Jer silkinisinen qaza tapqandar sany 28 adamǵa jetti

ASTANA. 16 sáýir. О́tken túni Japonııanyń ońtústik-batysynda jer silkinisinen taǵy 19 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady. Kýmamoto prefektýrasynyń polısııa basqarmasy atalǵan aımaqta sońǵy eki táýlik ishinde barlyǵy 28 adam mert bolǵanyn málimdedi. Shuǵyl túrde uıymdastyrylǵan baspasóz konferensııasynda mınıstrler kabınetiniń bas hatshysy Iosıhıde Sýga 80 adamnyń aýrýhanaǵa jatqyzylǵanyn ári olardyń jaǵdaıy tym aýyr ekenin aıtty. Sondaı-aq, 2 myńǵa jýyq turǵyn túrli deńgeıde jaraqat alǵan. Aıta keteıik, Kıýsıý aralynda 16 sáýirge qaraǵan túni magnıtýdasy 7,3 ballǵa jetken zilzalanyń kezekti bir tolqyny tirkeldi. Bul mańaıda osymen ekinshi kún qatarynan jer asty dúmpýi boldy. Al ulttyq meteorologııalyq basqarma bul jaǵdaı áli bir aptaǵa sozylýy múmkin ekenin málimdedi. Tabıǵat apaty ásirese, Mınamıaso eldi mekenine úlken shyǵyn ákeldi. Aımaqta jer silkinisinen bólek birneshe ret sel júrip ótken. Aldyn ala málimet boıynsha, osynyń saldarynan kem degende 11 adam mert boldy. Qutqarýshylar qoldarynan kelgenniń bárin isteýde. Sondaı-aq, atalǵan aımaqta Kýro ózeniniń ústine salynǵan 200 metrli «Aso» kópiri qırap qalǵan. Aıan Ábdýálı. Derek, foto: TASS.