Aqtóbede medıasııa bólmesi ashyldy

AQTО́BE. 9 mamyr. «Nur Otan» partııasy Aqtóbe oblystyq fılıalynyń ǵımaratynda medıasııa bólmesi ashyldy. Bul týraly egemen.kz tilshisi habarlady. Onyń ashylý saltanatyna Sýdıalar odaǵy Aqtóbe fılıalynyń tóraǵasy A.Qalmuhambetov, sottar ákimshisi A.Mambetov, «Nur Otan» partııasy Aqtóbe oblystyq fılıalynyń ókili B.Akzamov, «Batys Qazaqstan medıasııa jáne kelissózder prosesi ortalyǵy» jeke mekemesiniń dırektory A.Kýrtaeva, oblystyń kásibı medıatorlary  qatysty. Sharanyń ashylý saltanatynda sóz alǵan sottar ákimshisi A.Mambetov basty maqsat sottan tys daýlardy sheshý artyqshylyqtary, medıasııa týraly Zańynyń erejelerin azamattardyń nazaryna jetkizý bolyp tabylatyndyǵyn atap ótti. Qazirgi tańda sottar medıasııany qoldaný tártibimen sheshilý múmkindigi bar istermen júktelgen. Medıasııa bólmesiniń ashylýy halyqqa daýlardy sottan tysjaǵdaıda sheshýdiń artyqshylyqtaryn bilý múmkindigin beredi. Kezdesý barysynda Sýdıalar odaǵy Aqtóbe fılıalynyń tóraǵasy A.Qalmuhambetov medıasııa bólmesiniń ashylýy sot qorǵaýyna júginbeı-aq daýlardy sheshetin, qazirgi tańda bitimgerlik kelisimdi qoldaný qajettiligi bar ýaqtyly jáne negizgi qadam bolyp tabylady dep atap ótti. Medıator ortalyqtary usaq daý-janjaldardy derbes sheshý múmkindigin qamtamasyz etip, qazirgizamanǵy azamattyq qoǵamdy qalyptastyrýda aıtarlyqtaı qoldaý kórsete alady. Femıda ókilderiniń aqparattaryna saı, medıasııa tártibimen aǵymdaǵy jyldyń 1 toqsanynda 219 is, onyń ishinde 142 qylmystyq is jáne 77 azamattyq is qaralǵan. Kezdesýge qatysýshylar keńse jabdyqtary men ádistemelik nusqaýlar, qajetti jıhazdarmen jabdyqtalǵan medıasııa bólmesiimen tanysty. Sonymen qatar, medıasııa bólmesiinde 2 aqparattyq banner, medıasııany qoldaný salasy týraly, bitimgerlik kelisim prosedýralaryn júrgizý prınsıpteri jáne  kásibı jáne kásibı emes medıatorlardyń tizimi týraly aqparattary bar arnaıy stend jasaqtallǵan.  Kezdesý sońynda qatysýshylar ózara yntymaqtastyq týraly memorandýmǵa qol qoıdy. Satybaldy Sáýirbaı. Derek, foto: egemen.kz