Ardagerler ardaqtaldy

Teńdesi joq qaharmandyqtyń, erliktiń jáne beıbit turmys pen Otannyń bostandyǵyn qorǵap, halqymyzdyń rýh kúshiniń sımvolyna aınalǵan adamzat tarıhyndaǵy eń qantógis soǵysta 55 soltústikqazaqstandyq Keńes Odaǵynyń Batyry, 11-i «Dańq» ordeniniń tolyq kavaleri atandy. Aty ańyzǵa aınal­ǵan 314-shi atqyshtar dıvızııasy Qyzyljar óńirinde qury­lyp, 20-dan astam qala men 1 myńǵa jýyq eldi mekendi jaýdan azat etti. Uly Jeńis kúni surapyl qan maıdanda ot keshken keshegi ja­ý­yn­­­gerlerdiń – búgingi maı­dan­ger­lerdiń erlik joldary óskeleń ur­paq úshin úlgi-ónege mektebi, Otan­ǵa degen adaldyqtyń úlgisi re­tin­de ardaqtalyp, laıyq­ty túr­­de atap ótildi. Teatr ala­ńyn­­da ótken mı­tıngte aımaq bas­­shy­sy Erik Sultanov sóz sóılep, sol­­tús­­tik­qa­zaq­­­stan­­dyq­­tar­dyń or­taq je­ńis­ke zor úles qos­qa­nyn, bú­gin­gi kúni birlik pen keli­­sim basty qun­dylyǵymyz bo­lyp taby­la­tynyn kóldeneń tartty. Qala jurt­­shylyǵynyń qatysýymen «Je­ńis» stellasyna, «Máńgilik alaý­­­ǵa» gúl shoqtary qoıylyp, el, je­r úshin jandaryn pıda et­­ken boz­­­daqtardyń rýhy eske alyndy. Ortalyq alańda «Eshkim de, esh­teńe de umytylmaıdy» taqyry­byn­da uıymdastyrylǵan patrıottyq kom­pozısııa maı­dan dalasyna at­tan­ǵan jaýyn­gerlerdiń erlikpen óril­gen ómir­lerin kóz aldymyzǵa elestetip, patrıottyq sezimderge qozǵaý saldy. Sodan beri arada qanshama jyl ótse de, jeńis dańqy halyq jadynan ósh­peıtinin, júrekterde máńgilik saq­ta­latynyn taǵy bir aıǵaqtap berdi. Qalanyń basty kóshelerimen motosherý, avtosherý kolon­nalary sap túzep ótip, mereke shyraıyn asha tússe, «Máńgi ólmes polk» paradyna qaty­sý­shylar qatary óte qalyń bol­dy. Konserttik baǵdarlamaǵa etnomádenı birles­tikter de belsene qatysyp, túrli tilderde jeńis án­derin áýelete shyrqady. Jeńis merekesi túngi ot­shashýǵa jalǵasty. О́mir ESQALI, «Egemen Qazaqstan» PETROPAVL