Golovkın Pound-for-pound reıtıngisinde top bastady

QARAǴANDY. 17 sáýir. Qazaqstandyq kásipqoı boksshy Gennadıı Golovkın salmaq dárejelerine qaramastan álemdegi úzdik boksshylardyń reıtıngisinde birinshi orynǵa kóterildi. Bul týraly vesti.kz-ke silteme jasaǵan egemen.kz tilshisi habarlady. Birinshi toqsannyń qorytyndysy boıynsha, International Business Times basylymy qurastyrǵan reıtıngide Gennadıı Golovkın salmaq dárejelerine qaramastan (Pound-for-pound, P4P) álemdegi eń úzdik boksshylardyń tiziminde kósh bastady. Reıtıng avtorlary atap ótkendeı, qazaqstandyqtyń 34 jeńisiniń ishinde álemge áıgili boksshylardyń esimi bolmasa da, Golovkınniń myqtylyǵy sol – dúnıe júzindegi eń úzdik degen bylǵary qolǵap sheberleri onymen kúsh synasýdan taısaqtaıdy. Ol sharshy alańda qarsylastarynyń bárin de aıqyn basymdyqpen jeńip keledi. О́ziniń kanadalyq Davıd Lememen ótkizgen sońǵy jekpe-jeginde de qarsylasyn betqaratpaı utyp, qatarynan 21-shi nokaýtqa qol jetkizdi. Aıta keteıik, sanaýly kúnnen keıin Los-Andjeles qalasynda Gennadıı Golovkın men Domınık Ýeıd arasyndaǵy jekpe-jek ótedi. Qazaqstandyq jankúıerler bul jekpe-jekti «Qazaqstan» telearnasynan tikeleı efırde 24 sáýir kúni tańerteń kóre alady. Osy jekpe-jektiń jeńimpazy meksıkalyq Saýl «Kanelo» Alvares pen brıtanııalyq Amır  Han arasyndaǵy tartysta  mereıi ústem bolǵan boksshymen qolǵap túıistiredi. Qaırat Ábildınov. Derek, foto: vesti.kz.