О́rge bastar on jyl

О́skemende «Bıznestiń jol kartasy–2020» baǵdarlamasyn iske asyrý máselelerine arnalǵan respýblıkalyq keńes bolyp ótti Oblysqa kelgen Premer-Mı­nıstrdiń orynbasary Erbol Oryn­baev birden atbasyn «Azııa Avto» aksıonerlik qoǵamyna burdy. Mun­da bul kúnderi zaýyttyń tehnoparkin jańartý jumystary qyzý júrip jatyr. Qazirdiń ózinde shetel kólikteriniń onnan astam túri shyǵarylyp jatyr. E.Orynbaev «Bıznestiń jol kartasy-2020» boı­ynsha munda qosymsha qarjy bólinetinin tilge tıek etti. Budan keıin qonaqtar «Shyǵys» máshıne jasaý zaýyty, Shyǵys Qazaqstan jylyjaı kesheninde bolyp, at­qarylyp jatqan istermen tanysty. Odan keıin D. Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń «Irgetas» ınjenerlik laboratorııa­synyń tusaýkeserine qatysty. ShQMTÝ-diń «Altaı» atty tehnoparkinde ótken elimizdegi irgeli kásiporyndardyń kórmesine kásip­oryn­dar shyǵaratyn buıymdar qoıylǵan. E.Orynbaev bastaǵan top Ońtústik Qazaqstan oblysy, Jambyl, Qaraǵandy, Pavlodar, Mańǵystaý, Atyraý, basqa da óńirlerdiń shyǵaratyn taýarlaryn qyzyǵa tamashalady. Kórmeni aralap bolǵan soń, vıse-premer, aqparat quraldarynyń ókilderine suhbat berdi. «Bıznestiń jol kartasy-2020» baǵdarlamasyn iske asyrýǵa arnal­ǵan respýblıkalyq keńes jumy­syna múddeli mınıstrlikterdiń, oblystar men Almaty qalalary ákimdikteriniń, «Damý» kásip­ker­likti damytý qorynyń, Qazaqstan qarjygerleri qaýymdastyǵynyń, «Qazaqstan kásipkerleri forýmy», «Atameken» odaǵy» birlestikteri­niń, bankter jáne basqa da qury­lymdarynyń ókilderi qatysty. Keńesti Ekonomıkalyq damý jáne saýda mınıstri Janar Aıtjanova ashyp, keńeste talqylanatyn máse­lelerge toqtala ketti. Atap aıtqanda, «Bıznestiń jol kar­tasy-2020» baǵdarlamasy ótken jyldyń sáýir aıynda bastalyp, ol jańa bıznes bastamalaryn qoldaý, kásipkerlik sektoryn jandandyrý, eksportqa baǵyttalǵan óndiristerdi qoldaý úsh baǵytynda júrgizilgen. Shyǵys Qazaqstan oblysy bul baǵdarlamany júzege asyrýda kósh bastap keledi. Atalǵan úsh baǵyt boıynsha Kendi Altaıǵa 17 tapsyrysqa sýbsıdııa bólinip, 18,9 mlrd. teńge kóleminde nesıe berilmek. Al bul qarjy máshıne jasaý, qaǵaz óndirisi, elektr qondyr­ǵylary, densaýlyq saqtaý jáne basqa salalar boıynsha júzege asyrylmaq. Bul jaıly óńir basshysy Berdibek Saparbaev aıta kelip, Elbasy N.Nazarbaevtyń qamqorlyǵy nátıjesinde ótken eki jyl ishinde «Jol kartasy» boıynsha elimizde myńdaǵan jobalar júzege asyrylyp, ondaǵan myń jumys orny ashylǵany jaıly habardar etti. Premer-Mınıstrdiń orynba­sary E.Orynbaev atalmysh baǵ­dar­lamanyń bolashaǵy zor ekenine toqtaldy. Elimizdiń ekonomıkasyn órge bastyrar on jylda barlyq aı­maqtarda kúshti kásiporyndar men qýattardyń iske qosylatyny, olarda ondaǵan myń jumys oryn­da­rynyń ashylatyny nazarda boldy. Ońdasyn ELÝBAI. Shyǵys Qazaqstan oblysy.