AQTО́BE. 9 mamyr. Aqtóbede №6655 áskerı bóliminde Otan qorǵaýshylar kúni jáne Uly Jeńistiń 71 jyldyǵyna arnalǵan saltanatty shara boldy. Bul týraly egemen.kz tilshisi habarlady.
Oǵan áskerı quram, soǵys jáne eńbek ardagerleri, mektep oqýshylary qatysty. Saltanatty sharada oblys ákimi Berdibek Saparbaev sóz alyp, áskerılerdi jáne jınalǵandardy tól merekesimen jáne Uly Jeńistiń 71 jyldyǵymen quttyqtady.
«Táýelsiz memleketimizdiń saltanat qurýynda aǵa urpaqtyń jaýyngerlik erlik ónegesiniń mańyzy zor. Al, qazir qyzmet etip jatqan áskerıler egemen elimizdiń qaýipsizdigin qamtamasyz etip, el tynyshtyǵyn qorǵaýda ólsheýsiz eńbek etip keledi. Bul árbir qazaqstandyq úshin abyroıly mindet, azamattyq paryz», deı kelip óńir basshysy merekemen quttyqtady.
Merekelik shara aıasynda bir top áskerılerdi «Minsiz qyzmeti úshin» medalymen marapattaý rásimi boldy. Olardyń arsynda kapıtandar Qaırat Ospanov, Asylan Nurǵazıev, aǵa leıtenant Artýr Abdrahmanov III dárejeli, aǵa serjanttar Ǵalymjan Meraly, Ǵalymjan Qojaqulov II dárejeeli, podpolkovnık Manarbek Qabızov, maıorlar Esbolat О́nerbaev, Shynar Jumanbetova jáne leıtenant Sergeı Gaparov I dárejeli «Minsiz qyzmeti úshin» medaldarymen marapattaldy.Áskerı bólimniń bir top jaýynshgerlerine óńirde qoǵamdyq tártipti saqtaý. Bir top áskerılerge azamattardyń qaýipsizdigin qorǵaý mindetin abyroıly atqarǵany úshin oblys ákiminiń Alǵys haty tapsyryldy. Osyndaı marapatqa ishki ister áskeriniń ardagerleri Amangeldi Ospanov pen Karp Malovoı da ıe boldy.
Shara barysynda áskerı bólim jaýyngerleri saltanatty sherýmen ótti. Sharaǵa qatysýshylar áskerı qarý –jaraqpen, tehnıkamen tanysty.
Satybaldy Sáýirbaı.
Derek: egemen.kz
Foto: Haıreden Raýshanov.
