Shildege deıin jalǵasatyn jattyǵý

Qorǵanys mınıstri Imanǵalı Tasmaǵambetov Saryshaǵan polıgonynda ótip jatqan «Járdem-2016» arnaıy oqý-jattyǵýyna qatysty. Qorǵanys vedomstvosynyń basshysy áskerı qyzmetshilerdiń is-qımyldaryn baqylap, jeke quramnyń kásibı daıarlyǵyn baǵalady. Atalǵan oqý-jattyǵý ózge oqý-jattyǵýlardan mańyzy jaǵy­nan túbegeıli erekshelenedi já­ne aıryqsha baǵytqa ıe. Onyń sheńberinde áskerı qyzmetshiler tótenshe jaǵdaılar kezindegi apat saldaryn joıý jumystaryn júrgizedi. Sebebi, Saryshaǵan polıgonynyń aýdany men osy polıgonnyń ákimshilik orta­lyǵy – Prıozersk jabyq qala­synda uzaq ýaqyt boıy paıda­lanylmaǵan ǵımarattar men qurylystar ornalasqan. Olar qıraǵan, jóndeýge jáne ári qaraı paı­dalanýǵa kelmeıdi. Oqý-jat­tyǵýdyń ázirlemesine sáıkes belgilengen aýmaqta or­nalasqan birqatar ǵımarattar men qurylys­tar mınalap tastaldy. Odan keıin erejelerge sáıkes mamandar qurylystardy jardy. Al áskerı bólimsheler ǵımarattardy bólshekteýdi, sondaı-aq, aýmaqty tazartyp, paıdalanýǵa berý múm­kindigin júrgizedi. Osylaısha, praktıkalyq saba­q­­tar bólimshelerdiń jeke qura­­mynyń, onyń ishinde áskerı ın­je­nerlerdiń daǵdysy men ma­shy­­ǵyn jetildirýge múmkindik berdi. Jalpy alǵanda, «Járdem-2016» oqý-jattyǵýyna qatysýǵa 100-den asa áskerı qyzmetshi, sondaı-aq, 10-nan astam áskerı qoparýshy maman tartyldy. Oqý-jattyǵýǵa shamamen 100 birlik arnaıy tehnıka, ıaǵnı býldozerler, tıegishter jáne ekskavatorlar tartyldy. Derekterge súıensek, oqý-jat­tyǵý ústimizdegi jyldyń shil­desine deıin jalǵasady. Jalpy, eki jarym aı ishinde áskerı qyzmetshiler 60-tan asa ǵımarat pen qurylysty jarýdy josparlaýda. «Egemen-aqparat»