Batyr músini

О́skemende Jeńis kúni qarsańynda Keńes Odaǵynyń Batyry Izǵutty Aıtyqovqa bıýst qoıyldy. Oblys orta­lyǵynyń Metallýrgter kentindegi batyr atyndaǵy kósheniń jıeginen oryn tepken eskertkishti Jańabaı Áshimov bastaǵan jerlesteri ornatty. Eskertkishtiń tusaýkeserine jı­nal­ǵan jurt has batyrdyń beınesi oı­da­ǵydaı somdalǵanyn jetkizdi. Jergilikti aqyn Nurtaı Tileýjanuly: «...О́s­kemenniń shyǵysynan kirgen eldi, qa­zaqtyń has batyry qarsy alady» dep jyrdan shashý shashty. Rasynda, óziniń 22 jyl qysqa ǵumyrynda óshpes erligimen tarıhta qalǵan bahadúrdiń eskertkishi qalaǵa kirgen jolaýshynyń nazaryn birden aýdaratyn ońtaıly jerge qoıylǵanyn aıta ketken lázim. Keńes Odaǵy Batyrynyń atynda osyǵan deıin Shyǵys óńiriniń Ulan aýdanynda bir mektep pen bir aýyl bar edi. Endi oblys ortalyǵynan kóshe berilip, eskertkishi ornatyldy. «Er esimi – el esinde» degen osy. Ulan aýdany aqsaqaldar keńesiniń tór­aǵasy Rashıdbek Muhamedjan es­kert­­kishti quıýǵa kómek qolyn sozǵan atym­­taı azamattarǵa alǵysyn aıtty. Ashylý saltanatyna jınalǵan jurt­shy­lyq batyr rýhyna taǵzym etip, eskert­kishterge gúl shoqtaryn qoı­dy. I.Aıtyqov atyndaǵy mekteptiń óren­deri batyr atalaryna arnaǵan jyrlaryn oqyp, el rýhyn kóterer asqaq ánderin shyrqady. Dýman ANASh, «Egemen Qazaqstan» О́SKEMEN