Memleket basshysy Máskeýde ótken áskerı paradqa qatysty

ASTANA. 9 mamyr. Memleket basshysy Nursultan Nazarbaev Qyzyl alańda ótken áskerı paradta boldy. Áskerı paradta Elbasy Belgisiz soldat zıratyna gúl qoıý rásimine qatysty. Bul týraly akorda.kz-ke silteme jasaǵan egemen.kz tilshisi habarlady. Máskeýdegi Jeńis paradyna 16 myńnan astam áskerı qyzmetshi, 194 qurlyqtyq áskerı tehnıka, 143 ushaq jáne tikushaq qatysty. Qyzyl alańnan Uly Otan soǵysyndaǵy áskerılerdiń formasyn kıgen tarıhı jaýyngerlik eseptoptar sap túzep júrip ótti. Parad barysynda TMD-ǵa qatysýshy memleketterdiń qarýly kúshteri men basqa da birqatar shet elderden on eseptop saltanatty sherý tartty. Qazaqstannan paradqa elimizdiń Qarýly Kúshteri Qurlyq áskerleriniń áskerı ınstıtýtynyń kýrsanttary qatysty. Qyzyl alańdaǵy Jeńis paradyna 2 300-den astam adam, sonyń ishinde taıaý jáne alys shetelderden ardagerler shaqyryldy. Máskeýdegi saltanatty is-sharalarǵa 30-ǵa jýyq sheteldiń memleket jáne úkimet basshylary, halyqaralyq uıymdardyń jetekshileri qatysty. Dastan Kenjalın. Derek, foto: akorda.kz