PETROPAVL. 13 mamyr. Soltústik Qazaqstan oblysynda aýyl sharýashylyǵy tehnıkalaryn shyǵarýǵa arnalǵan kásiporyn men Peterbor mashına jasaý zaýytynyń birlesken jobasy boıynsha bıyl «K-704» traktory «Batyr» degen atpen qurastyrylatyn bolady. Bul týraly oblystyq ákimdiktiń baspasóz qyzmetine silteme jasaǵan egemen.kz tilshisi habarlady.
О́ndiris ornynda aımaq basshysy Erik Sultanov bolyp, jumys jaǵdaıymen tanysty. Jergilikti kásiporynda jóndeý jumystary júrgizilip, jabdyqtar ákelinýde. Onyń jobalyq qýaty jylyna 120 traktor shyǵarýǵa laıyqtalǵan. Kásiporynnyń bas dırektory Sergeı Shınkarenkonyń aıtýynsha, birinshi kezeńde kólikke arnalǵan bólshekterdiń 35 paıyzy osy jerde qurastyrylyp, 50 jańa jumys orny ashylady. Investısııalyq salym ázirge 300 mıllıon teńgeni quraıdy. Aldaǵy ýaqytta onyń mólsheri 1,2 mıllıard teńgege jetkiziledi.
Erik Hamzauly aýyl sharýashylyǵy mashınalaryn satyp alýdy sýbsıdııalaý máselelerin sheshý qajettigin atap kórsetti.
«Qazir biz Qazaqstanda shyǵarylǵan aýyl sharýashylyǵy mashınalaryn sýbsıdııalaý ımporttalatynǵa qaraǵanda joǵary bolýy úshin aýyl sharýashylyǵy mınıstrligimen kelissóz júrgizýdemiz», – dedi oblys ákimi.
О́mir Esqalı.
Derek, foto: Soltústik Qazaqstan oblysy ákimdiginiń baspasóz qyzmeti.
