PAVLODAR. 11 mamyr. Pavlodar qalasynda Derıbas atyndaǵy kóshe jerlesimiz, Keńes Odaǵynyń Batyry Qudaıbergen Maǵzumuly Suraǵanovtyń esimimen aýystyryldy. Bul týraly egemen.kz tilshisi habarlaıdy.
Qaladaǵy «Qazaqstan-Pavlodar» oblystyq teleradıo kompanııasy ornalasqan kóshe endi Qudaıbergen Suraǵanov esimimen atalady. Teleradıo kompanııa ǵımaraty aldynda ótken saltanatty sharaǵa oblys ákimdigi, oblystyq máslıhat, memlekettik organdardyń ókilderi, zııaly qaýym, batyrdyń týystary men jaqyndary, aqparat quraldary ókilderi qatysty.
Batyr atamyz 1921 jyly Qashyr aýdany Sulýaǵash aýylynda týǵan. Ol 1941 jyly kishi leıtenanttar kýrsyn bitirip, 1-Belarýs maıdany 33-armııa 142-artıllerııalyq brıgada quramynda soǵysqa qatysty. Stalıngrad túbindegi shaıqasta aýyr jaralanyp, gospıtalǵa túsken. Keıin ol Belarýs, Lıtva, Polshany azat etýge qatysty. Dnepr, Vısla, Oder ózenderinen ótti. Atamyz I dárejeli «Dańq» ordenimen jáne eki «Qyzyl Juldyz» ordenderimen marapattaldy. 1946 jylǵy Qudaıbergen Suraǵanovqa Keńes Odaǵynyń Batyry ataǵy berildi.
Farıda Byqaı.
Derek: egemen.kz.
Foto: Valerıı Býgaev.
