Túrkııada bolǵan lańkestik áreketten 3 adam qaza tapty

ASTANA. 11 mamyr. Túrkııanyń ońtústik-shyǵysyndaǵy Dııarbakyr qalasynda bolǵan lańkestik áreketten 3 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady. CNN Türk telearnasynyń habarlaýynsha, oqıǵa jergilikti ýaqyt boıynsha saǵat 16:30-da ortalyq aýdandardyń birinde bolǵan. Sodyrlar jarylǵysh zat ornatylǵan avtomobıldi polısııa kólikteri ótip bara jatqan kezde jaryp jibergen. Saldarynan taǵy 22 adam túrli deńgeıde jaraqat aldy. Terrorlyq áreketti qaı toptyń jasaǵany belgisiz. Alaıda, boljam boıynsha bul iske «Kúrdistan jumysshylar partııasynyń» qatysy bolýy múmkin. Sebebi, sońǵy aılarda Dııarbakyr qalasynyń mańaıynda úkimet áskeri men atalǵan uıymnyń arasynda qaqtyǵystar jıi oryn alýda. Aıta keteıik, ótken aıdyń 15 sáýirinde birneshe provınsııada ótken arnaıy operasııa kezinde ondaǵan ekstremıst qaza tapty. Al málimetter boıynsha, osyǵan deıingi qaqtyǵystar kezinde barlyǵy 600 sodyrdyń kózi joıylǵan. Aıan Ábdýálı. Derek: TASS. Foto: RIA «Novostı».