Parlamentaralyq baılanystyń jańa belesi

Parlament Senatynyń Tóraǵasy Qasym-Jomart Toqaev osy kúnderi Qazaqstanda resmı saparmen júrgen Reseı Federasııasy Federaldyq Jınalysy Federasııa Keńesiniń Tóraıymy Valentına Matvıenkomen kelissóz júrgizdi, dep habarlady Qazaqstan Respýblıkasy Parlamenti Senatynyń baspasóz qyzmeti. Kelissóz kezinde Qazaqstan men Reseı qarym-qatynastarynyń ózekti máseleleri, eýrazııalyq yqpaldastyqty damytý jáne álemdegi qazirgi ahýal jaıy talqylandy. Júzdesýshiler Qazaqstandaǵy jáne Reseıdegi reformalardy zańnamalyq turǵyda qoldaý, ekonomıkadaǵy daǵdarysty jaǵdaılardy eńserý, sonymen qatar, shekara mańyndaǵy yntymaqtastyqty óristetý má­seleleri boıynsha pikir almasty. Q.Toqaevtyń pikirinshe, Qazaqstan men Reseı sııaqty etene jaqyn elder úshin zań shyǵarýshy organdardyń tóraǵalary deńgeıinde udaıy pikir almasyp, keńesip otyrý asa mańyzdy. Bul, ásirese, qazirgi álemdegi kúrdeli jaǵdaıda óte qajet. Osy oraıda, eki el arasyndaǵy strategııalyq áriptestiktiń parlamenttik ólshemi aıryqsha ról atqarady, dedi Senat Tóraǵasy. Q.Toqaev, sonymen qatar, Qazaqstan men Reseı ózara tıim­di yntymaqtastyq, adamdar ara­syndaǵy dostyq baılanystar, sondaı-aq, aımaqtyq qaýipsizdik pen ekonomıkalyq yqpaldastyq­ty damytýǵa bar kúsh-jigerin salyp otyrǵan strategııalyq árip­tester ári odaqtastar ekenin atap ótti. Senat Tóraǵasynyń pikirinshe, eki memleket basshylary N.Á.Nazarbaev pen V.V.Pýtın qol qoıǵan jáne eki eldiń parlamentteri ratıfıkasııalaǵan HHI ǵasyrdaǵy tatý kórshilestik jáne odaqtastyq týraly shart sonyń berik negizi bolyp tabylady. Kelissózden keıin Reseı Federasııa Keńesiniń Tóraıymy Qazaqstan Senaty depýtattarynyń aldynda sóz sóıledi. V.Matvıenko sóziniń basynda qazaqstandyq áriptesterin Qazaqstan Parlamenti Májilisi saılaýynyń ta­bys­ty ótýimen quttyqtady. Ol «Saı­­­laý nátıjesi yntymaqtas Qazaqstannyń turaqtylyǵy men órkendeýine, Prezıdent Nursultan Ábishuly Nazarbaev bastamashy bolǵan ekonomıkalyq reformalardyń jalǵasýyna járdemdesetinine» senim bildirdi. Reseı Parlamenti joǵarǵy palatasy Tóraıymynyń pikirinshe, keıingi jyldarda Eýrazııalyq ekonomıkalyq odaq qyzmetiniń bastalýy Reseı men Qazaqstan qatynastaryndaǵy basty oqıǵa bolyp otyr, ony qurý týraly shartqa Astanada qol qoıylǵan bolatyn. V.Matvıenko: «Sońǵy on jyldyqta TMD jáne tipti kúlli Eýrazııa keńistiginde EAEO eń aýqymdy yqpaldastyq jobasy boldy», dep atap ótti. Onyń sózinde halyqaralyq jáne aımaqtyq negizgi máseleler boıynsha eki el ustanymdarynyń uqsastyǵy nemese jaqyndyǵy halyqaralyq arenadaǵy aýqymdy yntymaqtastyq úshin shynaıy negiz jasaıtyny kóldeneń tartyldy. V. Matvıenko aımaqtyq jáne aımaqaralyq yqpaldastyq jobalaryn ushtastyrý úderisterin qoldaý, sondaı-aq, teń quqyqtylyq qaǵıdattary men ózara múddelerdi eskerýge negizdelgen qajetti quqyqtyq bazany qalyptastyrý úshin Reseı men Qazaqstannyń, Eýrazııanyń basqa elderiniń zań shyǵarý organdary kóptegen isterdi atqara alatynyna senim bildirdi. «Zań shyǵarý jumystarymyz­da, parlamentaralyq yntymaq­tas­tyqty damytýda bizge adam­dar­dyń múddelerin, Reseı men Qa­zaqstan azamattarynyń múddelerin birinshi orynǵa qoıý kerek, – dedi Federasııa Keńesiniń bas­shysy. – Tek solardyń baǵasy ǵana bá­ri­mizdiń qyzmetimizdiń tıim­­di­li­giniń kórinisi bolyp tabyl­maq». V.Matvıenko Reseı parla­ment­shileriniń Astanada 31 mamyrda ótetin «Dinder terrorızmge qar­sy» halyqaralyq konferensııasyna qatysý jospary týraly da habarlady. Valentına Matvıenko Qazaq­stan Respýblıkasy Parlamenti Senatynyń depýtaty Qaırat Ishanovqa «Sovet Federasıı. HH let» estelik medalin tabys etti. Ol kóp jylǵy jáne jemisti eńbegi úshin marapatqa ıe boldy.