Elbasy manıfesi

jalpyadamzattyq kelisim alańynda bas qosýǵa úndeıdi Kóz aldymyzda kún sanap, saǵat sanap, tipten, sát saıyn almaǵaıyp ári kúrdeli ózgeristerdi bastan keship jatqan álemde beıbitshil saıasatty ustanatyn adamzat úshin alda qandaı baǵyt-baǵdarlar belgilengeni jón? Adamzat bala­synyń ózi oılap tap­qan, endi búkil jer-jıhanǵa qater týdyryp otyrǵan tajal qarý­dan qalaı qutylýǵa, onyń qa­te­rinen qalaısha bas tartýǵa bola­dy? Odan qutylar jol bar ma? Osy saýaldar sanaly adam balasyn tolǵantary anyq. Árıne, bul saýaldarǵa jaýap berer kóregen basshy, aqylman qaırat­ker, oı-sanasy sergek, kúlli adam­zattyń amandyǵyn oılap, sara jol nu­s­qaıtyn tuǵyr­ly tul­ǵanyń baǵdar­lamalyq sózin ýaqyttyń ózi barsha álem jur­tyna moıyndatyp otyr. Ol – Táýelsiz Qazaqstannyń Tuń­ǵysh Prezıdenti – Elbasy Nursultan Ábishuly Nazarbaev. N.Á.Nazarbaevtyń Vashıng­tondaǵy IV ıadrolyq qaýip­sizdik sammıtinde jarııalaǵan «Álem. XXI ǵasyr» atty manıfesi qazirgi ýaqytta dúnıejúzilik uıym – Bas Assambleıa men Qaýipsizdik Keńe­siniń resmı qujatyna aınalyp, joǵary mártebeni ıelenýi – álemdik deńgeıdegi mańyzdy oqıǵa. Qazaqstan basshysy usynǵan qujattyń beıbit ómirdi saqtap qalýda birden-bir baǵ­darlama retindegi mán-mańyzyn tereń túsin­gendikten bo­lar, manıfeske BUU shtab-páteriniń hat­shylyǵyndaǵy jú­ıede arnaıy tirkeý nómi­ri berilip, uıymǵa múshe mem­leket­terdiń barlyǵy úshin BUU-nyń elektrondy júıe­sinde qoljetimdilikke ıe boldy. Bul – bizdiń elimiz úshin úlken mártebe, zor qurmet! Bul – bıyl Táýelsizdiginiń 25 jyldyq mereıtoıyn atap ótetin Qazaq eliniń halyqaralyq deńgeıdegi beıbit ómir súrý saıasatynyń máýe­li jemisi! Bul – Elbasynyń ǵalam­sharda beıbitshilikti saqtap qalý úshin san tolǵanyp, san tebi­renip, ıadrolyq qarýsyzdaný úderi­sin jal­pyhalyqtyq deń­geıge kóterý jo­lyndaǵy ómirsheń de ózekti ıdeıa­larynyń qaınar kózi, bastaý-bulaǵy. «Myń shaqyrym jol bir qadam­nan bastalady», degen dana­­lyq sóz bar halqymyzda. Elbasynyń manı­fesi adamzatty zulmat qarýdan bir­jolata bas tartýǵa shaqyra otyryp, ıadrolyq qarýsyzdaný úde­risine belsene atsalysýǵa ja­sa­ǵan bul qadamy ajal qarýyn aýyz­dyqtaýda keleshekte úlken dań­­ǵylǵa apa­ra­ty­ny­­na kámil senim­dimiz. Qazaqstan Pre­­­­zıdentiniń baǵ­dar­­­­­lamalyq quja­tyn­­­da aıtylǵan sal­maq­­­ty oılar men tu­jy­­­rymdamalyq tú­ıin­­­der osyndaı oıǵa je­­te­leıdi.Memleket bas­­­shysy onda: «HHI ǵa­syr­da adamzatqa ózin ózi demılıtarızasııa­laý ja­ǵyna qaraı sheshimdi qadam jasaý qajet. Bizde mundaı basqa múmkindik bol­maıdy. Bulaı ja­salmaǵan ja­ǵ­daı­­da pla­ne­ta ra­dıoaktıvti mate­rıa­l­dar­dyń orasan zor tir­shilik­siz úıin­di­sine aınalady. Bizdiń pla­neta­myz bire­geı, bizde basqa on­daı pla­neta joq jáne bolmaıdy. Son­dyq­­tan adam­zatqa «HHI ǴASYR: SOǴYSSYZ ÁLEM» keń aýqym­dy baǵdarlamasy qajet», dep ba­tyl talap qoıyp, naqty baǵdar nusqaıdy. Elbasy «jahandyq strategııa ulttyń soǵystar men janjaldar vırýstaryn joıý jónindegi úıle­simdi jáne jaýapkershilikti is-áreketterin aıqyndaýda úsh basty qaǵıdatty naqty mazmundaý kerek­tigin» usynady. Osy oraıda, Qazaqstan Prezı­denti: «Birinshiden, qazirgi kezdegi birde-bir soǵysta jeńimpaz bolmaıdy jáne bola da almaıdy, onda bári de jeńiledi. Ekinshiden, jańa soǵysta jappaı qyryp-joıatyn qarýlar – ıadrolyq, hımııalyq, bıologııalyq jáne ǵylym jetistigi negizinde oılap tabylýy yqtımal basqa da kez kelgen qarý túrlerin qoldanýdan qashyp qutylý múmkin bolmaıdy», dep barsha adamzat nazaryn ǵalam­dyq máselege aýdarady. Túptep kelgende, Elbasy N.Nazarbaev «bul búkil adamzattyń qyrylýyna alyp keletinin, oǵan kimniń jaýap beretinin anyqtaý keıin kesh bolatynyn, tipti, jaýap beretin adam da tabylmaıtynyn» ashyq aıtady. Bolashaqta adamzatqa zor qaýip tóndiretin «osy yqtımal qaýip-qaterdi qazirgi ulttyq lı­der­ler men saıasatkerler jáne olar­dyń barlyq kelesi býyndary aksıoma retinde túsinýleri tıis» ekenin atap kórsetedi. Mem­le­ket basshysy «Úshinshiden, mem­le­ketter arasyndaǵy barlyq ta­las-tartystardy retteý úshin negiz beıbitshilik pen qaýipsizdik úshin teńdeı jaýapkershilik, ózara qurmet jáne ishki iske aralaspaý qaǵıdattaryna negizdelgen beıbit únqatysýlar men konstrýktıvti kelissózder bolýy kerek», deı otyryp, barlyq elder basshylaryna naqty iske kóshýdiń aıqyn joldaryn usynyp, jalpy­adam­zattyq kelisim alańyn­da bas qosýǵa úndeıdi. Nurlan QALQA, aqyn, «Astana-Báıterek» respýblıkalyq baıqaýynyń jeńimpazy. ASTANA.