QOSTANAI. 11 mamyr. Qostanaı oblysynyń tótenshe jaǵdaılar departamenti azamattyq qorǵanys basqarmasymen birlesip, B. Momyshuly atyndaǵy №5 orta shendi kadetter mektebiniń oqýshylary úshin ashyq esik kúnin ótkizdi. Bul týraly oblystyq tótenshe jaǵdaılar departamentiniń baspasóz qyzmetine silteme jasaǵan egemen.kz tilshisi habarlady.
Qostanaı qalalyq №2 arnaıy mamandandyrylǵan órt sóndirý bólimine barý kezinde balalarǵa órt sóndirý-qutqarý bóliminiń jumysy týraly áńgimelendi, otpen kúresýshiler qoldanatyn jabdyqtar kórsetilip onyń erekshelikteri túsindirildi. Oqytý synybynda balalarǵa órt sóndirýshiniń áskerı kıimi, órt sóndirýdiń alǵashqy quraldary men tútin taraǵan ǵımaratta jumys kezinde órt sóndirýshiler qoldanatyn demalý apparattary tanystyryldy.
Sodan soń balalarǵa tótenshe jaǵdaılar departamenti murajaıyna ekskýrsııa uıymdastyryldy, onda olarǵa ár kezeńdegi eksponattar – 1914 jylǵy qol sorǵysy, HH ǵasyr ortasyndaǵy baılanys quraldary, zamanaýı qutqarýshy jabdyqtar kórsetildi.
Oqýshylar ekskýrsııa jetekshisin qyzyǵýshylyqpen tyndady, alǵashqy órt sóndirýshi kólikteriniń sýretteri bar kórkem keneptermen, Keńes Odaǵy Batyrlary men qyzmet ardagerleriniń foto sýretterimen tanysty.
Mundaı is-sharalar bolashaq urpaqty patrıottyqqa tárbıeleý, qutqarýshy mamandyǵyn tanytý maqsatynda júrgiziledi.
Názıra Jármbetova.
Derek, foto: Qostanaı oblystyq tótenshe jaǵdaılar departamentiniń baspasóz qyzmeti.
