Erlik eseppen jasalmaıdy

Jeltoqsan aıy edi... Áli esimde. Dálirek aıtsam, 2013 jyldyń 4 jeltoqsany bolatyn. Josparly áskerı tapsyrma boıynsha Alma­tydan Semeı qalasyna qaraı poıyzǵa minip jolǵa shyqtyq.  Áskerı quramda qaraýyl bastyǵy, qaraýyl bastyǵynyń eki orynbasary, tórt sarbaz, bir aspaz jáne tekserýshi bir ofıser bar... Jolaýshylar poıyzyna arnaıy tirkelgen bizdiń vagonnyń ishinde 82 sottalǵan tutqyn boldy. Jańǵyztóbe stansasynan ótkende ádettegideı, sottalýshylardyń biri dárethanaǵa surandy. Meniń qaraýymdaǵy eki saqshynyń biri kameranyń esigin baqylaıdy. Sebebi, sottalǵandar kez kelgen bir sáttik múmkindikti paıdalanyp bir-birine kúmándi zattar usynýy ábden múmkin. Al ekinshi saqshy menimen birge júredi ári maǵan tutqyndarǵa tamaq beretin kezde, olardy ájethanaǵa shyǵarýda qol­ǵabys etedi. Ol Múbárakov degen saqshy edi. Dáret alýǵa ruqsat suraǵan tut­­qyndy dálizge shyǵardyq. Oqı­ǵa biz saqshy ekeýmiz oryn aýystyrǵan kezde qas-qaǵym sátte oryn aldy. Teris qarap turǵan ákki tutqyn óz ernin tistep qanatqan eken. Talmaýsyrap bara jatqan keıippen Múbárakovqa qaraı sylq túsip qulaǵan syńaı tanytty. Osy kezde jaýynger ony eki qo­ly­men ustaı almaq edi, sol kezde tutqyn onyń jambasyndaǵy oqtaýly tapanshany julyp alyp úlgerdi. Aınalýǵa mursha ber­meıtin tar jerde arpalys bas­talyp ketti. Tez qımyldap tutqyn­nyń oń jaq betinen sol qolmen qatty urdym. Osy sátte tutqyn Múbárakovty bir ret atyp úlgerdi. Múbárakov qulaǵanda men tutqynǵa umtyldym.Tambýrdyń ishi tar, qolyńdy sozý múmkin emes. Onyń ekinshi atqan oǵy me­niń ishime tıdi. Sol qolymmen ishimdi basyp úlgerer-úlgermesten tutqyndy bas saldym. Keńirdegine jabysqan kúıi tobyǵynan teptim. Álsiz shyqty. Qolym jeńine tıgende qushaqtaı alyp, jambasqa salyp alyp urdym. Sol kezde ol meni ekinshi ret atty. Ekeýmiz birdeı quladyq. Janyma batqanyna qara­mastan «tyrp» etkizbeı basyp jattym. «Dabyldy» estip qaraýyl bastyǵymen birge tolyq quramnyń sarbazdary kelip jetti. Maǵan al­­ǵashqy medısınalyq kómek kórsetildi. Bul kezde Semeı qalasyna jaqyndap ta qalǵanbyz, 20 mınýttan soń stansaǵa jetip toq­ta­dyq. Aldymyzdan jedel jár­dem shyqty. Tutqyndy qarý­syz­dandyryp tastaǵanbyz. Semeı­diń aýrýhanasynda 25 kúndeı jattym. Ishime eki oq tıdi. Onyń biri ishimdi tesip ótken. Dárigerler tórt ret operasııa jasady.Úshinshi oq... bári­bir sol jambasymda qalyp qoıdy. Semeıden Almatyǵa alyp kelgen úsh kúnnen soń qyzýym kóterilip, operasııa ústeline qaıta jattym. Taǵy operasııa jasaldy. Aıyǵyp shyqqan kúni Qazaqstan Respýblıkasynyń Prezıdenti, Bas Qolbasshymyz Nursultan Ábishuly Nazarbaevtyń óz qolynan II dárejeli «Aıbyn» ordenin aldym. Áskerı basshylyq ótken jyldyń sońynda leıtenant ataǵyn berdi, buǵan qosa, Almaty qalasynan bir bólmeli páter syılady. ...Sol bir oqıǵa umytylmastaı ja­dymda saqtalyp qaldy. Bir túsingenim, erlik kútpegen jerde, oıda joqta jasalady eken. Jandos BAIаNBAEV, leıtenant,  №7552 áskerı bólimi bólimshe komandıriniń jastar tárbıesi isi jónindegi kómekshisi, II dárejeli «Aıbyn» ordeniniń ıegeri ALMATY