PAVLODAR. 19 sáýir. О́ńirdegi ındýstrııalyq-ınnovasııalyq damý basqarmasy Kásipkerler palatasy jergilikti fılıalymen birlesip ótkizgen keńeste oblys aýmaǵyndaǵy júıe quraýshy kásiporyndardyń taýarlaryn, jumystar men qyzmetterdi satyp alýyndaǵy jergilikti úlesti arttyrý jónindegi jumystary tyńdaldy. Bul týraly egemen.kz tilshisi habarlady.
Keńeske «Qazaqstan alıýmınııi» aksıonerlik qoǵamy, «Qazaqstan elektrolız zaýyty», «Pavlodar mashına jasaý zaýyty», «Qazhrom» TUK» aksıonerlik qoǵamy fılıaly Aqsý ferroqorytpa zaýyty, «Eýroazıattyq energetıkalyq korporasııasy», «Ekibastuz GRES-1» seriktestigi, «Ekibastuz GRES-2 stansasy», «Bogatyr Kómir» seriktestigi sııaqty oblystyń iri júıe quraýshy kásiporyndary men 90-ǵa jýyq basqa mekemeler qatysty.
Indýstrııalyq- ınnovasııalyq damý basqarmasynyń basshysy Álisher Ábdiqadyrovtyń aıýtynsha, keńes qorytyndysynda oblystaǵy taýar óndirýshilerimen shamamen 130,0 mlrd. teńge kóleminde kelisim hattamalaryna qol qoıyldy. Aldaǵy kúnderi óńirdegi KAZ Minerals Bozshakol, KSP Steel, «Qazenergokábil», «Maıkýben-Vest» seriktestikteri sııaqty oblystaǵy iri kásiporyndardyń qatysýymen jergilikti úlesti arttyrý jóninde keńes ótkizý josparlanýda.
Farıda Byqaı.
Derek, foto: egemen.kz.
