Fýtboldan Qazaqstan premer-lıgasynyń 6 týry ótti

ASTANA. 18 sáýir. Fýtboldan Qazaqstan premer-lıgasynyń 6 týrynyń oıyndary oınaldy. Bul týraly egemen.kz tilshisi habarlady. Týrda qyzyqty matchtardyń biri Shymkentte boldy. Jergilikti «Ordabasy» komandasy Almatynyń «Qaırat» klýbyn 2:0 esebimen utyp, týrnır kestesinde tórtinshi orynǵa shyqty. Al «Qaırat» ázirshe laıyqty oıyn órnegin kórseter emes.  Almaty komandasy 6 matchtan keıin bir oıyndy ǵana jeńip, eki ret teń oınap, úsh kezdesýde utyldy. Basqa matchtar da qyzyqty jáne tartysty ótti. Sonyń ishinde «Oqjetpes» klýbynyń syrt alańda Qaraǵandynyń «Shahterin» 1:0 esebimen jeńgenin aıtýǵa bolady. Osy jeńis týrnır kestesinde kókshetaýlyqtardy úshinshi orynǵa shyǵardy. Qazir olar 13 upaımen «Astana» men «Ertis» komandalarynyń sońynan keledi. «Ordabasy» (Shymkent) – «Qaırat» (Almaty) 2:0 (0:0) Gol: Fılıpp Kasalısa 54 «Jetisý» (Taldyqorǵan) – «Taraz» (Taraz) 2:1 (0:0) Goldar: Dýshan Savıch 47, Marko Sımonovskı 58 – Malık Mane 65 «Astana» (Astana) – «Tobyl» (Qostanaı) 1:0 (0:0) Gol: Lýkman Arýna 63 «Atyraý» (Atyraý) – «Aqjaıyq» (Oral) 2:0 (2:0) Goldar: Pavel Shabalın 4, Pshemyslav Trytko 19 «Aqtóbe» (Aqtóbe) – «Ertis» (Pavlodar) 1:1 (0:1) Goldar: Samat Smaqov 87 – Gogıta Gogýa 22 «Shahter» (Qaraǵandy) – «Oqjetpes» (Kókshetaý) 0:1 (0:1) Gol: Oleksandr Chıjov 31 Dastan Kenjalın. Derek, foto: egemen.kz