Parlamenttegi jumys babyndaǵy keńes

Qazaqstan Respýblıkasy Parlamenti Senatynyń Tóraǵasy, Álemdik jáne dástúrli dinder lıderleri sezi Hatshylyǵynyń basshysy Qasym-Jomart Toqaev bıylǵy 31 mamyr men 2 maýsym aralyǵynda Astanada ótetin «Dinder terrorızmge qarsy» halyqaralyq konferensııasy men Sezd Hatshylyǵynyń XV otyrysyna ázirlik máseleleri boıynsha jumys babyndaǵy keńes ótkizdi. Konferensııa Qazaqstan Pre­zı­denti N.Nazarbaevtyń 2015 jyl­ǵy qyrkúıekte BUU Bas Assamb­leıasynyń 70-shi sessııasynda aıtqan terrorızmge qarsy is-qımyl týraly bastamalaryn iske asyrý aıasynda ótedi. Senat Tóraǵasy halyqaralyq uıymdardyń, parlamenttik jáne álemdik dinı qaýym­dastyqtardyń, Qazaqstanda tir­kelgen dıplomatııalyq korpýs­tyń ókilderi alǵash ret qatysatyn konferensııanyń erekshe sıpatyna nazar aýdardy. Terrorızmmen kúrestegi mańyzdy máselelerdi talqylaýǵa elimizdiń jáne sheteldik sarapshylar da qatysady. Tóraǵanyń pikirinshe, konferensııa Memleket basshysy jarııa etken ja­handyq mańyzy bar «Álem. HHI ǵasyr» manıfesin túsindirý jáne ilgeriletý úshin tıisti tuǵyrnama bolady. Sharalarǵa ázirlik barysy tý­raly Senattyń Halyqaralyq qaty­nas­tar, qorǵanys jáne qaýipsiz­dik komıtetiniń tóraǵasy Ikram Adyrbekov, Syrtqy ister mı­nıstriniń orynbasarlary Erjan Ashyqbaev pen Roman Vasılenko, Mádenıet jáne sport mınıstriniń orynbasary Marat Ázilhanov ha­bar­dar etti, dep habarlady Par­lament Senatynyń baspasóz qyzmeti.