«Elimniń qorǵany bolýdy kózdedim»

– deıdi serjant Muhtar О́RBISINOV Muhtar О́rbisinovtiń Qarýly Kúshter qatarynda qyzmet etkenine 4 jylǵa taıady. Bul salaǵa óz erkimen kelisimshart negizinde qyzmet etýge kelipti. Sheni – serjant. Bólimshege jetekshilik etedi. Onyń esimi ózi qyzmet etetin áskerı bólimde ǵana bolmasa, jalpaq jurtqa jarııa emes edi. Degenmen, bıylǵy jyl basyndaǵy bir oqıǵadan keıin ony tanıtyndar kóbeıe tústi. Sol oqıǵa bylaı órbip edi. M.О́rbisinov áskerı qyzmetinen oralǵan keshqurym mezgilde saýda ornyna kiredi. Sýpermarketke biri kirip, endi biri shyǵyp jatqan jurttyń eshteńege nazar aýdarar shamasy da joq. Esikten ishke bettegen serjanttyń kózi edende jatqan qyzyn qutqarýǵa umtylǵan er adamǵa túsedi. Onyń áreketinen jantalasýdy baıqaǵan ol tanymasa da kómektesýge bel býady. Áli de oń-solyn tanyp úlgermegen bóbektiń dene qyzýy 40,5 gradýsqa kóterilipti. Bálkim, sýyq tıgen bolýy kerek. Dene qyzýynyń osyn­shalyqty kóterilýi bóbektiń áp-sátte esinen tana qulaýyna sebepshi bolǵan. Barlyq mán-jaıǵa qanyqqan M.О́rbisinov birden «jedel jár­demge» telefon shalyp, saýda ornyndaǵy ahýaldy baıandaıdy. Dárigerler brıgadasy kelgenshe, saýda orny janyndaǵy úıinen zaıybynyń shuǵyl jetýin ótinedi. О́ıtkeni, onyń mamandyǵy – feldsher, mundaı qıyn sátte bastapqy medısınalyq kómek kórsetýdiń jolyn biledi. Sóıtip, ekeýi dárigerler kelgenshe bóbekke alǵashqy me­dısınalyq kómek kórsetýge ki­risedi. Onyń qol, aıa­ǵyn ysqylap, dene qyzýynyń tómendeýine, osylaısha, 1,5 jasar Mádınanyń es jııýyna qolushyn sozady. Erli-zaıypty Muhtar men Sa­mal О́rbisinovterdiń qıyndyqqa tap bolǵan janǵa kómek bergen adam­gershilik qasıeti saýda ornynda bolǵandardyń bárin tańdandyrady. Ásirese, bóbektiń ákesi Erlan Dáý­letqalıev qas-qa­ǵym sátke sozyl­ǵan sol qıyn­dyqty áste umyta almaıdy. «Qy­zym esinen tanyp qulaǵanda ne isterimdi bilmeı, áb­den abdyradym da qaldy. Jan-jaǵymdaǵy adamdardan «jedel járdem» shaqyrýyn ótinip, kómek suradym. Olardyń ne oılaǵanyn bilmedim, ózim múlde tanymaıtyn jas jigittiń kómekke kelgenin kór­dim. Sol jigit «jedel járdemdi» de, óziniń áıelin de shaqyrdy. Sol sátte áıelin nege shaqyrǵanyn oılap úlgermedim. Sóıtsem, onyń Samal esimdi jarynyń feldsherlik ma­mandyǵy bar eken. Dárigerler kelgenge deıin Muhtar men Samal­dyń medısınalyq kómek berýdiń joldaryn bilgenine tánti boldym», – deıdi E.Dáýletqalıev. «Jedel járdem» dárigerleri de medısınalyq kómektiń durys jasalǵanyna oń baǵasyn beripti. Dárigerler pikirinshe, syrqattyń dene qyzýy 40,5 gradýsqa kóte­rilýiniń zardaby aýyr bolýy múm­kin. Sondaı sátte kórsetiletin al­ǵashqy medısınalyq kómektiń orasan zor paıdasy bar. Degenmen, №5546 áskerı bóliminiń serjanty M.О́r­bisinov óziniń bul áreketin qa­lypty jaǵdaı dep túsindiredi. «Meniń ornymda ózge adam bolsa da dál solaı áreket etken bolar edi. Qınalǵan janǵa qolushyn sozý árkimniń azamattyq paryzy ǵoı» dep jymııady. Bastapqyda О́rbisinovterdiń, keıinnen dárigerlerdiń kásibılik turǵysynan kórsetken kómeginiń nátıjesinde densaýlyǵy qal­pyna kelip, qyzynyń otbasyna aman oralǵanyna qýanǵan E.Dáý­letqalıev áskerı bólim bas­shy­lyǵyna bol­ǵan jaıdy baıandap, hat joldaýdy umytpapty. Ol óz hatynda áskerı qyzmetker M.О́r­bisinovtiń azamattyq, naǵyz áske­rılerge tán shuǵyl sheshim qa­byldaı alatyn jedeldigine rı­zashylyǵyn bil­diripti. Bul hatty №5546 áskerı bóliminiń komandıri Begaıdar Kúr­­tibaev jumys úste­liniń tartpasynda qaldyrmaı, jurtshylyqqa jarııa etti. Aldymen, áskerı bó­lim quramynyń aldynda oqyp, keli­simshart negizinde qyzmet at­qaratyn serjant M.О́rbisinovti úlgi etti. Sonan soń bul hatty Ult­tyq gvardııanyń «Batys» óńir­lik qol­bas­shylyǵyna joldap, Muhtar О́rbisinovti marapattaýǵa usynys jasady. Ulttyq gvardııanyń «Batys» óńirlik qolbasshylyǵynyń qol­bas­shysy, general-maıor Q.Aq­ta­novtyń buıryǵymen kelisim­shart qyzmetiniń serjanty M.О́rbisinov «Qoǵamdyq tártipti qorǵaǵany úshin» tósbelgisimen marapattaldy. Tósbelgini arnaıy ótkizilgen saltanatty sharada №5546 áskerı bólimi komandıriniń mindetin at­qarýshy E.Iýdın tapsyrdy. Sol sátte Muhtar úshin áskerı bólim tú­gelimen qýandy. Bári de ony maqtan tutyp turdy. – Bala kezimnen áskerı qyz­metker bolý armanym edi. Biraq, bastapqyda eńbek jolymdy Ota­nymyzdyń Qarýly Kúshteri qa­tarynda bastaýdyń sáti bolmady. Qaı salada jumys jasasam da báribir ańsarym áskerı qyzmetker bolýǵa aýdy da turdy. О́ıtkeni, men ózimniń táýelsiz Otanymnyń qorǵany bolǵym keldi. Budan 4 jyldaı buryn áskerı bólimge kelisimshartpen qyzmetke alynyp, áskerı kıim kıgen sátte erekshe qýandym. Bul – me­niń bala kúnnen oıymda júrgen armanymnyń iske asa bastaýy. Qa­zir áskerı qyzmetimdi abyroıly at­qarýǵa tyrysyp júrmin, – deıdi serjant Muhtar О́rbisinov. Iá, beıbit kúnde de Otandy qorǵaıtyn M.О́rbisinovteı óz isin súıgen, qınalǵan janǵa qolushyn sozýǵa daıar turatyn otanshyl azamattar barda el áskerıleriniń abyroıy da bıik, mártebesi joǵary bola túsedi. Kúndelikti kúıbeń tirliktiń ıleýinde júrgen qarapaıym ha­lyq­tyń da senimi arta beredi. Joldasbek ShО́PEǴUL, «Egemen Qazaqstan» ATYRAÝ Sýretti túsirgen Rahym QOILYBAEV