Memleket qaıratkeri Saǵıdolla Qubashev qaıtys boldy

ASTANA. 19 sáýir. Almaty qalasynda belgili memleket jáne qoǵam qaıratkeri 90 jasqa qaraǵan shaǵynda qaıtys boldy. Bul týraly inform.kz-ke silteme jasaǵan egemen.kz tilshisi habarlady. Marqumdy aqtyq saparǵa shyǵaryp salý rásimi erteń Fýrmanov kóshesi, 220-úıde ótedi. Saǵıdolla Qubashev 1927 jylǵy 10 aqpanda Atyraý oblysynyń Inder aýdanynda týǵan. 1949 jyly zootehnıkalyq-veterınarlyq ınstıtýtty aıaqtady. 1953-1960 jyldary Inder aýdanynyń «Peredovık» eldi mekeninde kolhoz predsedateli bolǵan. 1960-1963 jyldar arlyǵynda Gýrev oblystyq depýtattar keńesi atqarý komıtetine tóraǵalyq etti. Al 1975-1979 jyldary Qazaq Mınıstrler Keńesin, Aqtóbe, Qyzylorda oblystyq atqarý komıtetterin basqarǵan. Qazaqstan Kompartııasynyń XI, XII, XIII, XIV, XV, XVI sezderiniń múshesi bolǵan. 1987-1988 jyldary Kompartııanyń Ortalyq Komıteti bıýrosynyń múshesi boldy. El damýyna aıtýly úlesin qosqany úshin birqatar memlekettik marapatqa ıe bolǵan. Aıan Ábdýálı. Derek, foto: inform.kz.