Pavlodarda jasalǵan kran

reseılik kásiporynda iske qosyldy Bul jańalyq Eýrazııalyq Top quramyna kiretin «ERG Service» AQ fılıaly – Pavlodar mashına jasaý zaýyty «PMZ» úshin jaqsy óndiristik jetistik ekeni sózsiz. Júk kóterý qýat­ty­ly­ǵy 22 tonnalyq jan-jaqqa burylatyn tirkemesi bar zaýyt­ta qurastyrylǵan krandy  (BTEKK) «VIZ-Stal» (Ekate­rınbýrg q.) kásipornyna ótken jyldyń qyrkúıek aıynda jetkizipti. Zaýyt negizinen metall quryl­­ǵylary men ártúrli tehno­lo­gııa­lyq baǵyttaǵy júk kóterý jabdyq­taryn, kran tehnıkalaryn jasap shyǵarady. Kásiporyn qyz­metiniń jalpy baǵyty kópirli jáne taǵandy krandar, greıferler, metall qurylymdar óndirisine arnalǵan. Júk kótergishtigi 140 tonnalyq, 50 tonnaǵa deıingi krandardy jasaıdy. Buǵan deıin lokomotıv, sondaı-aq, elektrovoz zaýyttaryna arnalǵan da krandar daıyndap shyǵardy. «PMZ» AQ elimizde alǵashqy ret jolaý­shylar vagondaryna arnalǵan «Tulpar-Talgo» JShS úshin júk kótergishtigi 20 jáne 40 tonnalyq eki transborderdi daıyndady. Iаǵnı, relsti bir joldan qatarlas ekinshi jolǵa shyǵaratyn arnaıy qural. Olardy jasaý úshin zaýyttyń konstrýktorlyq-tehno­logııalyq bólim mamandary Ispa­nııaǵa bardy, «Tulpar-Talgo» JShS úshin ártúrli baǵyttaǵy 13 júk kótergish krandardy jasap shy­ǵardy. Al «ERG Service» AQ fılıaly – Pavlodar mashına jasaý zaýyty ónimderiniń negizgi tutyný­shylary – qaıta óńdeýshi, taý-ken óndeýshi, munaı-gaz, metallýrgııa jáne ónerkásiptiń basqa da salalary. Bul kúnderi kompanııada 400-deı adam eńbek etýde. Kásiporyn júk kótergish kran­­dardyń jobasyn tapsyrys berý­shiniń suranysy boıynsha jasaıdy. Reseıge jetkizilgen jańa kran «VIZ-Stal» qoǵamdastyǵyna arnaıy qurastyrylyp, jetkizilgen tórtinshi kran kórinedi. Al jalpy, jergilikti ónertap­qyshtar qurastyryp, zaýytta jasa­lyp shyqqan pavlodarlyq kran­nyń ereksheligi – jan-jaqqa bury­latyn qurylǵysynyń ózdigi­nen qosalqy redýktordyń kóme­gimen basqarylyp jumys jasaı­tyndyǵynda. Reseı kásipornynda iske qosylyp, Qazaqstanda jasal­ǵan kran synaqtan sátti ótti. – Sondyqtan, biz jasap shyqqan bul alyp qondyrǵy kóp jyl ju­mys jasaı alady. Kez kelgen kezde jóndeýge de yńǵaıly. Eńbek qaýipsizdigi saqtalady, – deıdi zaýyttyń bas konstrýktory Leonıd Shmýlenson. Osyndaı ózindik erekshelikteri bar Reseı kásipornynan jetkizilgen krandar «Qaýipti óndiristik nysan­dardaǵy qaýipsizdik talaptary» (Rostehnadzordyń 12.11.2013 j. №553 buıryǵy) jáne «Elektr qon­dyr­ǵylaryn ornatý erejeleri» men Keden odaǵynyń tehnıkalyq mól­sherlemelik talaptaryna saı keledi. – Ekinshiden, baǵa men sapa turǵysynan alǵanda da syrtqy na­ryqta básekege qabiletti. О́ıtkeni, zaýyttyń tehnıkalyq parki júıeli túrde jańalanyp, zamanaýı úlgidegi qural-jabdyq, qondyrǵylarmen tolyǵyp turady. Jyl saıyn ju­mysshylardyń, mamandardyń bilimin jetildirý men attestattaý júrgiziledi, – dedi zaýyt dırektory Leonıd Belogrıvyı. Úshinshiden, kásiporyn dırek­tory aıtqandaı, zaýyt elimiz­degi kóptegen otandyq kásip­oryn­­darǵa júk kóterý krandaryn ja­saıdy. Jergilikti úlesti art­ty­rý­ǵa múm­kindik berýde. Kran­dar «Qazsınk» JShS, «Arselor­Mıttal» AQ, «Qa­zaqmys» Korpo­ra­sııa­sy» JShS, «Qa­zaqstan» temir joly» UK» AQ, «Kastıng» JShS syn­dy kom­pa­nııa­lar men ERG toby­nyń kásip­oryndarynda paıdalanady. Mysaly, «Qazhrom TUK» AQ-pen 1,6 mlrd. teńge somasyna júk kóterý krandaryn jetkizýge keli­sim­shart jasaldy. Aqtóbe jáne Aq­sý ferroqorytpa zaýyttary úshin kran jasaý josparlanyp otyr. Sondaı-aq, byltyrǵy jyly «PMZ» AQ Eýrazııalyq Top qura­myna kiretin «ERG Service» AQ fılıaly bolyp, jabdyqtardy jóndeý boıynsha tapsyrystar qabyldaı bastady. «ERG Service» AQ pen ERG-diń jóndeý jumystary jónindegi dırektoraty barlyq jóndeý jumystarynyń josparlaryn ázirlep, kompanııaǵa qarasty kásiporyndar kúshimen jasalatyn jóndeý jumystarynyń túrlerin belgiledi. Jáne tek ózine ǵana emes, Eýrazııalyq Top quramyna kiretin basqa da kásiporyndar úshin de. Osylaısha, jóndeý jumystary boıynsha ERG kásiporyndarynan 1,2 mlrd. teńge kóleminde tapsyrys qabyldandy. Qazirgideı ekonomıkalyq qıyn kezeńde munyń mańyzy erekshe ekeni anyq. Nátıjesinde zaýytta jóndelgen anod ustaýyshtar «Qazaqstan elektrolız zaýyty» AQ-ta tabysty qoldanylyp keledi. 2015 jyly «PMZ»-da 1,2 mlrd.-tan astam teńge kóleminde ónim óndirse, 2016 jyly bul kólemdi tórt esege, ıaǵnı 4,6 mlrd. teńgege jetkizbek. Farıda BYQAI, «Egemen Qazaqstan» Pavlodar oblysy