• 07 Mamyr, 2016

Qazaqstan Respýblıkasy Prezıdentiniń Jarlyǵy №253

260 ret

kórsetildi

1 mın

oqý úshin

Egemen Qazaqstan

Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly Qazaqstan Respýblıkasy Konstıtýsııasynyń 44-babynyń 3) tarmaqshasyna sáıkes memlekettik basqarý júıesin jańǵyrtý jáne onyń tıimdiligin arttyrý maqsatynda qaýly etemin:

Qazaqstan Respýblıkasynyń Aqparat jáne kommýnıkasııalar mınıstrligi, oǵan Qazaqstan Respýblıkasynyń Investısııalar jáne damý mınıstrliginiń aqparat, aqparattandyrý jáne baılanys salasyndaǵy fýnksııalary men ókilettikteri berile otyryp, qurylsyn.
Qazaqstan Respýblıkasynyń Ulttyq ekonomıka mınıstrligi, Qazaqstan Respýblıkasynyń Aýyl sharýashylyǵy mınıstrligine jer resýrstaryn basqarý, geodezııalyq jáne kartografııalyq qyzmet salasyndaǵy memlekettik saıasatty qalyptastyrý jáne iske asyrý aıasyndaǵy fýnksııalary men ókilettikteri berile otyryp, qaıta uıymdastyrylsyn.
Qazaqstan Respýblıkasynyń Úkimeti:

1) Qazaqstan Respýblıkasynyń Prezıdenti Ákimshiligimen kelisý boıynsha qaıta uıymdastyrylatyn jáne qurylǵan memlekettik organdardyń shtat sanyn qaıta bólýdi; 2) osy Jarlyqtan týyndaıtyn ózge de sharalar qabyldaýdy qamtamasyz etsin.

«Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı tolyqtyrý engizilsin:

1-tarmaqta: «Qazaqstan Respýblıkasynyń Memlekettik qyzmet isteri mınıstrligi;» degen joldan keıin mynadaı mazmundaǵy jolmen tolyqtyrylsyn: «Qazaqstan Respýblıkasynyń Aqparat jáne kommýnıkasııalar mınıstrligi;».

Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti N.NAZARBAEV Astana, Aqorda, 2016 jylǵy 6 mamyr №253