Jarystar jańǵyryǵy

TAEKVONDO. Fılıppınniń Manıla qalasynda ótip jatqan halyqaralyq týrnırde Aınur Esbergenova fınalǵa shyǵyp, birden Olımpııa oıyndaryna joldama aldy. Endi ol fınalda Taıpeı taekvondoshysymen kúsh synasady. Aınur  Esbergenova Qyzylorda oblysynda №1 olımpıadalyq rezerv mektebinde oqıdy. Jattyqtyrýshysy – Nıkolaı Kýrnoskın. Ol – Syr boıynan Olımpıadaǵa joldama alǵan besinshi sportshy. ÚSTEL TENNISI. Qazaq­stannan Olımpıadaǵa lısenzııa alǵan sportshylardyń tizi­min taǵy bir otandasymyz to­lyqtyrdy. Sport sheberi Kırıll Gerasımenko Qytaıdyń Sıangan qalasynda ótken týrnırde Olım­pııa oıyndaryna joldamany je­ńip aldy. DZIýDO. Tashkent qalasynda Azııa chempıonaty aıaqtaldy. Bul synda Qazaqstannyń erler jáne áıelder qurama komandasy 3 altyn, 2 kúmis jáne  4 qola medaldi jeńip aldy. Erler arasynda 60 kıloǵa deıingi salmaq dárejesinde Eldos Smetov, áıelder arasynda Otgonsegseg Galbadrah (48) pen Marıan Ordabaeva (63 kg) Azııa chempıony atandy. Dıdar Hamza (73 kg) men Gúljan Isanova (78kg)  kúmis medaldi ıelense, Eldos Jumahanov (66 kg), Maksım Rakov (100 kg), Ázız Qalqamanuly (81 kg), Erjan Shynkeev (100 kg) qola júldege ıe boldy. FÝTBOL. Qazaqstan premer-lıgasynyń 6 týrynyń oıyndary oınaldy. Týrda Shymkentte «Ordabasy» Almatynyń «Qaı­rat» klýbyn 2:0 esebimen utsa, Tal­dyqorǵanda «Jetisý» «Tarazdan» 2:1 esebimen basym tústi. «Astana» óz alańynda Qos­tanaıdyń «Tobyl» koman­dasyn 1:0 esebimen jeńse, «Atyraý» Oraldyń «Aqjaıyq» klý­bynan 2:0 esebimen aılasyn asyrdy. Al «Aqtóbe» men Pavlodardyń «Ertis» komandalary 1:1 esebimen teń tarqasty. Qaraǵandyda «Shahter» men «Oqjetpes» (Kókshetaý) oıyny kútpegen nátıjemen aıaqtaldy. Machta qonaqtar alań ıelerin 2:0 esebimen utty.   «Egemen-aqparat»