Qazaqstan Respýblıkasy Aýyl sharýashylyǵy mınıstrliginiń buıryǵy  №18-03/146 

2015 jylǵy 27 aqpan, Astana qalasy Janýarlar dúnıesin memlekettik qorǵaý týraly erejeni bekitý týraly «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-babynyń 1 tarmaǵynyń 48) tarmaqshasyna sáıkes buıyramyn: 1. Qosa berilip otyrǵan Janýarlar dúnıesin memlekettik qorǵaý týraly ereje bekitilsin. 2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin. 3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstrdiń mindetiń atqarýshy S.OMAROV Qazaqstan Respýblıkasy Aýyl sharýashylyǵy mınıstrdiń mindetin atkarýshy 2015 jylǵy 27 aqpandaǵy № 18-03/146 buıryǵymen bekitilgen Janýarlar dúnıesin memlekettik qorǵaý týraly ereje 1. Jalpy erejeler 1. Osy janýarlar dúnıesin memlekettik qorǵaý erejesi (budan ári – Ereje) «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-babynyń 1 tarmaǵynyń 48) tarmaqshasyna sáıkes ázirlendi. Qazaqstan Respýblıkasynyń janýarlar dúnıesin memlekettik qorǵaý (budan ári - janýarlar dúnıesin memlekettik qorǵaý) janýarlar dúnıesin qorǵaý, ósimin molaıtý jáne paıdalaný salasynda basqarý jáne baqylaý fýnksııalaryn júzege asyratyn memlekettik organnyń (budan ári - ýákiletti organ). 2. Janýarlar dúnıesin memlekettik qorǵaýdyń mindetteri men fýnksııalary 2. Janýarlar dúnıesin memlekettik qorǵaýdyń negizgi mindetteri: 1) janýarlar dúnıesin qorǵaý, ósimin molaıtý jáne paıdalaný salasyndaǵy quqyq buzýshylyqtardy boldyrmaý jáne jolyn kesý; 2) janýarlar dúnıesin qorǵaý, ósimin molaıtý jáne paıdalaný salasyndaǵy Qazaqstan Respýblıkasynyń zańnamasyn buzý faktileri jónindegi aqparatty, talap-aryzdardy jáne ózge de materıaldardy ýákiletti, quqyq qorǵaý jáne sot organdaryna jiberý bolyp tabylady. 3. Janýarlar dúnıesin memlekettik qorǵaýdyń uıymdyq qurylymy 3. Janýarlar dúnıesin memlekettik qorǵaý janýarlar dúnıesin qorǵaý, ósimin molaıtý jáne paıdalaný máselelerimen aınalysatyn janýarlar dúnıesin qorǵaý jónindegi mamandandyrylǵan uıymdardyń qyzmetkerlerinen turady. 4. Janýarlar dúnıesin memlekettik qorǵaýdyń laýazymdy tulǵalary: dırektor, janýarlar dúnıesin qorǵaý jónindegi ınspektorlar bolyp tabylady. Janýarlar dúnıesin memlekettik qorǵaýǵa ózine júktelgen mindetterdi oryndaý úshin: 1) jeke jáne zańdy tulǵalardyń ań jáne (nemese) balyq aýlaý quqyǵyn beretin qujattaryn tekserý; 2) Qazaqstan Respýblıkasynyń ákimshilik quqyq buzýshylyq týraly kodeksine sáıkes janýarlar dúnıesin qorǵaý, ósimin molaıtý jáne paıdalaný salasyndaǵy ákimshilik quqyq buzýshylyq týraly hattamalar toltyrý; 3) janýarlar dúnıesin qorǵaý, ósimin molaıtý jáne paıdalaný salasynda quqyq buzýshylyqtar jasaǵan adamdardy ustap, quqyq qorǵaý organdaryna jetkizý; 4) Qazaqstan Respýblıkasynyń zańdaryna sáıkes kólik quraldaryn, ózge de obektiler men oryndardy, al qajet bolǵan kezde - ustalǵan adamdardyń jeke zattaryn jete tekserý; 5) jeke jáne zańdy tulǵalardan Qazaqstan Respýblıkasynyń janýarlar dúnıesin qorǵaý, ósimin molaıtý jáne paıdalaný salasyndaǵy zańdaryn buza otyryp paıdalanylǵan atys qarýyn, zańsyz ań aýlaý men balyq aýlaýdan alynǵan ónimdi, aýlaý quraldarynyń tyıym salynǵan túrlerin alyp qoıý jáne Qazaqstan Respýblıkasynyń zańdarynda belgilengen tártippen olardyń budan ári tıesili bolýy týraly máseleni sheshý; 6) Qazaqstan Respýblıkasynyń zańdarynda belgilengen tártippen aıyrym belgileri bar nysandy kıim (pogonsyz) kııý jáne qyzmettik qarý alyp júrý quqyǵy beriledi. 5. Janýarlar dúnıesin memlekettik qorǵaýdyń laýazymdy adamdaryna Qazaqstan Respýblıkasynyń zańdarynda belgilengen tártippen arnaýly quraldar men qyzmettik qarýdy saqtaýǵa, alyp júrýge jáne qoldanýǵa ruqsat beriledi. 6. Janýarlar dúnıesin memlekettik qorǵaýdyń laýazymdy adamdary Qazaqstan Respýblıkasynyń zańdarynda belgilengen tártippen aıyrym belgileri bar nysandy kıimmen (pogonsyz) jáne qyzmettik qarýmen qamtamasyz etiledi. Buıryq Qazaqstan Respýblıkasynyń Ádilet mınıstrliginde 2015 jylǵy 10 sáýirdegi Normatıvtik quqyqtyq kesimderdi memlekettik tirkeýdiń tizilimine №10700 bolyp engizildi.