Qazaqstan Respýblıkasy Mádenıet jáne sport mınıstrliginiń buıryǵy №40 2015 jylǵy 22 jeltoqsan 6 Astana qalasy

  Memlekettik áleýmettik tapsyrystyń iske asyrylý monıtorıngin júrgizý qaǵıdalaryn bekitý týraly «Qazaqstan Respýblıkasyndaǵy memlekettik áleýmettik tapsyrys, úkimettik emes uıymdarǵa arnalǵan granttar jáne syılyqaqylar týraly» Qazaqstan Respýblıkasynyń 2015 jylǵy 12 sáýirdegi Zańynyń 4-1-babynyń 3) tarmaqshasyna sáıkes buıyramyn: 1. Qosa berilip otyrǵan Memlekettik áleýmettik tapsyrystyń iske asyrylý monıtorıngin júrgizý qaǵıdalary bekitilsin. 2. Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti: 1) osy buıryqtyń Qazaqstan Respýblıkasy Ádilet mınıstrliginde zańnamamen belgilengen tártipte memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp, Qazaqstan Respýblıkasy normatıvti quqyqtyq aktileriniń etalondy baqylaý bankine engizý úshin eltańbaly mórmen kýálandyrylǵan qaǵaz danasyn qosa bere otyryp osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan elektrondyq túrdegi osy buıryqtyń kóshirmelerin joldaýdy; 3) osy buıryqty Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy tarmaqtyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Mádenıet jáne sport mınıstri A.MUHAMEDIULY Qazaqstan Respýblıkasy Mádenıet jáne sport mınıstriniń 2015 jylǵy 22 jeltoqsandaǵy №406 buıryǵymen bekitilgen Memlekettik áleýmettik tapsyrystyń iske asyrylý monıtorıngin júrgizý qaǵıdalary 1. Jalpy erejeler 1. Osy Memlekettik áleýmettik tapsyrystyń iske asyrylý monıtorıngin júrgizý qaǵıdalary (budan ári - Qaǵıdalar) úkimettik emes uıymdarmen ózara is-qımyl salasyndaǵy ýákiletti organnyń (budan ári - ýákiletti organ) memlekettik áleýmettik tapsyrysty iske asyrý jónindegi memlekettik organdardyń qyzmetine monıtorıngti júrgizý tártibin anyqtaıdy. 2. Memlekettik áleýmettik tapsyrystyń iske asyrylý monıtorıngi áleýmettik baǵdarlamalardy, áleýmettik jobalardy tıimdi júzege asyrýdy qamtamasyz etý boıynsha ýaqytyly jáne sapaly is-sharalar qabyldaý maqsatynda júrgiziledi. 2. Memlekettik áleýmettik tapsyrystyń iske asyrylý monıtorıngin júrgizý tártibi 3. Memlekettik áleýmettik tapsyrystyń iske asyrylý monıtorıngin ýákiletti organ júrgizedi jáne memlekettik organdar usynatyn aqparatty jınaqtaýdy, óńdeýdi jáne taldaýdy qamtıdy. 4. Memlekettik organdar ýákiletti organǵa jylsaıyn 25 shilde jáne 25 jeltoqsan merzimine kelesi aqparatty usynady: 1) áleýmettik tapsyrys boıynsha júzege asyrylatyn áleýmettik baǵdarlamalar men áleýmettik jobalardyń Qazaqstan Respýblıkasy Prezıdenti – Ult Kóshbasshysy N.Á.Nazarbaevtyń 2012 jylǵy 14 jeltoqsanda jarııa­laǵan «Qazaqstan-2050 strategııasy»: qalyptasqan memlekettiń jańa saıası baǵyty» atty Qazaqstan halqy­na Jol­daýynda, Qazaqstan Respýblıkasy Prezıdentiniń Qazaqstan halqyna jylsaıynǵy Joldaýlarynda, basqa da strate­gııalyq qujattarda aıqyndalǵan memlekettik saıasattyń strategııalyq maqsattary men mindetterine sáıkestigi týraly; 2) áleýmettik tapsyrys boıynsha júzege asyrylatyn áleýmettik baǵdarlamalar men áleýmettik jobalardyń memlekettik organdardyń strategııalyq jospar maqsatynyń ındıkatorlary, aımaqtyq damý josparlaryna sáıkestigi týraly; 3) memlekettik áleýmettik tapsyrys boıynsha júzege asyrylatyn áleýmettik baǵdarlamalar, áleýmettik jobalar sheńberinde turǵyndardyń adrestik toptarynyń qamtylýy týraly; 4) memlekettik áleýmettik tapsyrys sheńberinde áleýmettik baǵdarlamalar, áleýmettik jobalardy iske asyrýǵa josparlanǵan jáne jumsalǵan bıýdjet qarajatynyń kólemi týraly; 5) memlekettik áleýmettik tapsyrys sheńberinde áleýmettik baǵdarlamalar men áleýmettik jobalardy iske asyrýǵa qatystyrylǵan úkimettik emes uıymdar (qyzmet kórsetý salasyndaǵy jumys tájirıbesi, qyzmet salasy boıynsha mamandardyń bolýy, materıaldyq resýrstarynyń bolýy) týraly; 6) áleýmettik baǵdarlamalar men áleýmettik jobalardyń mańyzdy áleýmettik salalarda maqsatyna qol jetýine (áleýmettik mindetterdi sheshýde naqty nátıjeler) yqpaly týraly. 5. Ýákiletti organ osy Qaǵıdanyń 4-tarmaǵynda kórsetilgendeı aqparatty jınaýdy júrgizedi jáne memlekettik áleýmettik tapsyrysty júzege asyratyn memlekettik organdar tapsyrǵan jıyntyq aqparat arqyly ármenqaraı olardy óńdeýdi iske asyrady. 6. Ýákiletti organnyń óńdeý qorytyndysy boıynsha ýákiletti organ memlekettik áleýmettik tapsyrystardy júzege asyrýdyń jalpy úrdisterin, problemalyq máselelerdi bólip alý jolymen jıyntyq aqparat taldaýdy júrgizedi jáne respýblıkalyq jáne aımaqtyq deńgeıdegi memlekettik áleýmettik tapsyrystar sheńberinde áleýmettik baǵdarlamalardyń, áleýmettik jobalardyń tıimdi júzege asyrylýyn qamtamasyz etý jónindegi usynystardy jasaıdy. 7. Ýákiletti organ monıtorıng qorytyndysy boıynsha memlekettik áleýmettik tapsyrysty júzege asyrý jónindegi qorytyndy aqparatty ázirlep, Qazaqstan Respýblıkasy Úkimetine 25 tamyz jáne 25 qańtar merzimine deıin engizedi. 8. Memlekettik organdar memlekettik áleýmettik tapsyrysty josparlaý jáne júzege asyrý kezinde ýákiletti organnyń usynymdaryn basshylyqqa alady. Buıryq Qazaqstan Respýblıkasynyń Ádilet mınıstrliginde 2015 jylǵy 31 jeltoqsanda Normatıvtik quqyqtyq kesimderdi memlekettik tirkeýdiń tizilimine №12695 bolyp engizildi.