Eren erlerdiń eńbegi elendi

7 mamyr – Otan qorǵaýshy kúni

Otan qorǵaý – qasıetti borysh

Keshe Aqordada Elbasy Nursultan Nazarbaev mem­lekettik nagradalar tapsyrý rásimine qatysty.

Memleket basshysynyń Jarlyǵymen Otan qorǵaýshy kúni qarsańynda áskerı jáne qyzmettik mindetterin atqarý kezinde erlik pen batyldyq kórsetken, sondaı-aq, ulttyq qaýipsizdik pen eldiń qorǵanys qabiletin qamtamasyz etýge, zańdylyq pen qoǵamdyq tártipti nyǵaıtýǵa eleýli úles qosqan bir top áskerı qyzmetshi, quqyq qorǵaý organdary men ulttyq qaýipsizdik qyzmetkerleri Qazaqstan Respýblıkasynyń memlekettik nagradalarymen marapattaldy. Naqtylaı aıtqanda, barlyǵy 43 adam orden, 63 adam medal jáne 2 adam Qazaqstan Respýblıkasynyń Qurmet gramotasyn ıelendi. Nursultan Nazarbaev rá­simge jınalǵandardy Otan qor­ǵaýshy kúnimen jáne Uly Jeńis­tiń 71 jyldyǵymen quttyq­tady. «Uly Otan soǵysy – tarıhtyń umytylmas sabaǵy. Bir jaǵynan, ol bizge álemniń ná­ziktigin eske salady. Ekinshi ja­ǵynan, adam rýhynyń beriktigi men qýattylyǵyn kórsetedi. Ota­ny­myzdy qorǵaı bilgen, bizge beıbit ómir syılaǵan jer­lesterimiz osyndaı bolǵan. Sol soǵystyń qaharmandarynyń esi­mi tarıh paraǵyna máńgi jazy­lyp qaldy. Bizdiń paryzymyz – eldiń qaýipsizdigin saqtaý, bıyl 25 jyldyǵyn atap ótetin Qazaqstannyń Táýelsizdigin qorǵaý», – dedi Memleket basshysy. Qazaqstan Prezıdenti el azamattary shırek ǵasyr ýaqyt boıy turaqtylyq pen kelisimde tatý otbasy retinde ómir súrip jatqanyna nazar aýdardy. «Beıbit kúnde de erlikke oryn bar. Ushaqty aldyńǵy shassısiz qondyra bilgen áýe kemesiniń komandıri Dmıtrıı Rodınniń erligin búkil qazaqstandyqtar biledi. Ol óziniń kásibı biliginiń ar­qasynda 121 adamnyń ómirin saqtap qaldy. Men bul áreketti úlgi tutýǵa laıyq qaharmandyq dep sanaımyn. Sondyqtan oǵan «Halyq qaharmany» ataǵyn berý týraly sheshim qabyldadym. Polkovnık Igor Karmykov sel kezinde barlaý-izdeý tobyn tikushaqpen eva­kýa­sııalady. О́mirine qaýip tóngen 10 adamdy qutqaryp qaldy. Memleket onyń eńbegin II dáre­jeli «Aıbyn» ordenimen atap ótedi. Rota komandıri Farhad Taǵyr­bekovtiń arqasynda 40 áskerı qyz­metshi aman qaldy. Oǵan «Erligi úshin» medali beriledi», – dedi Nursultan Nazarbaev. Memleket basshysy erligimen erekshelengen basqa da adamdardy atap ótti. «О́z basyn qaterge tigip, adamdardy órtten qutqarǵan Da­nııar Qalıev eren erliktiń úlgi­sin kórsetti. Sondyqtan «Erligi úshin» medalimen marapattalady. Aramyzda el qaýipsizdigin ny­ǵaıtýǵa zor eńbek sińirip júr­gen ózge de azamattar bar. Halyq­aralyq deńgeıde tanylǵan mergen qyzymyz Ásem Jákenovany erekshe atap ótkim keledi. Ol búgin «Jaýyngerlik erligi úshin» medaline laıyq dep tanyldy», – dedi Qazaqstan Prezıdenti. Nursultan Nazarbaev óz basyn qaterge tigip, sarbazyn keýdesimen qorǵap qalǵan jáne kóp jaraqat alǵan Qaırat Úmbetovtiń erligine de toqtaldy. Ol osy erligi úshin «Halyq qaharmany» ataǵymen marapattaldy. Qazaqstan Prezıdenti erlik pen qaharmandyqtyń osyndaı úlgisi elimizde az emes ekenine rızashylyq bildirdi. «Kóbińizdiń óz erlikterińizdi aıryqsha nárse dep sanamaıtyndaryńyzdy bilemin. Sizder úshin paryzdyń bárinen bıik turatynyn kórsetýlerińiz eki ese baǵalaýǵa laıyq. Bul – búkil elimiz úshin, qazirgi kezde ar-namys úlgisi qajet bolyp otyrǵan jas­tarymyz úshin keremet ónege. Sondyqtan biz erekshe kózge túsken otandastarymyzǵa memlekettik nagradalar tapsyramyz. Eldiń qar­qyndy damýy, azamattarynyń ty­nyshtyǵy, qazaqstandyq patrıo­tızm­­niń nyǵaıýy – bizdiń pary­zy­myz osy», – dedi Memleket bas­shysy. Shara barysynda áskerı já­ne qyzmettik mindetin atqarý bary­syndaǵy kórsetken batyldyǵy men erligi úshin «Fokker-100» áýe keme­siniń komandıri D.Rodınge, Ult­t­yq ulan «Ortalyq» óńirlik qol­basshylyǵynyń shtab bastyǵy – 6505 áskerı bólimi komandıriniń birinshi orynbasary Q.Úmbetovke «Halyq qaharmany» ataǵy berildi. I dárejeli «Dańq» ordenine Ult­tyq qaýipsizdik komıteti tóraǵa­­­synyń orynbasary N.Bilis­bekov, Ishki ister mınıstriniń birin­­­shi orynbasary M.Demeýov, Ujym­­dyq qaýipsizdik sharty uıy­my Bas hatshysynyń orynba­sary A.Jan­­qu­lıev, Pavlodar ob­ly­sy­nyń pro­kýrory M.Jórgenbaev ıe boldy. II dárejeli «Dańq» ordeni Mem­lekettik qyzmet isteri mınıstr­ligi Sybaılas jemqor­lyqqa qar­sy is-qımyl ulttyq bıýrosy (Sybaılas jemqorlyqqa qarsy qyzmet) tóraǵasynyń orynba­sary T.Tatýbaevqa, Qorǵanys mı­nıs­tr­ligi 14776 áskerı bólimi Birik­ken Arab Ámirlikteri men Kýveıt jáne Katar memleketterindegi áskerı attashesi qyzmetin qosa atqarýshy E.Orazovqa tapsyryldy. I dárejeli «Aıbyn» ordenimen Ishki ister mınıstrliginiń departament bastyǵy A.Baımýrzın, Qor­ǵanys mınıstrligi 14776 áskerı bólimi komandıriniń orynbasary – ortalyq bastyǵy S.Iztileýov marapattaldy. II dárejeli «Aıbyn» ordeni Ulttyq qorǵanys ýnıversıteti bastyǵynyń birinshi orynbasary S.Asanovqa, Memlekettik kúzet qyz­metiniń departament bas­tyǵy N.Jumabaevqa, Qorǵanys mı­nıstrligi 10228 áskerı bóliminiń komandıri R.Janseıitovke, Qarýly Kúshteri Áýe qorǵanysy kúshteri bas qolbasshysynyń basqarmasy bas shtaby bastyǵynyń orynbasary Á.Ybyraevqa, Ulttyq qaýipsizdik komıteti «Arystan» qyzmeti bastyǵynyń birinshi orynbasary F.Qamenovke, Ult­tyq qaýipsizdik komıteti Sheka­ra qyzmeti jeke 1-shi avıasııa­lyq bazasynyń komandıri I.Kar­my­kovqa, Ulttyq ulan «Ońtústik» óńirlik qolbasshylyǵy 5572 áskerı bóliminiń komandıri V.Pý­zık­ke, Memlekettik kúzet qyz­meti­niń departament bastyǵy K.Tur­syn­baevqa berildi. «Erligi úshin» medali Ishki ister mınıstrligi Qostanaı oblysy Tótenshe jaǵdaılar depar­tamenti Qostanaı qalasy №3 órt sóndirý bóliminiń bólimshe koman­dıri D.Qalıevke, Ishki ister mı­nıstrligi Astana qalasy Ishki ister departamenti Jol-patrýl­dik polısııasy polkiniń polıseıi B.Qarymbaevqa, rota komandıri – Qorǵanys mınıstrligi 29011 áskerı bólimi shtab batalony komandıriniń orynbasary F.Ta­ǵyr­bekovke tapsyryldy. «Jaýyngerlik erligi úshin» medalimen Qorǵanys mınıstrligi 44736 áskerı bólimi arnaıy maq­­sat­taǵy barlaý rotasynyń mamany (barlaýshy-mergen) Á.Já­kenova, Qorǵanys mınıstr­ligi 21751 áskerı bólimi avıasııa­lyq eskadrılıasynyń koman­dıri A.Qul­basov, Qorǵanys mınıstr­ligi 85395 áskerı bólimi tank batalo­ny­nyń komandıri D.Muhamet­ja­nov, Qorǵanys mınıstrligi 36803 áskerı bólimi zymyran-tehnı­kalyq dıvızıonynyń koman­dıri M.Smaǵulov nagradtaldy. Osylaısha, memleket tarapy­nan eren erlerdiń eńbegi ádil baǵa­lanyp, laıyqty qurmet kórsetildi. Sondaı-aq, osy kúni Elbasy jo­ǵary áskerı jáne arnaýly ataq­tar, synyptyq shender tapsyrý rásimine de qatysty. Memleket basshysy óz sózin­de qatysýshylardy Otan qor­ǵaýshy kúnimen jáne Uly Otan soǵysyndaǵy Jeńistiń 71 jyl­dyǵymen quttyqtady. «Mereke qarsańynda biz dástúr boıynsha óz ómirin áskerı qyzmetke arnaǵan eń úzdikterge joǵary ataqtar tapsyramyz. Sizder kún-tún demeı, táýlik boıy qyzmet etetin erekshe mamandyqty tańdadyńyzdar. Sizder Otanymyzdyń qaýipsizdigin nyǵaıtýǵa zor úles qosyp kelesizder», – dedi Qazaqstan Prezıdenti. Nursultan Nazarbaev búginde respýblıkamyzda tıimdi armııa qalyptasqanyna, qarý-jaraqpen jabdyqtaý baǵdarlamasy tabys­ty júzege asyrylyp, áskerı qyzmetshilerdiń áleýmettik jaǵ­daıyna qamqorlyq kórsetilip jatqanyna nazar aýdardy. «Eldiń qaýipsizdigi men qorǵanys qabi­letine jaýapty barlyq qury­lymnyń kásibı deńgeıi kúnnen-kúnge ósip keledi. Bul rette generaldar men ofıserlerge aıryqsha mańyz beriledi. Jaýyngerlik mashyq pen sheberlikti arttyrý, áskerlerdiń ómiri men quqyq qorǵaý organdarynyń jumysynda sapaly ózgeris jasaý sizderdiń kóshbasshylyqtaryńyzǵa baılanys­ty. Sizder búkil jeke quramǵa jáne jas áskerı qyzmetshilerge úlgi bola otyryp, jaýyngerlik abyroı men batyldyq dástúriniń saqtaýshysy bolýǵa tıissizder. Halyq sizderdiń qyzmetterińiz ben is-áreketterińizge qarap, búkil Qarýly Kúshterge baǵa beredi. Sizderge eń qymbat nárse – aza­mat­tardyń beıbit ómirin saqtaý jáne Táýelsizdik tabystaryn qorǵaý senip tapsyrylǵan», – dedi Mem­leket basshysy. Qazaqstan Prezıdenti eldiń qaýipsiz ári beıbit damýy ǵana onyń ári qaraı órkendeýiniń kepili bolatynyn aıtty. «Armııa – óz ornyn eshqashan tastap ketpeıtin máńgilik qaraýyl» degen sóz bar. Men sizderge joǵary ataq bere oty­ryp, budan ári de áskerı bo­ryshtaryńyzdy laıyqty atqa­ratyn­daryńyzǵa, Otanymyzǵa min­siz qyz­met etetinderińizge senemin. El­diń qaýipsizdigin qamtama­syz etý, quqyqtyq tártibi men kons­tıtýsııalyq qurylymyn qorǵaý úshin bar kúsh-jigerlerińizdi, bilim­derińiz ben tájirıbelerińizdi jumsaıtyndaryńyzǵa senimdimin», – dedi Nursultan Nazarbaev. Rásim barysynda avıasııa general-leıtenanty áskerı ataǵy N.Ormanbetovke; vıse-admıral áskerı ataǵy J.Janzaqovqa; Mem­lekettik kúzet qyzmetiniń general-leıtenanty arnaýly ataǵy A.Kú­reńbekovke; 2-synypty mem­lekettik ádilet keńesshisi synyp­tyq sheni J.Asanovqa; gene­ral-maıor áskerı ataǵy L.Ál­shekenovke, D.Dilmanovqa, N.Qa­shaǵanovqa, S.Nurahmetovke, J.Omarqulovqa, M.Satovqa, avıasııa general-maıory áskerı ataǵy A.Aıymbetovke, N.Kárbenovke; ulttyq qaýipsizdik general-maıory arnaýly ataǵy A.Dúısebaevqa; syrtqy barlaý general-maıory arnaýly ataǵy K.Ádenovke, Mem­lekettik kúzet qyz­metiniń gene­ral-maıory arnaý­ly ataǵy A.Áshim­bekulyna; polı­sııa general-maıory arnaýly ataǵy I.Lepe­haǵa; 3-synypty memle­ket­tik ádi­let keńesshisi synyp­tyq sheni M.Qaıyb­janovqa, S.Nur­peıi­sovke, U.Patsaevqa berildi. Joldybaı BAZAR, «Egemen Qazaqstan» Sýretterdi túsirgender S.BONDARENKO, B.OTARBAEV