Qart maıdangerdi ulyqtady

Ońtústik Qazaqstan oblystyq soty­nyń ujymy Uly Otan soǵysynyń arda­geri, Qazaqstan Respýblıkasynyń qur­metti sýdıasy Aıtjan Beknazarov aqsa­qaldy Jeńis merekesimen quttyqtady. Sot ujymy qart maıdangerdi soǵys jáne eńbek ardagerleriniń esimi jazyl­ǵan Dańq taqtasynyń janynda qarsy alyp, eskertkishke gúl shoqtaryn qoıdy. Kúndeı kúrkirep ótken soǵystyń bel ortasynda bolǵan Aıtjan aqsaqal keshegi qarýlas dostary týraly estelikter aıtty. Dańq taqtasyna esimi altyn árippen ja­zylǵan ardager sýdıalardyń ekeýi Ke­ńes Odaǵynyń Batyry ekendigin eske aldy. Saltanatty sharada etnomádenı birlestikterdiń ókilderi de óz quttyq­taý­laryn jetkizdi. – Biz kórgen surapyl soǵysty keıin­gi urpaq kórmeı-aq qoısyn, – dedi Aıt­jan aqsaqal. – Elimizdiń Memleket bas­shysy Nursultan Nazarbaev adamzat balasyn aýyr zardapqa ushyratatyn ıadrolyq qarýdy taratpaý jóninde dúnıejúziniń basshylaryna úndeý jarııalady. О́ıtkeni, endigi soǵysta jeńimpazdar bolmaıdy. Elimiz aman, jurtymyz tynysh bolsyn. Qazaqstanymyz dáýirleı bersin. Júzge aıaq basqan abyz aqsaqaldyń tilegi osy. Baqtııar TAIJAN, «Egemen Qazaqstan» Ońtústik Qazaqstan oblysy