Qor men qoıma

Mańǵystaý oblysy turǵyndary qajetine tutyný úshin sýly jerdi súıe­tin ónimderdi, kókónis túrlerin satyp alýǵa májbúr. Shóldi jerde kók­ónis túrlerin baptap egip, balbyratyp jınap, súısine jeý qyzyǵy buıyr­maǵan, sondyqtan bul taǵam túrle­rin alys-jaqynnan tasymaldap, quny­nyń arzan-qymbatyna qaramaı satyp alýǵa týra keldi. Mundaı jaǵdaıda mań­ǵys­taý­lyqtardyń ýáji ónimniń baǵa­syna emes, «taptyryp tursa boldy ǵoı» de­genge de saıyp jatatyn tustar az emes. Mańǵystaý oblysynda kúndelikti tutynatyn taýar túrlerin, ásirese, kókónis pen jemis-jıdekti syrttan tasy­maldap, arnaıy muzdatqyshtary bar qoı­malardy sapaly saqtaı alatyn oryn ashyldy. Bul «Aqtaý teńiz porty» arnaıy ekonomıkalyq aımaǵy aýmaǵyndaǵy 3 sýbzonadan ashylǵan «Azersýn óndiristik jáne logıstıkalyq ortalyǵy» JShS qoımasy. Ázerbaı­jan­dyq «AnadolýInvestment Kom­panı» kompanııasynyń bastamasymen jáne negizin qalaýymen arnaıy ekonomıkalyq aımaqtan 4,2 gektar jerde júzege asyrylǵan joba jumystary – ortalyq qurylysy qazir aıaqtalyp, qabyldaý jumystary júrip jatyr. Tolyqqandy qýatyna engen soń 40 adamdy jumyspen qamtıtyn jobaǵa 1 463 000 000 teńge ınvestısııa josparlanyp, bul qarjy kólemi tolyqtaı «AnadolýInvestment Kompanı» kompanııasynyń jarǵylyq kapıtalynan qaralǵan. Jobaǵa sáıkes, qoımada ártúrli kategorııadaǵy ónimderdi saqtaý jos­parlanǵan. Onda kádýilgi qoıma men muzdatqysh qoıma qarastyrylǵan. Árbir qoımada 4 qabatty taýarlardy saqtaý oryndary bar. Sondaı-aq, barlyq oryndarda shtrıh-kod­tar arqyly jekelegen jáne orta­lyqtandyrylǵan baqylaý júıesi ornatylǵan. Qoımalar ortalyq basqarý júıesi arqyly avtomatty túrde tolyqtaı klımattyq baqylaýda bolady. Innovasııalyq jabdyqtaý, sonyń ishinde muzdatý jabdyqtary, klımat júıeleri, tereń muzdyqtar Germanııa jáne Gollandııa elderi tehnologııalary boıynsha jabdyqtalǵan. Jobanyń bastamashysy bolǵan «Azersýn Holdıng» kompanııasy – qura­myna 20-dan astam agrarlyq-óner­kásiptik kásiporyndar kiretin Ázer­baı­jan Respýblıkasyndaǵy mańdaıal­dy kompanııalardyń biri. Ázer­baıjan syndy elderden taýar túrlerin tasy­maldaýshylar ol taýarlardy eki jyl boıy sapaly kúıinde saqtaı alatyn­dyqtaryna sendirip otyr. Sonymen qatar, Ázerbaıjan Respýblıkasynyń Gýbınskıı, Gýsar, Gıadjın, Shemkır sekildi baý-baqshaly aýdandarynan kásipkerler jobaǵa tasymaldaýshy retinde qatysýǵa yntalyly. Atalmysh joba – Mańǵystaý oblysynda «100 naqty qadam» Ult Josparyn júzege asyrý barysynda atqarylyp jatqan jobalardyń biri retinde belgili. Gúlaıym ShYNTEMIRQYZY, «Egemen Qazaqstan» Mańǵystaý oblysy