ASTANA. 9 mamyr. Búgin Astanada 1941-1945 jyldardaǵy Uly Otan soǵysyndaǵy Jeńistiń 71 jyldyǵyna oraı «Otan qorǵaýshylar» monýmentine saltanatty gúl qoıý rásimi ótti. Bul týraly egemen.kz tilshisi habarlady.
Sharaǵa Premer-Mınıstr Kárim Másimov, Parlament Senatynyń tóraǵasy Qasym-Jomart Toqaev, Májilistiń tóraǵasy Baqtyqoja Izmuhambetov, Memlekettik hatshy Gúlshara Ábdiqalyqova, Qorǵanys mınıstri Imanǵalı Tasmaǵambetov, soǵys jáne eńbek ardagerleri, memlekettik organ basshylary, sondaı-aq, Uly Otan soǵysynda qaza bolǵan qazaqstandyqtardy eske alý úshin jınalǵan elorda turǵyndary men qonaqtary qatysty.
«Búgin merekelik sharaǵa Uly Otan soǵysynyń 45 qatysýshysy qurmetti qonaq retinde qatysty. Aýa-raıynyń qolaısyzdyǵyna qaramastan ardagerlerdiń kóńil-kúıi kóterińki. О́kinishke oraı, jyldan-jylǵa olardyń sany azaıyp barady. Ardager atalarymyzǵa densaýlyq tileımin. Balalary men nemere, shóbereleriniń ortasynda aman-esen júrse eken deımin» , dep atap ótti Astana qalasy Qorǵanys isteri jónindegi departamenti bastyǵynyń orynbasary Bahtııar Pernebekov.
Bul kúni «Otan qorǵaýshylar» eskertkishine 1 500-ge jýyq gúl shoqtary qoıyldy. Gúl qoıý rásimi Memlekettik kúzet qyzmeti Prezıdenttik orkestriniń oryndaýyndaǵy mýzykalyq shyǵarmalarmen súıemeldendi. Shara qatysýshylarynyń júzinen qýanysh pen tolqynys, erekshe maqtanysh sezimi baıqalyp turdy. Qan maıdanda erlikpen qaza bolǵan otandastarymyzdyń rýhyna taǵzym jasalyp, bir mınýt únsizdik jarııalandy.
Dastan Kenjalın.
Derek, foto: Qorǵanys mınıstrligi.
