Balalarǵa alımentterdi jáne otbasyn kútip-baǵýdyń basqa da nysandaryn óndirip alýdyń halyqaralyq tártibi týraly konvensııany jáne Alımenttik mindettemelerge qoldanylatyn quqyq týraly hattamany ratıfıkasııalaý týraly
2007 jylǵy 23 qarashada Gaagada jasalǵan Balalarǵa alımentterdi jáne otbasyn kútip-baǵýdyń basqa da nysandaryn óndirip alýdyń halyqaralyq tártibi týraly konvensııa jáne Alımenttik mindettemelerge qoldanylatyn quqyq týraly hattama osy Zańǵa 1 jáne 2-qosymshalarǵa sáıkes málimdemelermen jáne eskertpemen qosa ratıfıkasııalansyn.
Qazaqstan Respýblıkasynyń Prezıdenti
N.NAZARBAEV
Astana, Aqorda, 2016 jylǵy 9 sáýir
№ 492-V QRZ
------------------------------------------------------
2016 jylǵy 9 sáýirdegi Qazaqstan Respýblıkasynyń № 492-V QRZ Zańyna 1-qosymsha
Balalarǵa alımentterdi jáne otbasyn kútip-baǵýdyń basqa da nysandaryn óndirip alýdyń halyqaralyq tártibi týraly konvensııaǵa málimdemeler Balalarǵa alımentterdi jáne otbasyn kútip-baǵýdyń basqa da nysandaryn óndirip alýdyń halyqaralyq tártibi týraly konvensııanyń (budan ári – Konvensııa) 63-babyna sáıkes Qazaqstan Respýblıkasy mynadaı málimdemeler jasaıdy: 1) sheshimdi taný jáne oryndaý týraly málimdemege qatysty Konvensııanyń 23 (2) – (11)-babynyń erejelerine qaramastan, Konvensııanyń 24-babynda kózdelgen taný jáne oryndaý rásimi qoldanylatyn bolady; 2) Konvensııanyń 30 (7)-babynda kózdelgen alımentter týraly kelisimdi taný jáne oryndaý týraly málimdeme Qazaqstan Respýblıkasynyń ortalyq organy arqyly ǵana berilýi múmkin. 3) Konvensııanyń 44 (1)-babyna sáıkes suraý salýshy múshe memleketterdiń kez kelgen málimdemeleri jáne ilespe qujattary Qazaqstan Respýblıkasynyń aýmaǵynda, eger olar tıisti túrde kýálandyrylǵan qazaq jáne (nemese) orys tilderindegi aýdarmasymen birge berilse, oryndalýǵa qabyldanady. 2016 jylǵy 9 sáýirdegi Qazaqstan Respýblıkasynyń № 492-V QRZ Zańyna 2-qosymsha Balalarǵa alımentterdi jáne otbasyn kútip-baǵýdyń basqa da nysandaryn óndirip alýdyń halyqaralyq tártibi týraly konvensııaǵa málimdeme Balalarǵa alımentterdi jáne otbasyn kútip-baǵýdyń basqa da nysandaryn óndirip alýdyń halyqaralyq tártibi týraly konvensııanyń 62 jáne 44 (3)-baptaryna sáıkes Qazaqstan Respýblıkasy ortalyq organdar arasynda ózge habarlamalardy júzege asyrǵan kezde fransýz tilin qoldanýdan bas tartady. Mundaı ózge habarlamalar qazaq jáne (nemese) orys tilderinde ne aǵylshyn tilinde júzege asyrylady.
