ASTANA. 17 sáýir. Ekvadorda qýatty jer silkinisiniń saldarynan 77 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Magnıtýdasy 7,8 balldy quraǵan zilzalanyń epısentri Pedernales qalasynyń soltústik-batysynan 14 shaqyrym qashyqtyqta, oshaǵy 10 kılometr tereńdikte ornalasqan. Ekvadordyń vıse-prezıdenti Horhe Glas Espıneldiń aıtýynsha, tabıǵat apatynan 588 turǵyn túrli deńgeıde jaraqat aldy. Al qaza tapqandardyń sany aldaǵy ýaqytta áli de artýy múmkin degen boljam bar.
El Comercio basylymy Gýaıakıl qalasynda jer silkinisiniń saldarynan úlken kópir birneshe kóliktiń ústine qulaǵanyn habarlady. Al kýágerler birneshe saýda ortalyǵyna shyǵyn kelgenin aıtty. Jer asty dúmpýiniń saldarynan qala turǵyndary baspanalaryn tastap ketýge májbúr boldy.
Ońtústik Amerıka elindegi apattan birneshe ǵımarattar, turǵyn úıler qırap qalǵan. Baılanys jelileri úzilip, qala turǵyndary jylýsyz, baılanyssyz qaldy. Al Reuters agenttigi taratqan aqparatta memleket astanasy Kıto qalasynda elektroenergııa jelisi qalpyna keltirildi.
Aıan Ábdýálı.
Derek, foto: TASS.
