ASTANA. Qazaqstan Respýblıkasynyń Qarýly Kúshteri Otan qorǵaýshylar kúnine arnalǵan aksııany bastaıdy. Bul týraly egemen.kz tilshisi habarlady.
Aksııada názik jandarǵa er azamattardy 7 mamyr merekesimen quttyqtaý úshin áleýmettik jelidegi paraqshada merekelik akvagrım bar vıdeo, foto men selfı jasap, shaǵyn vıdeo túsirý kerek. Aksııa #kzarmy jáne #7mamyr heshtegimen áleýmettik jelilerde bastaý alady.
Ázirge aksııany sanaýly adamdar ǵana qoldap otyr. Sonyń ishinde ánshiler Roza Rymbaeva, Maıra Ilııasova, Aıgúl Imanbaeva, Tamara Asar, Serik Ibragımov, telejúrgizýshi Láılá Sultanqyzy bar.
Bıyl Otan qorǵaýshylar kúni Qazaqstannyń memlekettik táýelsizdiginiń 25 jyldyǵy jáne «Máńgilik el» tuǵyry – Qýatty Armııa!» biryńǵaı urany aıasynda ótedi.
Dastan Kenjalın.
Derek, foto: Qorǵanys mınıstrligi.
