PETROPAVL. 11 mamyr. Polsha Respýblıkasy Senatynyń tóraǵasy Stanıslav Karchevskıı bastaǵan delegasııa Qyzyljar óńirinde bolyp, birqatar kezdesýler ótkizdi. Bul týraly oblys ákimdiginiń baspasóz qyzmetine silteme jasaǵan egemen.kz tilshisi habarlady.
Sheteldik meımandar Taıynsha aýdanyna qarasty Ozernoe, Kellerovka, Iаsnaıa polıana eldi mekenderiniń turǵyndarymen júzdesti. Osynda aımaq basshysy Erik Sultanov pen Stanıslav Karchevskııdiń kezdesýi ótti. Jıynǵa polıak dıasporasy qatysty.
«О́ńirde 90-nan astam etnos ókilderi turady. Taıynsha aýdanynda polıaktar kóp shoǵyrlanǵan. Olar soǵys jyldary týǵan jerinen amalsyz jer aýdarylyp, osynda turaqtap qalǵan polıaktardyń urpaqtary sanalady. Aýdanda etnomádenı birlestik jumys isteıdi. 9 mektepte polıak tili úıretiledi. Sońǵy jyldary aımaqtyń Polsha elimen ekonomıkalyq baılanysy nyǵaıyp keledi», – dedi oblys ákimi.
Stanıslav Karchevskı óz sózinde eki el arasyndaǵy dostyq qarym-qatynastyń odan ári damı túserine kámil senim bildirip, Qazaqstanda qabyldanǵan reformalardyń zor qarqynmen atqarylyp jatqanyn atap ótti.
Kezdesýde «Taıynsha Astyq» jaýapkershiligi shekteýli seriktestiginiń dırektory Anatolıı Rafalskıı, Kellerovka aýylynyń turǵyny Galına Sosnovskaıa dostyqqa, ózara túsinistikke qurylǵan elde turatyndaryn maqtan etetinderin jetkizdi.
Munan keıin delegasııa Iаsnaıa polıanadaǵy murajaıda, Ozernoedegi kostel men monastyrda boldy. Kellerovkadaǵy balabaqshaǵa syılyqtar tabystady.
О́mir Esqalı.
Derek, foto: Soltústik Qazaqstan oblysy ákimdiginiń baspasóz qyzmeti.
