Qazaqstan Respýblıkasynyń Zańy № 494-V QRZ

Qazaqstan Respýblıkasynyń keıbir zańnamalyq aktilerine temirjol jolaýshylar kóligi máseleleri boıynsha ózgerister men tolyqtyrýlar engizý týraly 1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin: 1. «Qazaqstan Respýblıkasyndaǵy kólik týraly» 1994 jylǵy 21 qyrkúıektegi Qazaqstan Respýblıkasynyń Zańyna (Qazaqstan Respýblıkasy Joǵarǵy Keńesiniń Jarshysy, 1994 j., № 15, 201-qujat; Qazaqstan Respýblıkasy Parlamentiniń Jarshysy, 1996 j., № 2, 186-qujat; 1998 j., № 24, 447-qujat; 2001 j., № 23, 309, 321-qujattar; № 24, 338-qujat; 2003 j., № 10, 54-qujat; 2004 j., № 18, 110-qujat; № 23, 142-qujat; 2005 j., № 15, 63-qujat; 2006 j., № 3, 22-qujat; № 14, 89-qujat; № 24, 148-qujat; 2009 j., № 18, 84-qujat; 2010 j., № 17-18, 114-qujat; № 24, 146-qujat; 2011 j., № 1, 2, 3-qujattar; № 5, 43-qujat; № 12, 111-qujat; 2012 j., № 2, 14-qujat; № 3, 21-qujat; № 14, 92, 96-qujattar; № 15, 97-qujat; 2013 j., № 1, 2-qujat; № 9, 51-qujat; № 14, 72, 75-qujattar; № 16, 83-qujat; 2014 j., № 7, 37-qujat; № 10, 52-qujat; № 12, 82-qujat; № 19-I, 19-II, 96-qujat; № 21, 123-qujat; 2015 j., № 1, 2-qujat; № 19-I, 100, 101-qujattar; № 20-IV, 113-qujat; № 23-II, 170-qujat): 1) 9-baptyń tórtinshi bóligi mynadaı redaksııada jazylsyn: «Rentabeldiligi qoldanystaǵy retteletin tarıftermen qamtamasyz etilmeıtin jolaýshylar tasymalyn uıymdastyrý týraly sheshimder qabyldaǵan memlekettik organdar tasymaldaýshylar zalaldaryn nemese shyǵystaryn sýbsıdııalaýdy Qazaqstan Respýblıkasynyń zańnamasyna sáıkes bıýdjet qarajaty esebinen qamtamasyz etedi.»; 2) 11-baptyń ekinshi bóligindegi «retteletin tasymaldardy» degen sózder «retteletin tarıfter belgilengen jaǵdaılardy» degen sózdermen aýystyrylsyn. 2. «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 1998 j., № 16, 214-qujat; 1999 j., № 19, 646-qujat; 2000 j., № 3-4, 66-qujat; 2001 j., № 23, 309-qujat; 2002 j., № 23-24, 193-qujat; 2004 j., № 14, 82-qujat; № 23, 138, 142-qujattar; 2006 j., № 2, 17-qujat; № 3, 22-qujat; № 4, 24-qujat; № 8, 45-qujat; № 13, 87-qujat; 2007 j., № 3, 20-qujat; № 19, 148-qujat; 2008 j., № 15-16, 64-qujat; № 24, 129-qujat; 2009 j., № 11-12, 54-qujat; № 13-14, 62-qujat; № 18, 84-qujat; 2010 j., № 5, 20, 23-qujattar; 2011 j., № 1, 2-qujat; № 11, 102-qujat; № 12, 111-qujat; № 13, 112-qujat; № 16, 129-qujat; 2012 j., № 2, 9, 15-qujattar; № 3, 21-qujat; № 4, 30-qujat; № 11, 80-qujat; № 12, 85-qujat; № 15, 97-qujat; 2013 j., № 4, 21-qujat; № 10-11, 56-qujat; № 15, 79, 82-qujattar; № 16, 83-qujat; 2014 j., № 1, 4-qujat; № 4-5, 24-qujat; № 10, 52-qujat; № 11, 64-qujat; № 14, 87-qujat; № 16, 90-qujat; № 19-I, 19-II, 96-qujat; № 23, 143-qujat; 2015 j., № 9, 46-qujat; № 19-I, 100-qujat; № 20-IV, 113-qujat; № 20-VII, 117-qujat; № 21-II, 131-qujat; № 22-II, 144-qujat; № 22-V, 156-qujat; № 22-VI, 159-qujat): 7-1-baptyń 1-tarmaǵy mynadaı redaksııada jazylsyn: «1. Baǵalardy memlekettik retteý elektr jáne jylý energetıkasy, munaı ónimderin óndirý, munaıdy tasymaldaý, azamattyq avıasııa, porttyq qyzmet, telekommýnıkasııalar jáne poshta baılanysy, sondaı-aq «Gaz jáne gazben jabdyqtaý týraly» jáne «Temirjol kóligi týraly» Qazaqstan Respýblıkasynyń zańdarynda belgilengen erekshelikter eskerile otyryp, gaz jáne temirjol kóligi salasyndaǵy retteletin naryqtar sýbektileriniń taýarlaryna (jumystaryna, kórsetiletin qyzmetterine) qoldanylady.». 3. «Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2001 j., № 23, 315-qujat; 2003 j., № 10, 54-qujat; 2004 j., № 18, 110-qujat; № 23, 142-qujat; 2006 j., № 3, 22-qujat; № 13, 87-qujat; № 14, 89-qujat; № 16, 99-qujat; № 24, 148-qujat; 2007 j., № 9, 67-qujat; № 19, 148-qujat; 2008 j., № 15-16, 64-qujat; № 24, 129-qujat; 2009 j., № 2-3, 18-qujat; № 18, 84-qujat; 2010 j., № 5, 23-qujat; № 24, 146-qujat; 2011 j., № 1, 2, 3-qujattar; № 5, 43-qujat; № 11, 102-qujat; № 12, 111-qujat; 2012 j., № 2, 14-qujat; № 15, 97-qujat; № 21-22, 124-qujat; 2013 j., № 14, 72, 75-qujattar; № 16, 83-qujat; № 21-22, 115-qujat; 2014 j., № 1, 4-qujat; № 12, 82-qujat; № 19-I, 19-II, 96-qujat; № 21, 122-qujat; № 23, 143-qujat; 2015 j., № 19-I, 100-qujat; № 20-IV, 113-qujat; № 20-VII, 117-qujat; № 23-II, 170, 172-qujattar): 1) 8-bap mynadaı mazmundaǵy 2-1, 2-2 jáne 2-3-tarmaqtarmen tolyqtyrylsyn: «2-1. Vagondardy satyp alýdy kredıtteýge jáne olardyń qarjylyq lızıngine syıaqynyń mólsherlemesin sýbsıdııalaýǵa arnalǵan sharttar ýákiletti organ bekitetin úlgilik shart negizinde jazbasha nysanda jasalady. 2-2. Áleýmettik mańyzy bar qatynastar boıynsha jolaýshylar tasymalyn júzege asyrýmen baılanysty tasymaldaýshynyń shyǵystaryn uzaq merzimdi sýbsıdııalaýǵa arnalǵan sharttar ýákiletti organ bekitetin úlgilik shart negizinde jazbasha nysanda jasalady. Osy tarmaqtyń birinshi abzasynda kórsetilgen sharttyń zańnamaǵa sáıkes buzylýy jaǵdaıynda ýákiletti organ men oblystardyń, respýblıkalyq mańyzy bar qalalardyń jáne astananyń jergilikti atqarýshy organdary áleýmettik mańyzy bar qatynastar boıynsha jolaýshylar tasymalyn júzege asyratyn jáne kredıttik qarajatty qaıtarý men jolaýshylar vagondaryn satyp alýǵa beriletin qarjylyq lızıngti tóleý mindettemelerin oryndaýdy qamtamasyz etetin jańa tasymaldaýshyny aıqyndaı alady. Osy tarmaqtyń ekinshi abzasynda kórsetilgen tasymaldaýshyny aıqyndaý tártibi shyǵystary bıýdjet qarajaty esebinen uzaq merzimdi sýbsıdııalanýǵa jatatyn áleýmettik mańyzy bar qatynastar boıynsha temirjol jolaýshylar tasymalyn júzege asyratyn tasymaldaýshylardy aıqyndaý boıynsha ashyq tender negizinde konkýrs ótkizý qaǵıdalarynda belgilenedi. 2-3. Ýákiletti organ men oblystardyń, respýblıkalyq mańyzy bar qalalardyń jáne astananyń jergilikti atqarýshy organdary mynadaı mindettemeler boıynsha sharttar jasasa alady: 1) áleýmettik mańyzy bar qatynastar boıynsha jolaýshylar tasymalyn júzege asyrýǵa baılanysty tasymaldaýshynyń shyǵystaryn Qazaqstan Respýblıkasynyń zańnamasyna sáıkes uzaq merzimdi sýbsıdııalaý; 2) osy baptyń 2-2-tarmaǵynyń ekinshi abzasynda kórsetilgen tasymaldaýshyny aıqyndaý; 3) Qazaqstan Respýblıkasynyń zańnamasynda kózdelgen basqa da mindettemeler.»; 2) 12-bapta: 2 jáne 2-1-tarmaqtar mynadaı redaksııada jazylsyn: «2. Ýákiletti organ áleýmettik mańyzy bar oblysaralyq qatynastarda jolaýshylar tasymaly boıynsha kórsetiletin qyzmetterge baǵalardyń (tarıfterdiń) shekti deńgeılerin belgileıdi. Jergilikti atqarýshy organdar áleýmettik mańyzy bar aýdanaralyq (oblysishilik qalaaralyq) jáne qala mańyndaǵy qatynastarda jolaýshylar tasymaly boıynsha kórsetiletin qyzmetterge baǵalardyń (tarıfterdiń) shekti deńgeılerin belgileıdi. 2-1. Áleýmettik mańyzy bar qatynastar boıynsha barlyq júrý jolynda jolaýshylar tasymaly boıynsha qyzmetter kórsetetin tasymaldaýshynyń shyǵystary Qazaqstan Respýblıkasynyń bıýdjet zańnamasyna sáıkes bıýdjet qarajaty esebinen sýbsıdııalanady.»; mynadaı mazmundaǵy 2-2-tarmaqpen tolyqtyrylsyn: «2-2. Vagondardy satyp alýdy kredıtteýge jáne olardyń qarjylyq lızıngine syıaqynyń mólsherlemesi Qazaqstan Respýblıkasynyń zańnamasyna sáıkes kredıtteýdiń nemese qarjylyq lızıngtiń barlyq merzimine bıýdjet qarajaty esebinen sýbsıdııalanady.»; 3) 14-bapta: 2-tarmaqta: 5) tarmaqshadaǵy «Qazaqstan Respýblıkasynyń zańdary men Qazaqstan Respýblıkasy Úkimeti qaýlylarynyń» degen sózder «Qazaqstan Respýblıkasynyń normatıvtik quqyqtyq aktileriniń» degen sózdermen aýystyrylsyn; 34-18), 34-19), 34-22) jáne 34-23) tarmaqshalar mynadaı redaksııada jazylsyn: «34-18) shyǵystary bıýdjet qarajaty esebinen uzaq merzimdi sýbsıdııalanýǵa jatatyn áleýmettik mańyzy bar qatynastar boıynsha jolaýshylar tasymalyn júzege asyratyn tasymaldaýshylardy aıqyndaý boıynsha ashyq tender negizinde konkýrs ótkizý qaǵıdalaryn ázirleý jáne bekitý; 34-19) áleýmettik mańyzy bar qatynastar boıynsha jolaýshylar tasymalyn júzege asyrýmen baılanysty tasymaldaýshynyń shyǵystaryn uzaq merzimdi sýbsıdııalaý qaǵıdalaryn ázirleý jáne bekitý;»; «34-22) áleýmettik mańyzy bar qatynastar boıynsha jolaýshylar tasymaly boıynsha kórsetiletin qyzmetterge baǵalardyń (tarıfterdiń) shekti deńgeılerin aıqyndaý ádistemesin ázirleý jáne bekitý; 34-23) áleýmettik mańyzy bar qatynastar boıynsha jolaýshylar tasymalyn júzege asyratyn tasymaldaýshylardyń shyǵystaryn uzaq merzimdi sýbsıdııalaý kólemderin aıqyndaý ádistemesin ázirleý jáne bekitý;»; mynadaı mazmundaǵy 34-26), 34-27), 34-28) jáne 34-29) tarmaqshalarmen tolyqtyrylsyn: «34-26) áleýmettik mańyzy bar qatynastar boıynsha jolaýshylar tasymalyn júzege asyrýmen baılanysty tasymaldaýshynyń shyǵystaryn uzaq merzimdi sýbsıdııalaýǵa arnalǵan úlgilik shartty ázirleý jáne bekitý; 34-27) áleýmettik mańyzy bar qatynastar boıynsha jolaýshylardy tasymaldaýshylar men operatorlardyń vagondardy (konteınerlerdi) satyp alýyn kredıtteýge jáne olardyń qarjylyq lızıngine syıaqynyń mólsherlemesin sýbsıdııalaýdyń qaǵıdalaryn ázirleý jáne bekitý; 34-28) áleýmettik mańyzy bar qatynastar boıynsha jolaýshylardy tasymaldaýshylar men operatorlardyń vagondardy (konteınerlerdi) satyp alýyn kredıtteýge jáne olardyń qarjylyq lızıngine syıaqynyń mólsherlemesin sýbsıdııalaýdyń úlgilik shartyn ázirleý jáne bekitý; 34-29) áleýmettik mańyzy bar qatynastar boıynsha jolaýshylardy tasymaldaýshylar men operatorlardyń vagondardy (konteınerlerdi) satyp alýyn kredıtteýge jáne olardyń qarjylyq lızıngine syıaqynyń mólsherlemesin sýbsıdııalaý;»; 4-tarmaqtyń 3) tarmaqshasy mynadaı redaksııada jazylsyn: «3) áleýmettik mańyzy bar aýdanaralyq (oblysishilik qalaaralyq) jáne qala mańyndaǵy qatynastar boıynsha jolaýshylar tasymalyn júzege asyrýmen baılanys­ty tasymaldaýshynyń shyǵystaryn uzaq merzimdi sýbsıdııalaý;»; 4) 32-1-baptyń 2-tarmaǵyndaǵy «talaptardy Qazaqstan Respýblıkasy Úkimeti aıqyndaıdy.» degen sózder «talaptar Temirjol kóligindegi qaýipsizdik qaǵıdalarynda aıqyndalady.» degen sózdermen aýystyrylsyn; 5) 65-bapta: 4-tarmaq mynadaı redaksııada jazylsyn: «4. Tasymaldaýshy jolaýshy kórsetken mejeli stansııaǵa deıin jol júrý qujatynyń (bılettiń) satylýyn qamtamasyz etýge mindetti. Tasymaldaýshy jol júrý qujattaryn (bıletterdi) satýdy jolaýshy agenttikteriniń bılet kassalary, elektrondyq termınaldar, ınternet-resýrstar arqyly jáne Qazaqstan Respýblıkasynda temirjol kóliginde jol júrý qujattaryn (bıletterdi) satýdy uıymdastyrý qaǵıdalarynda belgilengen tártippen basqa da tásildermen uıymdastyra alady.»; 4-1-tarmaq mynadaı mazmundaǵy ekinshi bólikpen tolyqtyrylsyn: «Poezdyń júrý jolynda jol júrý qujattaryn (bıletterdi) satýdy tasymaldaýshy Qazaqstan Respýblıkasynda temirjol kóliginde jol júrý qujattaryn (bıletterdi) satýdy uıymdastyrý qaǵıdalaryna sáıkes jolaýshylar tasymalyn basqarýdyń avtomattandyrylǵan júıesi arqyly júzege asyrady.»; 6) 66-1-bap mynadaı redaksııada jazylsyn: «66-1-bap. Jolaýshylar poezdarynyń júrý jolynda Jolaýshylar, bagaj jáne júk-bagaj tasymaldaý qaǵıdalarynyń saqtalýyna baqylaý júrgizý tártibi 1. Jolaýshylar poezdarynyń Qazaqstan Respýblıkasy aýmaǵymen júrý jolynda Jolaýshylar, bagaj jáne júk-bagaj tasymaldaý qaǵıdalarynyń saqtalýyna baqylaýdy ýákiletti organ júrgizedi. 2. Jolaýshylar poezdarynda tasymaldaýshylardyń Jolaýshylar, bagaj jáne júk-bagaj tasymaldaý qaǵıdalaryn saqtaýyn tekserýdi ýákiletti organnyń laýazymdy adamy (adamdary) tekserýdi taǵaıyndaý týraly aktiniń negizinde júrgizedi. Tekserýdi taǵaıyndaý týraly aktide: 1) aktiniń kúni jáne nómiri; 2) ýákiletti organnyń ataýy; 3) tekserýdi júrgizýge ýákilettilik berilgen adamnyń (adamdardyń) tegi, aty, ákesiniń aty (bar bolǵan kezde) jáne laýazymy; 4) jolaýshylar poezdaryn tekserýdi taǵaıyndaý týraly aktilerdi esepke alý jýrnalyndaǵy tirkeý kúni men nómiri; 5) tekseriletin sýbektiniń ataýy men jolaýshylar poezynyń nómiri; 6) tekseriletin sýbektiniń sáıkestendirý nómiri (JSN/BSN); 7) tekserý máseleleri; 8) tekserý júrgizý merzimi; 9) aktilerge qol qoıýǵa ýákilettiligi bar adamnyń qoly men ýákiletti organnyń móri kórsetiledi. 3. Tekserýdi taǵaıyndaý týraly akt jolaýshylar, bagaj jáne júk-bagajdy tasymaldaýdy júzege asyratyn, tekseriletin árbir sýbektige jolaýshylar poezdarynyń nómirleri kórsetile otyryp toltyrylady. Tekserýdi taǵaıyndaý týraly akt tekserýdi taǵaıyndaý týraly aktilerdi esepke alý jýrnalynda tirkeledi. Jolaýshylar poezdaryn tekserýdi taǵaıyndaý týraly aktini esepke alý jýrnalyn júrgizý tártibi men nysanyn ýákiletti organ bekitedi. 4. Laýazymdy adamdar jolaýshylar poezyn tekserýdi bastaýdyń aldynda qyzmettik kýáligi men osy poezdy tekserýdi taǵaıyndaý týraly aktini kórsetedi, bul rette tekserýdiń bastalǵany týraly jolaýshylar poezynyń bastyǵyn nemese aǵa jolserigin (vagon-meıramhana dırektoryn, júk vagonyn qabyldap-tapsyrýshyny, qyzmettik vagon jolserigin) qol qoıǵyza otyryp, tanystyrady. 5. Memlekettik baqylaýdyń obektisi bolyp tabylatyn jolaýshylar poezyna laýazymdy adamdy jiberýge kedergi keltirilgen jaǵdaıda, ol hattama toltyrady. Tekseriletin obektige jiberýden bas tartý, tekserýdi boldyrmaý úshin negiz bolyp tabylmaıdy. 6. Jolaýshylar poezyn Jolaýshylar, bagaj jáne júk-bagaj tasymaldaý qaǵıdalarynyń saqtalýy turǵysynan tekserýdi laýazymdy adamdar jolaýshylar poezy jóneltilgennen keıin bastaıdy. 7. Tekseriletin jolaýshylar poezynyń barlyq vagondarynda Jolaýshylar, bagaj jáne júk-bagaj tasymaldaý qaǵıdalarynyń saqtalýy bóliginde tekserý júzege asyrylady. 8. Jolaýshylar poezyn tekserý nátıjeleri boıynsha laýazymdy adamdar tekserý nátıjeleri týraly akt jasaıdy. Tekserý nysanasyna qoıylǵan talaptardy buzýshylyqtar anyqtalmaǵan jaǵdaıda, tekserý nátıjeleri týraly aktide tıisti jazba jasalady. 9. Tekserý nátıjeleri týraly akt eki danada jasalady. Tekserý nátıjeleri týraly aktide: 1) tekserý kúni, ýaqyty jáne ýchaskesi; 2) ýákiletti organnyń ataýy; 3) negizinde tekserý júrgizilgen tekserýdi taǵaıyndaý týraly aktiniń kúni jáne nómiri; 4) tekserýdi júrgizgen adamnyń (adamdardyń) tegi, aty, ákesiniń aty (bar bolǵan kezde) jáne laýazymy; 5) tekseriletin sýbektiniń ataýy, jolaýshylar poezynyń nómirleri men qatynastary, tekserý júrgizý kezinde qatysqan jolaýshylar poezy bastyǵynyń nemese aǵa jolseriginiń (vagon-meıramhana dırektorynyń, júk vagonyn qabyldap-tapsyrýshynyń, qyzmettik vagon jolseriginiń) tegi, aty, ákesiniń aty (bar bolǵan kezde); 6) tekserý nátıjeleri, onyń ishinde anyqtalǵan buzýshylyqtar týraly málimetter; 7) tekserý júrgizý kezinde qatysqan jolaýshylar poezy bastyǵynyń nemese aǵa jolseriginiń (vagon-meıramhana dırektorynyń, júk vagonyn qabyldap-tapsyrýshynyń, qyzmettik vagon jolseriginiń) tekserý nátıjeleri týraly aktimen tanysqandyǵy nemese tanysýdan bas tartqandyǵy jónindegi málimetter, onyń qoly nemese qol qoıýdan bas tartýy; 8) tekserý júrgizgen laýazymdy adamnyń (adamdardyń) qoly kórsetiledi. Tekserý nátıjeleri týraly aktige bar bolǵan jaǵdaıda tekserý nátıjelerimen baılanysty qujattar nemese olardyń kóshirmeleri qosa beriledi. 10. Tekserý nátıjeleri boıynsha eskertpeleri jáne (nemese) qarsylyqtary bolǵan jaǵdaıda, tekserý júrgizý kezinde qatysqan jolaýshylar poezy bastyǵy nemese aǵa jolserigi (vagon-meıramhana dırektory, júk vagonyn qabyldap-tapsyrýshy, qyzmettik vagon jolserigi) olardy jazbasha nysanda baıandaıdy. Eskertpeler jáne (nemese) qarsylyqtar tekserý júrgizý nátıjeleri týraly aktige qosa beriledi, bul jóninde tıisti belgi jasalady. 11. Tekserý nátıjeleri týraly aktiniń bir danasy tekserý júrgizý kezinde qatysqan jolaýshylar poezynyń bastyǵyna nemese aǵa jolserigine (jolaýshylar poezynyń quramyndaǵy vagon-meıramhana, júk vagony jáne qyzmettik vagon tekserilgen jaǵdaıda tekserý nátıjeleri týraly aktiniń bir-bir danasy tıisinshe vagon-meıramhana dırektoryna, júk vagonyn qabyldap-tapsyrýshyǵa, qyzmettik vagon jolserigine tabys etiledi) tanysýy jáne anyqtalǵan buzýshylyqtardy joıý boıynsha sharalar qabyldaýy úshin tabys etiledi. 12. Laýazymdy adamnyń (adamdardyń) jolaýshylar poezdarynda Qazaqstan Respýblıkasynyń aýmaǵymen júrý jolynda Jolaýshylar, bagaj jáne júk-bagaj tasymaldaý qaǵıdalarynyń saqtalýyna baqylaýdy júrgizý kezinde: 1) tekseriletin jolaýshylar poezynyń quramyndaǵy barlyq tıptegi jolaýshylar vagondaryna kedergisiz kirýge; 2) tekserý nátıjeleriniń aktisine qosa berý úshin tekserý máselelerimen baılanysty qujattardy (málimetterdi) qaǵazdaǵy jetkizgishte ne olardyń kóshirmelerin alýǵa; 3) memlekettik organdardyń mamandaryn, konsýltanttaryn jáne sarapshylaryn tartýǵa quqyǵy bar. 13. Tekserýdi júzege asyratyn laýazymdy adamǵa (adamdarǵa) tekserý máselelerine jatpaıtyn talaptardy qoıýyna jáne ótinishter jasaýyna tyıym salynady. 14. Ýákiletti organnyń laýazymdy adamdary tekserý júrgizý kezinde: 1) Qazaqstan Respýblıkasynyń zańnamasyn, tekseriletin sýbektilerdiń quqyqtary men zańdy múddelerin saqtaýǵa; 2) tekserýlerdi osy Zańmen belgilengen tártipke qatań sáıkestikte júrgizýge; 3) tekserý júrgizý kezinde qatysqan jolaýshylar poezynyń bastyǵyna nemese aǵa jolserigine (vagon-meıramhana dırektoryna, júk vagonyn qabyldap-tapsyrýshyǵa, qyzmettik vagon jolserigine) júrgizilgen tekserý nátıjeleri týraly aktini ol aıaqtalǵan kúni tabys etýge mindetti. 15. Jolaýshylar poezynyń bastyǵy nemese aǵa jolserigi (vagon-meıramhana dırektory, júk vagonyn qabyldap-tapsyrýshy, qyzmettik vagon jolserigi) baqylaý júrgizý kezinde: 1) tekserýdi taǵaıyndaý týraly aktide kórsetilgen merzimder ótip ketken; 2) tekserý júrgizý úshin kelgen laýazymdy adamnyń (adamdardyń) derekteriniń tekserýdi taǵaıyndaý týraly aktide kórsetilgen laýazymdy adamnyń (adamdardyń) derekterimen sáıkes kelmegen jaǵdaılarda obektige tekserý júrgizý úshin kelgen ýákiletti organnyń laýazymdy adamyn (adamdaryn) tekserýge jibermeýge quqyly. 16. Jolaýshylar poezynyń bastyǵy nemese aǵa jolserigi (vagon-meıramhana dırektory, júk vagonyn qabyldap-tapsyrýshy, qyzmettik vagon jolserigi) ýákiletti organ Jolaýshylar, bagaj jáne júk-bagaj tasymaldaý qaǵıdalarynyń saqtalýyna baqylaý júrgizgen kezde: 1) osy Zańnyń 66-1-baby 4-tarmaǵynyń talaptary saqtalǵan kezde, laýazymdy adamnyń (adamdardyń) tekseriletin jolaýshylar poezynyń quramyndaǵy barlyq tıptegi jolaýshylar vagondaryna kedergisiz kirýin qamtamasyz etýge; 2) tekserý nátıjeleri týraly aktige qosa berý úshin laýazymdy adamǵa (adamdarǵa) tekserý máselelerimen baılanysty qujattardy (málimetterdi) qaǵazdaǵy jetkizgishte ne olardyń kóshirmelerin usynýǵa; 3) tekserý taǵaıyndalǵany týraly aktimen tanysqandyǵy jóninde belgi jasaýǵa; 4) aktiniń ekinshi danasynda tekserý aıaqtalǵan kúni júrgizilgen tekserýdiń nátıjeleri týraly aktini alǵandyǵy týraly belgi jasaýǵa mindetti.»; 7) 88-1-baptyń 1-tarmaǵy mynadaı redaksııada jazylsyn: «1. Temirjol kóligi salasyndaǵy memlekettik baqylaý (budan ári – kóliktik baqylaý) temirjol kóliginiń jumys isteý tártibin aıqyndaıtyn Qazaqstan Respýblıkasynyń normatıvtik quqyqtyq aktileriniń talaptaryn jeke jáne zańdy tulǵalardyń saqtaýyna, olardy buzýshylyqtardy anyqtaý jáne jolyn kesý boıynsha sharalar qabyldaý úshin júrgiziledi.». 2-bap. Osy Zań: 1) 2017 jylǵy 1 qańtardan bastap qoldanysqa engiziletin osy Zańnyń 1-baby 1-tarmaǵynyń 1) tarmaqshasyn, 3-tarmaǵynyń 2) tarmaqshasynyń tórtinshi abzasyn, 3) tarmaqshasynyń altynshy jáne on besinshi abzastaryn; 2) 2016 jylǵy 1 qyrkúıekten bastap qoldanysqa engiziletin osy Zańnyń 1-babynyń 3-tarmaǵy 3) tarmaqshasynyń besinshi abzasyn qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Prezıdenti  N.NAZARBAEV Astana, Aqorda, 2016 jylǵy 9 sáýir № 494-V QRZ