Álemdik dodada dop tebemiz

Fýtzaldan Qazaqstannyń ulttyq qurama komandasy álem chempıonatyna joldama aldy. Almatyda Qazaqstan quramasy irikteý týrnıriniń sońǵy matchynda Polsha komandasymen kezdesip, qarsylastaryn 7:0 esebimen utty. Osy jeńis otandastarymyzǵa álem chempıonatyna joldama alyp berdi. Polshamen kezdesýde alǵashqy goldy matchtyń ekinshi mınýtynda Qazaqstan quramasynyń qaqpashysy Igıta soqty. Onyń alystan tepken doby qarsylastar qaqpasynan bir-aq shyqty. Odan keıin qurama kapıtany Serik Jamanqulov pen Dýglas ekeýi dýbl jasady. Ekinshi taımda Leo men Arnold Knaýd bir-bir goldyń avtory atandy. Ulttyq quramada gol soqqan fýtbol­shylar – Qazaqstannyń aza­mat­tyǵyn alǵan Brazılııanyń burynǵy oıynshylary. Endi elimizdiń bas komandasy álem chempıonatyna deıin tamyz aıynda Taılandta jattyǵyp, osy eldiń quramasymen kezdesedi. Odan keıin Brazılııaǵa baryp, О́zbekstan quramasymen jol­dastyq match ótkizedi. Sóıtip, Qazaqstan quramasy osymen ekinshi ret arada 16 jyl ótken soń álemdik dodaǵa joldama aldy. Dúbirli dop básekesi 10 qyrkúıek pen 10 qazan aralyǵynda Kolýmbııada ótedi. Oǵan 24 eldiń ulttyq quramasy qatysady. Alǵash ret Qazaqstan komandasy 2000 jyly Gvatemalada ótken álem kýbogyna qatysqan bolatyn. Sol kezde jarysty erte aıaqtaǵan otandastarymyz toptyq kezeńde Brazılııadan 1:12, Portýgalııadan 2:6, Gvatemaladan 5:6 esebimen jeńilgen. Bıyl Qazaqstan quramasy Serbııada ótken Eýropa chempıonatyna alǵash ret qatysyp, qola medal jeńip aldy. Toqeterin aıtqanda, Qazaqstan fýtzal quramasy men «Qaırat» klýbynyń Eýropa tórindegi jeńisteri qazirgi qazaq fýtzal jarysynyń renescansy deýge bolady. Al fýtzaldan Almaty klýby sońǵy jyldary elimizdiń halyqaralyq arenadaǵy jetistikterin toltyryp, bedeline bedel qosyp keledi. О́tken jyldyń ózinde «Qaırat» elishilik jarystardyń barlyǵyn jeńip alsa, arada kóp ýaqyt ótpeı Eýropa tórinen tóbe kórsetip, ÝEFA kýbogynyń ıegeri atandy. Odan keıin álemniń klýbtyq chempıonatynda ekinshi orynnan kórinip, qazaq fýtzalynyń buryn-sońdy bolmaǵan jetistigine, bıi­gine jetti. Sóıtip, qazirgi qazaq teńbil dop óneriniń qarqyny eshbir elden kem emestigin kórsetti. Jaqynda fýtzaldan «Qaırat» klýby sport súıer qaýymǵa ta­ǵy bir qýanyshty habardy jet­kizdi. Almatynyń «Qaırat» fýt­zal klýby «Álemniń eń úz­dik klýby-2015» ataǵynan úmitker­ler tizimine qosyldy. Bul jańa­lyqty halyqaralyq fýtzal qaý­ym­dastyǵy óziniń resmı saıty arqyly AGLA Futsal Awards 2015 by futsalplanet.com tujyrymy boıynsha «Qaırattyń» álemniń eń úzdik klýby ataǵynan úmitker komandalar tizimine qosylǵany týraly habarlady. О́tken jyly Qazaqstan chempıony, Qazaqstan kýbogy men sý­perkýbogynyń ıegeri atanǵan «Qaıratty» álemniń úzdik klýby ataǵyna ábden laıyq dep bilemiz. Dastan KENJALIN, «Egemen Qazaqstan»