandyq­tar­dyń atynan Qazaqstan Respýb­lıka­sy­nyń Prezıdenti N.Nazar­baevqa ash­yq hat joldandy. Onda: «Referendým ót­kizý – hal­qy­myzdyń qalaýy, shy­na­ıy tilegi. Siz árdaıym hal­qy­ńyzben birgesiz. Sondyqtan da ha­lyq qa­laýy eskeriledi degen oıdamyz. Búkil Ońtústik Qazaqstan ob­lysy turǵyndarynyń atynan Qa­zaqstan Respýblıkasy Parlamenti qos palatasynyń birlesken oty­ry­synyń sheshimin qoldaýy­ńyzdy, el ishinde referendým ót­kizýge kelisim berýińizdi suraı­myz», – delingen. – Biz stalındik repressııa kezinde Grýzııadan Qazaqstanǵa zorlap kóshi­rilgen túrik halqynyń ur­pa­ǵymyz, – deıdi kásipker Raıs Qa­raıbragımov. – Dosqa qushaǵy ashyq, meıirban qazaq jurty qo­lyndaǵy jarty nanyn bizben bó­lisip, eki bólmesiniń birin bo­sa­typ berip ómir súrip ketýimizge jaǵdaı jasady. Biz muny eshqa­shan umyta almaımyz. Meni tegim túrik de­me­se­ń­iz, qanym – qazaq. Biz úshin Qa­zaq­stannan artyq Otan joq, bol­maı­dy da. Nur­sul­tan Ábish­uly Qa­zaq­stan­da ǵana emes, ál­emdik saıasatta orny bar dara tulǵalardyń biri. Sondyq­tan da Túrkistanǵa kel­gen sapa­rynda Túr­­kııanyń prezıdenti Abdýlla Gúl “Nazarbaev – Túrki ále­miniń kósh­basshysy” dep baǵa bergen bola­tyn. Álem moıyn­daǵan tarıhı tulǵanyń Qazaq­stan­dy búgin­giden de bıik belesterge kótere beretindigine senemin. Son­dyqtan da El­basy­myz­dyń ókilet­ti­gin uz­ar­tý­dy shyn kóńilimmen qalaımyn. Mıtıngke jınalǵandar osyn­daı júrekjardy tilekterin aı­typ jatty.

Baqtııar TAIJAN.

Ońtústik Qazaqstan oblysy.

* * *

REFERENDÝM – HALYQ TALABY

Qazaqstan Parlamentiniń qos palatasynyń birlesken otyry­syn­da Qazaqstan Respýblıkasy Konstıtýsııasynyń 42-babyna óz­geris engizý týraly másele qa­ral­dy. Bul qaralǵan zań jobasynyń mańyzy Qazaqstan memleketi úsh­in, qazaqstandyqtar úshin óte joǵary. Onda qazir qoǵamda óte qyzý talqylanyp jatqan, sońǵy kezderi BAQ-tardyń eń basty taqyrybyna aınalǵan Qazaq­stan­nyń Tuńǵysh Prezıdenti, Elbasy N.Á.Nazarbaevtyń ókilettigin 2020 jylǵa deıin uzartý jó­nin­degi bastamashy toptyń usynysy talqyǵa salyndy. Qoıylǵan má­sele depýtattardyń jan-jaqty talqysyna tústi. Qory­tyndy­syn­­da Parlament depýtatta­ry­nyń biraýyzdy qoldaýymen bul tarıhı sheshim qabyldandy. Konstıtý­sııa­ǵa ózgeris engizý arqyly Parlament Qazaqstan Respýblıkasynyń negizin qalaýshy jáne ony qurýshy reformator, Tuńǵysh Prezıdent, Elbasy N.Á.Nazarbaevtyń tarıhı mıssııasyn iske asyrý úshin Konstıtýsııa sheńberinde onyń qoǵam­dyq-saıası mártebesin zańdy túrde moıyndap, elimizdiń odan ári tu­raqty jáne qarqyndy damýyn qam­tamasyz etýge basty sheshim qa­byldady deı alamyz. Elimiz úshin osy mańyzdy oqı­ǵalardyń alǵysharty qandaı edi? Barynsha qorytyndylap aıtatyn bolsaq, «toqsan aýyz sózdiń to­byqtaı túıini» myna máselege kelip tireledi: tarıh úshin qas qaǵym sát bolayp tabylatyn azǵantaı ǵana ýaqyttyń ishinde Nursultan Nazarbaev elimiz úshin ulan-ǵaıyr is jasady. Tuńǵysh Prezıdenttiń salıqaly, sarabdal saıasatynyń ar­qasynda elimiz eń aldymen tu­raqtylyqqa ıe boldy. Eldegi tu­raqtylyq Memleket basshysyna tereń ekonomıkalyq jáne saıası reformalardy sátti jasaýǵa múm­kindik berdi. Onyń nátıjesin bú­ginde kóre de bastadyq. Tipti 2008-2009 jyldardaǵy ekonomıkalyq daǵ­darystyń eń bir asqynǵan tu­synda da bizdiń eldiń ekonomıkasy turaqty kúıinde qalyp, Elba­synyń júrgizgen reformala­ry­nyń tabysty ótkendigin dáleldedi. Álemdik ekonomıka úshin óte aýyr bolǵan 2009 jyldy bizdiń elimiz 1% ósimmen aıaqtady, al 2010 jyl­dy 7 paıyzdyq ósimmen aıaqtady. Mundaı damý yrǵaǵy Qytaı, Ún­distan sekildi damýshy jáne keıbir damyǵan batyseýropalyq elderde ǵana boldy. Búginde Nursultan Nazarbaev elimizdiń aldyna orasan zor mindetter qoıyp otyr. Aldymyzdaǵy onjyldyqta barlyq kúsh-jige­ri­miz shıkizatqa táýeldi elder kıgen qamyttan qutylýǵa baǵyttalyp, elimizdiń ınnovasııalyq kelbeti jańa turpatqa enbek. Sondyqtan, Elimizdiń Tuńǵysh Prezıdenti, Elbasy Nursultan Na­zarbaevtyń ókilettigin 2020 jyl­ǵa deıin uzartýǵa bastamashylyq ja­saǵan shyǵys­qazaqstandyqtardyń bas­­tamasy maǵan ábden túsinikti. Másele, bul jerde keıbir sheshender dáleldeýge tyrysatyndaı, saı­laýǵa ketetin qarjyny únem­deý tý­ra­ly emes. El taǵdyry, hal­qymyz­dyń jarqyn bolashaǵy ol aıtyp ot­yrǵan qarjydan anaǵur­lym qymbat. Elbasy osy kúnge deıin el al­dyna qoıylǵan qandaı qıyn maq­sat-mindetter bolsa da barlyǵy­nyń sheshimin taba bilgen qaı­ratker ekenin qazaqstandyqtarǵa áldeqashan dá­lel­dedi. Ol Táýelsiz qazaq memleketin qurýshy, barlyq qazaqstan­dyq­tardy dinine, diline, tiline qa­ra­mas­tan, bir týdyń astyna toptas­ty­ra bilgen naǵyz Ult Lıderi. О́kilettikti uzartý týraly bas­tamany halqymyzdyń óziniń jar­qyn bolashaǵyn N.Á.Nazarbaevtyń qolyna tapsyrýy dep túsinýimiz kerek. Bul – bizdiń elimizge berilgen tarıhı múmkindik. Halqymyz mundaı tarıhı múmkindikti ýysy­nan shyǵaryp almaıtynyna men bek senimdimin. Prezıdent ókilettigin uzartý­dy qoldap 5 mln.-nan astam qa­zaq­­stan­dyq óz qoldaryn qoıdy, bul daýys beretin elektorattyń jar­tysy dep aıtýymyzǵa bolady. Mu­ny eskermeýge joǵary zań shy­ǵarýshy organdaǵy halyqtyń zań­dy ókilderi bolyp tabylatyn Par­lament músheleriniń quqyǵy joq dep esepteımin. Qazaqstan Parlamentiniń mú­she­leri Qazaqstannyń qoldanys­taǵy zańnamasy sheńberinde ha­lyq­tyń usynysyn zańdastyrdy. Al bul ózgeristerdiń bári qazaq­standyqtardyń múddesine tolyq sáıkes keledi. El tizginin Elbasy N.Á.Nazarbaevqa usyna otyryp, qazaqstandyqtardyń basym kóp­shi­­liginiń Otanymyz – súıikti Qa­zaqstannyń bolashaǵy jarqyn ek­endigine senimi kámil.

Zeınolla ALShYMBAEV, Parlament Májilisiniń depýtaty.

* * *

HALYQ SENIMINEN ShYQQAN BASShY

Bizdiń barlyq tabysymyz Nur­sultan Ábishulynyń esimimen ty­ǵyz baılanysty. Men 1996 jylǵy bıýdjetti qazir eske alamyn, sol kezde de depýtat edim, sonda biz­diń kirisimiz 380 mlrd. teńge bol­ǵan edi, al qazirgi bıýdjettiń kirisi 4 trln. 41 mlrd., ıaǵnı 10 ese ar­tyq. Os­yndaı tabys tókken ter­diń, utym­dy uıymdastyrýshy­lyq­­tyń, tamasha basqarýshylyqtyń jemisi ekeni daýsyz. Byltyrdyń ózinde ǵana elimizde jańadan 152 úlken óndiris oryndary ashylǵanyn bildik. Bul degenińiz elimizdiń qarysh­ty damyp kele jatqanynyń kóri­nisi emes pe? Prezıdenttiń birinshi ekonomıka, sodan keıin saıasat degen sóziniń óte durys bolǵanyn ómirdiń ózi dálel­dep berdi. Osy­dan 20 jyl buryn ol kisi Qazaq­standy jaqsy turmys­qa jetkizetinin aıtqan edi, aqyry sol ýádesin oryndady jáne ekono­mıkany odan ári jaqsy damýdyń relsine tú­sirdi. Endi osydan ar­tyq bizge qan­daı basshy kerek, kim bizge osyndaı basshy bola alady? Men 15 jyl Parlamentte, odan buryn 48 jyldaı óndiriste jumys istegen adammyn. Nursultan Na­zar­baevty 30 jyldan astam ýaqyt boıy bilemin. Sondyqtan men bizge qazir N.Nazarbaevtan artyq eshkim de basshy bola almaıdy dep tolyq senimmen aıta alamyn. Al halyq aına, ol bárin de bilip otyr. О́zderine eshkim de Nursultan Áb­ishulyndaı basshy bola almasyn boljap otyr. Tek qana halyqtyń seniminen shyǵyp, eldiń bola­sha­ǵyn oılaǵan basshy otyrǵanda ǵa­na bizdiń memlekettiń damı alaty­nyn olar jaqsy túsinýde. Son­dyqtan da az ýaqyttyń ishinde 5 mln.-nan artyq qol jınap, El­ba­synyń prezıdenttik ókilettigin uz­artý týraly referendýmnyń bol­ǵa­nyn qoldap otyr. Qaı kúnde bılik halyqtyń pikirine qulaq asyp otyrý kerek. Osy kúnge deıin biz­diń bılik halyq qajettiligine, onyń pikiri men usynysyna únemi qulaq asyp keledi. Jyl saıynǵy joldaýlarynda da Prezıdent ha­lyqtyń joq-jitigin qatty eskerip, oǵan birinshi kezektegi qajetti má­selelerdi sheshý qajettigin aıtyp jáne ony sheshýdi Úkimetke júk­tep otyrady. Berilgen tapsyrma­lardyń bári sońǵy jyldary, ási­rese sońǵy 10 jylda tolyq oryn­dalyp, iske asyp otyr. Sonyń arqasynda halyqtyń turmysy jyldan-jylǵa jaqsaryp keledi. Parlament palatalarynyń birlesken otyrysynda óte durys sheshim qabyldanyp, Konstıtýsııaǵa Prezıdent Nursultan Nazarbaev­tyń prezıdenttik ókilettigin bú­kil­halyqtyq referendým arqyly uzartýǵa múmkindik berýdi kózdeı­tin ózgerister men tolyqtyrýlar engizetin zań qabyldandy. Bul zań­nyń mańyzy óte zor. О́ıtkeni, saı­laýshylardyń 70 paıyzǵa jýyǵy sondaı sharanyń bolǵanyn qalap otyr. Al biz halyqtyń tilegine qu­laq asýymyz kerek.

Núsipjan NURMAMBETOV, Senattyń qarjy jáne bıýdjet komıtetiniń múshesi.

* * *

ORNY DARA TULǴA

Halyqtyń ystyq yqylasy men qoldaýyn tek júrek qana shy­naıy sezine alady. Eger halyq­tyń óz sózimen aıtsar bolsaq, eldiń búgini men erteńin oılaı­tyn bir adam bolsa, ol – Elbasy, Nursultan Nazarbaev dep tolyq tujyrym jasaýǵa bolady. О́ıt­ke­ni, el ómirindegi qandaı jaqsy­lyq­tyń da Elbasynan bastaý al­yp otyrǵany barshaǵa aıan. Qaı zamanda bolsyn, búkil el men ultty órkendi damý jolyna jumyldyryp, óz memleketin bıikke kótere bilgen tulǵalar ǵana tarıhta zor qurmetpen atalady. Bizdiń elimiz de táýelsiz memle­ke­timizdiń Tuńǵysh Prezıdenti Nur­sultan Nazarbaevtyń bıik aby­roı-bedeli men onyń kánigi saıasatkerligi, zor qabilet-qarymy­nyń arqa­synda zor maqsattarǵa qol jetkizdi. Elbasy damýdyń bir­den-bir durys jolyn tańdap, óziniń ke­meń­gerlik bastamalary­men halqy­myz­dy ár ýaqytta da alǵa qaraı berik senimmen bastap keledi. Qazaq halqy ejelden «Yrys aldy yntymaq» degen qaǵıdany berik ustanady. Júzden astam ult pen ulys, san túrli etnos pen to­lyp jatqan dinı konfessııalar sho­ǵyrlanǵan elde tatýlyq pen yn­tymaqqa qol jetkizý Elbasy júrgizgen saıasattyń qol jetkizgen tabystarynyń eń shoqtyǵy, bıik shyńy dep aıtsaq, qateles­peı­miz. Qazaqstan halyqtarynyń bú­gin­­gi taǵy bir erekshe maqtanyshy – Astana qalasy. Aınaldyrǵan on eki jyldyń ishinde Prezıdenttiń asqan tabandylyǵy men erekshe qaırat-jigeriniń arqasynda Sa­ry­arqanyń tórinde qııalda ǵana kezdesetindeı tamasha qala paıda boldy. Búkil álemniń tańdaıyn qaqtyrǵan Astana bul kúnde ál­emdik standarttardyń barlyq ta­la­byna tolyq jaýap bere alady. Iаǵnı, Nursultan Nazarbaev dese – Qazaqstan, al qazaq eli dese – Nursultan Nazarbaev oıǵa orala­tyn boldy. Iá, «el tarıhyn tul­ǵalar jasaıdy» degen osy. Tulǵa – eldiń tuǵyry, tulǵa – eldiń tutqasy. Bizdiń Prezıdentimiz Nur­sultan Ábishuly Nazarbaev dál osyndaı uly kemeńger tulǵa. Qazaqstandy álem elderimen aralastyrýǵa, ony tanytýǵa talmaı eńbek etken uly tulǵa – Nazarbaev qazaq ortasynan shyǵyp, dúnıe júzi kólemine tanylǵan ál­emdik qubylys. Sony túsingende ǵana biz táýelsizdiktiń qalaı kelgenin, Astananyń qalaı týǵanyn, búgingi ómirimizdiń máni men ma­ǵynasyn tereń túsine alamyz. Prezıdentimizdiń qazaq eli úsh­in, Qazaqstan úshin tyndyrǵan taǵy bir eleýli sharýasy – Qa­zaqstannyń memlekettik shekara­syn máńgilikke shegendetip alýǵa qol jetkizgendigi. Ásirese, uly kórshilerimiz Reseımen, Qytaı­men aradaǵy memlekettik shek­ara­nyń bekitilýi táýelsizdigimizdi tu­ǵyr­ly etý jolyndaǵy eń irgeli istiń biri boldy. Bul bizdiń ur­paq­tarymyz endi budan bylaı ha­lyqaralyq qujattarmen bekitilgen óz shekarasynyń aýmaǵynda alańsyz ómir súrip, eńbek etedi degen sóz. Memlekettiń basty baılyǵy – adam, halyq. Elbasymyz sol ha­lyq úshin, onyń taǵdyry men ómiri úshin, bútindigi men birligi, baqyty men bolashaǵy úshin qan­shama ister tyndyryp jatyr de­seńizshi! Bodandyqtan qutylyp, táýelsizdigin alǵan memlekettiń tórt­kúl dúnıeni moıyndatqan ushan-teńiz tabysy kimniń bolsa da mereıin ósireri haq. Elimiz baı, jerimiz keń. Oǵan syrttan kóz tigip, qyzyǵa da, qyz­ǵana da qaraýshylar az emes. Bostandyqtyń dámin jańadan ǵa­na tatqan shaǵymyzda elimiz ben jerimizdiń tutastyǵyn, egemendikti oılaý, tek qana oılap emes, ony qorǵaı da bilý, nyǵaıtý árbir qazaqstandyqtyń eń asyl mindeti. Al ol úshin bizge eń aldymen birlik pen yntymaq kerek. Bir ata­nyń balasyndaı, bir qoldyń sa­la­syndaı bolyp, Elbasyna qol­daý kórsetip, basshynyń tóńire­ginde tireý bolyp, búkil Qazaq halqy súıeý bolyp, tas túıindeı toptasýymyz kerek. Álem Qazaqstandy aldymen Na­zarbaev arqyly tanydy. Al­dy­men Prezıdentimizdi moıyndaý arqyly olar elimizdi de moı­yn­dady. Qazaqstan Prezıdenti álem­dik saıasatkerdiń jańa úlgisin ja­sady. Iаǵnı, ol óz qyzmeti arqyly elder men halyqtardyń mádenıe­ti men mentalıtetin jaqyndas­tyra otyryp, óz boıyna eýropa­lyq, sondaı-aq azııalyq erekshelikterdi de ádemi úılestire bildi. Men «Nur Otan» partııasynyń múshesimin. Sondyqtan Elbasy­nyń ókilettigin 2020 jylǵa deıin uzartýdy qoldaımyn jáne referendýmda bir kisideı daýys berýge barsha jurtshylyqty shaqyramyn. El erteńi jastar ekenin eskersek, olarǵa jasalǵan búgingi qam­qorlyq jarqyn bolashaǵymyzdyń birden-bir kepili. Osy oraıda, El­basy saıasa­tyndaǵy basym baǵyt jas urpaqqa bilim berýde álemdik stan­darttarǵa qol jetkizý bolyp ot­yrǵanyn se­zinýdiń ózi úlken qýanysh. Búgingi qoǵamda, búkil adam­zat­ty órkenıet bastaýlaryna qa­raı bastap bara jatqan elbasshy­lar arasynda Nursultan Nazar­ba­evtyń orny dara tur.

Altyngúl QOBDAǴANOVA, «Kóktem» qazaq orta mektebi dırektorynyń ǵylymı-ádistemelik jumystar jónindegi orynbasary.

Atyraý oblysy, Inderbor kenti.

* * *

AǴA BÝYNNYŃ AQ TILEGI

Tuńǵysh Prezıdentimiz – Nur­sultan Nazarbaev kóregen, salı­qaly saıa­sa­tynyń arqasynda bú­kil qazaq eliniń azamattary aırandaı uıyp, bir kisiniń bala­syndaı jumylyp, táýelsizdigi­miz­di kóziniń qarashy­ǵyndaı qor­ǵaýda. Barlyq álemdi tasty aıaq­taı qaǵystyrǵan qarjy daǵda­rysyna der kezinde naqty qarsy shara qoldaný arqyly elimiz ony aýyzdyqtap qana qoımaı, kerisinshe, qarqyndy damý jo­lyna tústi. Densaýlyq saqtaý, bilim berý, ǵylym salasy álemdik deń­geıge umtylýda. 2010 jyly elimiz EQYU-ǵa basshylyq jumy­syn tabysty aıaqtap, osy uıymǵa kiretin 56 eldiń memleket jáne úkimet basshylaryn shaqyryp Astana Sam­mıtin ótkizdi. Búkil álem na­zary Astanaǵa aýdy, qulaǵyn túr­di. Sammıt barlyq jaǵynan óte jo­ǵary deńgeıde ótti. Búkil ǵa­lamdyq qaterlerdiń basy ashy­lyp, oǵan qarsy sharalar belgilengen Astana deklarasııasy qabyldandy. Elimizde halyqtar dostyǵy­nyń qazaqstandyq úlgisi qalyp­tasty. Qazaqstan halqy Assam­bleıa­sy óz jemisin berýde. Astana ómirge kelgen aınalasy on jyldyń ishinde álemdik arhı­tektýranyń qazaqy úlgisine negizdelgen ásem qalaǵa aınaldy. Ústimizdegi jyly 57 memleket birikken Islam Konfe­ren­sııasy Uıy­myna basshylyqty qol­ǵa ala­myz. Elimizde udaıy ótki­zilip kele jatqan álemdik din­ba­sylar únqatysýynyń ózi jemisin bere bastady. «Mádenı mura» baǵ­darlamasy Ortalyq Azııa elderi ishinde bizdiń elimizde tuńǵysh ret qolǵa alynyp, elimiz tarıhyna baılanysty shet elderde saqtal­ǵan mol muralar oralýda. Da­na­larymyzdyń taǵylymdary men muralary jaryq kórýde, uly­larymyz ulyqtalýda. Indýstrııa­lyq-ınnovasııalyq damýdyń 2020 jylǵa deıingi jospary jasalyp, birinshi besjyldyǵynyń alǵash­qy jyly elimizdi shıkizat óndi­risinen daıyn ónimder óndirisine, ıaǵnı eksportqa daıyn ónimder shyǵarýdyń tusaýyn kesti. Mine, osynsha qyrýar ju­mys basynda Tuńǵysh Prezıdentimiz Nursul­tan Ábishuly tur. Son­dyqtan, bizder, Qazaqtyń Ult­tyq pedago­gı­kalyq ýnıversı­te­tiniń 1964 jy­ly bitirgen túlek­teri bas­tamashy top kótergen Pre­zı­den­timizdiń ókilettigin 2020 jyl­ǵa deıin referendým arqyly uzartý basta­masyn qoldaımyz.

Abaı atyndaǵy Ulttyq pedagogıkalyq ýnıversıtetiniń 1964 jyly bitirgen túlekteri, barlyǵy 20 adam qol qoıǵan.

* * *

EL TABYSYN ESELEGEN

Bıyl elimiz táýelsizdiginiń on toǵyz jylyn laıyqty atap ótti desek, memlekettiń táýelsizdigin, halyqtyń birligin saqtap, da­my­týda, ekonomıkany órge bas­ty­rýda  Nursultan Nazarbaev kóp eń­bek sińirdi. Nátıjesinde Qazaq­stan álemdegi ekono­mıkasy shap­shań damyp kele jatqan elderdiń biri bolyp tanylýda. Elbasymyz sharýashylyǵy­myz­dyń barlyq sa­lasyn, solardyń arasynda temir joldy damytýǵa mol úles qosýda. Búginde «temir jol» degen uǵym qazaqstandyqtar ómirine myqtap endi. Temir jol boıymen halyq sharýashylyǵynyń júkteri ta­sy­lýda, sondaı-aq temir jol kóligi mıllıondaǵan jolaýshyǵa qyzmet kórsetýde. Sıfr­lardy mysalǵa keltirsek, elimizdiń barlyq júk aınalymynyń 70 paıyzdan asta­my, jolaýshy aınalymynyń 60 paıyzdan astamy temir jol kó­liginiń úlesine tıgen. Bul Elba­synyń temir jol salasyn qaıta qurý jónindegi saıasatynyń arqa­synda múmkin boldy. Jolaý­shy­lardy kún saıyn Almatyǵa Kereký jaqtan alyp baratyn Aqsý-Degeleń baǵytyndaǵy temir jol­dy saldyq. Bul halyqqa jeńil boldy. Burynǵydaı Almatyǵa barý úshin Astanany aınalyp júr­meıdi. Qazir Pavlodar men Astana arasynda elektr poıyzdar zýlaýda. Elbasy qoldaǵan, salamyzdy órkendetýge baǵyttalǵan jańa jo­­balar oıdaǵydaı júzege asýda. Igilikti is aldaǵy ýaqytta jal­ǵasyn tabady. Munyń ózi ta­bysymyzdy baıandy, bolasha­ǵy­myzdy jarqyn etetini anyq. Men Qazaqstannyń asa iri ulttyq kom­panııalarynyń biri «Qazaqstan temir jolynyń» san myńdyq ujy­my  Nursultan  Nazarbaev­tyń prezıdenttik ókilettigin 2020 jyl­dyń 6 jeltoqsanyna deıin uzartý týraly respýb­lıkalyq referendým ótkizý jónindegi usy­nys­ty qoldaıtynyna senemin.

Ábı SARQYNShAQOV, «Qazaqstan temir joly» AQ konsýltatıvtik keńesiniń múshesi, Qazaqstannyń eńbek sińirgen kólik qyzmetkeri.

Pavlodar.

* * *

QAZAQ ELINIŃ BRENDI

«Altyn adam» saqtalǵan murajaıdyń qyzmet­ker­leri El­basynyń prezıdenttik merzimin 2020 jylǵa deıin uzartý tý­raly referendým ótkizýdi biraýyzdan qoldaıdy. Mundaı sheshimge kelýimizdiń birden-bir sebebi, Elbasynyń «Má­denı mura» memlekettik baǵ­darlamasymen tikeleı baılanys­ty. Kezeńdik júıemen jalǵasyp kele jatqan joba boıynsha Qa­zaqstandaǵy kóp jyldar qaraý­syz qalyp kelgen qanshama máde­nı-tarıhı eskertkishter táýelsiz­dik jyldary qaıtadan eńse tiktep, qamqorlyqqa alynýda, túrli sebeppen jan-jaqqa tarydaı sha­shyraǵan qundy jádigerlerdi tý­ǵan eline ákelip, al qaıta­ryl­maǵan kúnde olardyń birsypy­ra­synyń kóshirmelerin jetkizý úsh­in memleket aıanyp qalyp jat­qan joq. El mádenıetindegi sondaı aıryqsha qundylyǵymyzdyń biri – «Altyn adam» ekeni búginde óz elimiz túgili, ózge elderdiń jurt­shylyǵyna málim. Sondyqtan da aldymyzda bul murajaıdy Más­keýdegi memlekettik tarıhı mý­zeı­diń, Londondaǵy Brıtan táji qazynasynyń, Bogotadaǵy  altyn mýzeıdiń, Tehrandaǵy baǵaly zat­tar ulttyq mýzeıiniń, Kıevtegi Kıevo-Pechorskaıa Lavra syndy álemdik deńgeıdegi bes keremettiń qataryna qosý maqsaty tur. Osy­naý murat Memleket basshysy Nursultan Nazarbaevtyń kóshpe­liler mádenıeti men tarıhyn ha­lyqaralyq ǵylymı deńgeıge kó­te­rý ıdeıasymen sabaqtasyp jat­qan joq pa? Qazaq dalasy jer astyndaǵy qazba baılyqtarymen ǵana álemdi qyzyqtyrmaıdy, osy kúni baıtaq elimiz azattyq tańy­men arshylǵan rýhanı baılyq­ta­rymen joǵary baǵalana basta­ǵany shyndyq. Prezıdentimizben birge «Altyn adam» sharlamaǵan dúnıede birde-bir jer joq shyǵar. Onyń kórmeleri «Uly Jibek jo­ly» jobasy boıynsha órkenıetti elderdiń tórinde saltanat quryp, Uly dala mádenıetine álem ǵa­lymdaryn eleńdetip qoıǵanyn taǵy aıtpaı tura almaımyz. Bas­qalardyń aldynda baǵyń tarıhı baılyǵyńmen asaryn bilemiz. Osy­­ny Elbasymyz áýel bastan kókeıge toqyp, qaı elge, qaı jerge barsa da táýelsizdik ustynyn usynýdy áste umytpaıdy. Sol sebepti de osynaý teńdessiz mura saqtalǵan mádenı oshaq retinde biz óz atymyzdan Elbasynyń bas­shylyq qyzmetin uzartý týraly referendýmdy bir kisideı qoldaı­tynymyzdy jetkizgimiz keledi. Kú­ni keshe ótken sammıttiń Qazaq eli úshin orny qandaı bolǵanyn búginde janymyz marqaıa áńgime etýdemiz. Bul da tikeleı Elba­sy­nyń saıası kóregendiginiń arqasy ekenin dos turmaq dushpannyń ózi moıyndaǵan úlken erlik. Sol erlik «Altyn adam» ulaǵatymen astasyp jatty. Shetelden kelgen qonaqtar murajaıǵa arnaıy bas suǵyp, onyń túpnusqasyn óz kóz­derimen tamashalady. Qazaq eli­niń aıbary men ajary, tarıh pen búgingi eren qadam ózgege osylaı ónege tógip turǵan.

Gaýhar SADYBAI, Altyn jáne baǵaly metaldar memlekettik murajaıynyń dırektory.

* * *

BIZ QOLDAIMYZ!

Ýnıversıtette bilim alatyn, tehnıka­lyq orta­lyqtarda retteýshi bolyp jumys atqaratyn, jeke ká­sip­ker nemese aýyl mektebindegi mu­ǵalim, ıaǵnı kez kelgen jas adam kazirgi kezeńi men bola­sha­ǵyn egemen, quqyly jáne demo­kratııalyq memleketpen tyǵyz baılanystyrady. Qazaqstan Respýblıkasy búkil álemge tanyldy. Bizdiń elimiz EQYU men ShYU-ǵa tóraǵalyq etti. Muny Qazaqstanǵa degen jo­ǵary saıası senimdilik pen qurmet dep baǵalaýǵa bolady. EQYU Sam­mı­tiniń Astanada ótkizilýi – Qazaq­stannyń tóra­ǵalyq etýiniń joǵary baǵasynyń tarıhı jáne zań­­dy nátı­jesi. Eń bastysy – bul ja­han­dyq máse­lelerdi sheshýdegi Qazaq­stan Prezıdenti, El­ba­sy, Nur­sul­tan Ábishuly Na­zar­­baev­tyń basta­ma­laryna qoldaý bil­dirý, halyq­aralyq deńgeıdegi jáne álem jurt­shy­ly­ǵy tanyǵan bedeliniń anyq kórset­kishi bolyp otyr. Qazaqstannyń birqatar jastar uıym­dary eli­miz­diń aýyzbirligin, yntymaǵy men mem­leket egemendigi tuǵyrynyń qaına­rynan bastap, Qa­zaq­standy búgingi kóshbas­shy­lyq­qa jetkizgen TÁÝEL­SIZ­DIK, LAI­­YQ­TY О́MIR, KEMEL BO­LA­ShAQ atty ótkir sóz­derdi azamattarǵa baıan ete bilgen tul­ǵany qalaıdy. Biz Tuńǵysh Prezıdentimiz N.Á.Na­zar­baevtyń ókilettigin 2020 jyl­ǵa deıin uzartýdy «Qol­daı­myz!» dep, óz kózqa­ra­sy­myzdy bil­diremiz, deıdi elimizdiń Jastar  uıymy.