ALMATY. 10 mamyr. Almaty qalasyndaǵy «Iýbıleınyı» sýpermarketi jaılasqan jeti qabatty turǵyn úıdi sharpyǵan órtten zardap shegýshilermen qala ákimi Baýyrjan Baıbek kezdesti. Bul týraly qala ákimdigi baspasóz qyzmetine silteme jasaǵan egemen.kz tilshisi habarlady.
Qala ákimi ýaqytsha qurylǵan «palatkaly qalashyqta» qonystanǵan turǵyndardyń hal-jaǵdaılarymen tanysyp, órt zardabynyń úsh kún ishinde tolyqtaı joıylatynyna ýáde berdi.Ottyń ushqyny tıgen barlyǵy 46 páter ıeleriniń talaptary tolyqtaı qamtamasyz etiletinine sendirdi.
Qazir úsh merdiger mekeme turǵyn úılerdi bastapqy qalpyna keltirý máselesimen aınalysyp jatyr. Qalanyń Almaly aýdany ákimdiginiń janynan qurylǵan arnaýly komıssııa órtten kelgen shyǵynnyń somasyn anyqtap ta qoıdy.
Aıta keteıik, búgin tańerteń Almatydaǵy Abylaı han men Gogol kóshesiniń qıylysyndaǵy jeti qabatty turǵyn úıdiń birinshi qabatyna japsarlasyp salynǵan «Korova bar» dámhanasynda órt shyǵyp, jedel arada tosyn apattan 7 adam qutqarylyp, 120 adam qaýipsiz jerge jetkizilgen bolatyn. Olardyń ishinde úsh bala bar. Gazǵa ýlanǵan bir adam aýrýhanaǵa jatqyzyldy. О́zge zardap shekkender joq.
Tilsiz jaýdy joıýǵa qalalyq tótenshe jaǵdaılar departamentiniń órt sóndirý qyzmetinen 115 adam, 21 arnaıy tehnıka, polısııa qyzmetkerleri, jedel járdem dárigerleri, kommýnaldyq qyzmet mamandary jumyldyryldy. Aýmaǵy 1100 sharshy metrdi sharpyǵan qyzyl jalyn bir saǵattyń aınalasynda tolyqtaı aýyzdyqtaldy.
Qazir tergeý oryndary órttiń shyǵý sebep-saldaryn anyqtaý ústinde.
Talǵat Súıinbaı.
Derek: Almaty qalasy ákimdiginiń baspasóz qyzmeti.
Foto: Iýrıı Bekker.
