QOSTANAI. 28 sáýir. Ishki ister mınıstrligi Sh.Qabylbaev atyndaǵy Qostanaı akademııasynda «Islam jáne zaıyrly qoǵam» atty dinı semınar ótti. Oǵan Qazaqstan musylmandar dinı basqarmasynyń ýaǵyz-nasıhat bóliminiń basshysy, ǵulamalar keńesiniń hatshysy, PhD doktory Ershat Ońǵarov, Qostanaı oblystyq, qalalyq meshitteriniń bas ımamdary jáne oblys aýdandarynan kelgen ókil ımamdar qatysty. Dinı tárbıe salasyndaǵy kóptegen máseleler kóterildi. Bul týraly egemen.kz tilshisi habarlady.
Bas qosýda aldymen akademııanyń bastyǵy, polısııa polkovnıgi Mırlan Qyzylov qonaqtardy oqý ornynyń búgingi tynys-tirshiliginen, bolashaq polıseıler – kýrsanttarǵa berilip jatqan oqý-tárbıe jumystarynan habardar etti.
Ershat Ońǵarov semınarǵa qatysýshy kýrsanttarǵa elimizde dinı ahýaldyń birshama turaqtanǵanyn, degenmen áli de quqyq qorǵaý organdarymen birlesip, kóptegen jumystar atqarylý kerektigin tilge tıek etti. Ol: «Eldiń birligi men tatýlyǵyn saqtap qalý úshin adamdarǵa aldymen kúshti ıman kerek. Búgingi tańda kóptegen qandastarymyz teris aǵymdy, jalǵan ıslamdyq qozǵalystarǵa kirip ketýde. Bizge solardyń aldyn alyp, baýyrlarymyzdyń adaspaýyna jol bermeı, ıslam dini týraly durys aqparat taratýymyz qajet» – dedi.
Kýrsanttar men áriptester zor qyzyǵýshylyqpen qonaqqa kókeılerinde júrgen suraqtaryn, usynystaryn qoıdy. Eki saǵatqa sozylǵan semınarda quqyq qorǵaý organdarynyń bolashaq qyzmetkerleri – jas kýrsanttarǵa ıslam dini týraly nasıhattyq mol aqparat jetkizildi.
Názıra Járimbetova.
Derek, foto: egemen.kz.
